နောက်ဆုံးသတင်း/ဆောင်းပါးများ

ရခိုင်ပဋိပက္ခ မျက်ခြည်မပြတ် စောင့်ကြည့်ရန် ပြည်နယ်အစိုးရ အဖွဲ့ကို နိုင်ငံတော်သမ္မတ သတိပေး

ရန်ကုန်၊ နိုဝင်ဘာ ၁၇ ရခိုင်ပြည်နယ် အတွင်း ဖြစ်ပွားနေသော ပဋိပက္ခများ လတ်တလော အနေအ ထား အရ ယာယီအားဖြင့် တည်ငြိမ်နေသော်လည်း အချိန်မရွေး ဆူပူ အကြမ်းဖက်မှုများ ထပ် မံဖြစ်ပေါ် လာနိုင် သဖြင့်မိမိတို့အစိုးရအဖွဲ့အနေဖြင့်မျက်ခြည်မပြတ် စောင့်ကြည့်ရန်လိုအပ်ကြောင်း နိုင်ငံတော် သမ္မတက အစိုးရအဖွဲ့ကို နိုဝင်ဘာ ၁၆ ရက်နေ့က သတိပေး ပြောကြား လိုက်သည်။

ရခိုင်ပြည်နယ် ဒေသခံ များ၏ စိတ်တွင် အခဲမကြေ မှုများ၊ လက်စားချေလို မှုများ၊ ကြောက်ရွံ့ စိုးရိမ်မှု များ ဖြစ်ပေါ် နိုင်သည့် အတွက် အချိန်မရွေး ဆူပူအကြမ်းဖက် မှုများ ထပ်မံဖြစ်ပေါ် လာနိုင်သဖြင့် မိမိတို့ အစိုးရ အဖွဲ့က အထူး အလေးထား သင့်ကြောင်း နိုင်ငံတော် သမ္မတကြီးက သတိပေး ခဲ့သည်။

ရခိုင်ပြည် အရေးနှင့် ပတ်သတ်၍ ဝန်ကြီးဌာန အလိုက် ဝန်ကြီးများ ကိုယ်တိုင် ကွင်းဆင်း ကြည့်ရှုပြီး လို အပ် သည် များကို ကူညီဆောင်ရွက် သွားရမည် ဟု၎င်းက ညွန်ကြားခဲ့သည်။

ရခိုင် တိုင်းရင်းသားရေးရာ ဝန်ကြီး ဦးဇော်အေးမောင် အပါအဝင် ရခိုင်နိုင်ငံရေး ပါတီအချို့ ကမူ ရခိုင်ပြည် တွင် နိုဝင်ဘာလ ဒုတိယ အပတ်က စပြီး အုပ်စုလိုက် ရမ်းကားမှုများ ရှိနေကြောင်း ပြောဆိုသည်။
”ရခိုင်ပြည် အခြေအနေက မထင်မှတ်ပဲ ပေါက်ကွဲ သွားနိုင်တယ်။ အဲဒီလို ဖြစ်လာအောင် လည်း တစ်ဖက် က အကွက်ကျကျ စီမံချက် ရှိရှိ လုပ်နေကြတယ်။ ဒါကို အစိုးရနဲ့ ကျွန်တော်တို့ ပူးပေါင်း ဖြေရှင်း ရမယ်။” ဟု ဝန်ကြီး ဦးဇော်အေးမောင် က ဆိုသည်။

ရခိုင်ပြည်နယ် တွင် ရာဇဝတ်မှု တစ်ခုကို အကြောင်းပြု၍ အကြမ်းဖက်မှုများ ဖြစ်ပွား ခဲ့ရာမှ လူမျိုး စု၊ ဒေသ စွဲ ပြင်းထန်သူ လူ တစ်ချို့၏ နောက်ကွယ်မှ သွေးထိုး မြှောက်ပင့်မှု၊ နိုင်ငံအချို့ အဖွဲ့အစည်း အချို့မှ မမှန် သတင်း ထုတ်ပြန် လှုံ့ဆော်မှုကြောင့် လူမျိုးရေး၊ ဘာသာရေး အသွင် ဆောင်သော ဆူပူ အကြမ်း ဖက်မှုများ ဖြစ်ပေါ် လာရကြောင်း နိုင်ငံတော် သမ္မတရုံး သတင်းထုတ် ပြန်ချက်တွင် ဖော်ပြ ထား သည်။
 
The Voice Weekly.

Comment ရေးရန်

Rohingya Exodus