အကြမ်းဖက် မှုများအား မထိန်းနိုင် တာလား? မထိန်း တာလား?

မြန်မာ အစိုးရက မိထ္တီလာ မြို့နှင့် နီးစပ်ရာ မြို့များ၌ ဖြစ်ပျက် သွားသော အကြမ်းဖက်မှု များအား မ ထိန်းနိုင် တာလား? မထိန်း တာလား? စဉ်းစား စရာပါ ... 

မတ်လ ၂၀ ရက်နေ့တွင် မိထ္တီလာ မြို့၌ ဖြစ်ပွားသွားခဲ့သော အကြမ်းဖက် မှုသည် လွန်စွာ မြန်ဆန်၍ အ ကွက် ကျလွန်း လှသည်။ ရွှေဆိုင်၌ ပြဿနာ စဖြစ်ချိန်အကြမ်းဖက် သမားများ ရွှေဆိုင်နှင့် ပတ်ဝန်းကျင် မူဆလင်ဆိုင် များနှင့် အိမ်များအား ဖျက်ဆီး ချိန်တွင် သံင်္ဃာတော် တပါးအား မူဆလင်များမှ အက်စစ်နှင့် ပက်၍ သတ်ဖြတ် လိုက်ကြောင်း ဝါဒဖြန့်ချိန် တို့သည် လွန်စွာ လျင်မြန် လှသည်။ မိထ္တီလာ မြို့ကဲ့ သို့သော စစ်တပ်မြို့ တမြို့၌ပင် အကြမ်းဖက် သမား များသည် လွတ်လွတ် လပ်လပ် မင်းမဲ့ တိုင်းပြည် ကဲ့ သို့ ဆောင်ရွက် နိုင်ခဲ့ ခြင်းမှာ အလွန် အံ့သြ ဖွယ်ရာ အချက် တချက် ဖြစ်သည်။ အကြမ်းဖက် သမား များ သည် ရဲများ ရှိနေသည့် ကြားမှပင် ဖျက်ဆီး မှုများ၊ လူသတ် မှုများ နှင့် မီးရှို့မှု များအား လွတ်လွတ် လပ်လပ် ဆောင်ရွက် နိုင်ကြသည်။ ပုဒ်မ ၁၄၄ ထုတ်ထား သည့်ကြားမှပင် ရခိုင် အရေး ကဲ့သို့ ညပိုင်းတွင် ဖျက်ဆီးမှု များအား ပို၍ လုပ်ကိုင် နိုင်ကြသည်။ မိထ္တီလာ မြို့၌ ဗလီများ အားလုံး ပျက်စီး မီးလောင်၊ မူဆလင် အိမ်များ ပျက်စီး မီးလောင်၍ ကုန်မှ စစ်တပ်က ဝင် ရောက် လာသည်။ 

ပြဿနာ စဖြစ်သော ကိစ္စ ရွှေဆိုင် ပိုင်ရှင်နှင့် ရွှေလာ ရောင်းသော လင်မယား တို့သည် အဓိက သက်သေ များ ဖြစ်သည်။ ယင်းကိစ္စအား အမှောင်ချ ထားခြင်းမှာ စိတ်ဝင်စား စရာဖြစ်သည်။ ယခင် ရခိုင်ပြည် နယ် ကျောက်နီမော် ကိစ္စတုန်းက တရားခံဟု စွတ်စွဲသော ထက်ထက်သည် အချုပ်ထဲ ၌ပင် မိမိ ကိုယ် မိမိ သတ်သေသည် ဟုဆိုကာ ရုံးမထုတ်ခင် နှုတ်ပိတ် ပစ်လိုက်သည်။ ကျန်နှစ်ယောက်အား ကြိုးမိန့် မ ရှိတော့သော မြန်မာ နိုင်ငံ၌ ကြိုးမိန့် ပေးကာ ချက်ချင်း နှုတ်ပိတ် ပစ်လိုက် သည်။ တောင်ကုတ် ၌ နေ့ ခင်း ကြောင်တောင် မူဆလင် ၁၀ ယောက်အား လူမြင်ကွင်း၌ ရက်ရက် စက်စက် စိမ်ပြေ နပြေ လူမြင် မကောင်းအောင် သတ်ဖြတ် မှုသည်ပင် ယခုထိ လက်သည် မပေါ်သေး၊ အစိုးရ ဖွဲ့ပေးသော စုံစမ်းရေး ကော်မရှင်မှ လည်းမဖေါ်ထုတ် နိုင်သေးပေ။ စုံစမ်းရေး ကော်မရှင်၌ ပါဝင်သော ရဲရဲဝံ့ဝံ့ အမှန် တရားဖက်က ပြောဆို ထောက်ပြ သောမူစလင်အချို့အား ထုတ်ပယ် ခြင်းသာ အဖတ် တင်သည်။ 

မိထ္တီလာ မြို့နှင့် နီးစပ် ရာမြို့ များ၌ ဖြစ်ပွား သွားသော အကြမ်း ဖက်မှု များတွင် တူညီ သောအချက် များစွာ ရှိသည်။ အကြမ်းဖက် သမား များသည် အစီ အစဉ် တကျ ခရာများ မှုတ်၍ မြို့များ ထဲသို့ ဝင်လာ ကြသည်။ မီးများ၊ ဖုန်းလိုင်းများ ပျက်သွားသည်။ ထိုသူ များသည် တိုက်ခိုက်ရေး သမားများ ပုံစံဖြင့် ပြည်သူ များ၏ အိုးအိမ်များ၊ ဘာသာရေး အဆောက် အအုံ များကို ဖျက်ဆီး ကြသည်။ ထိုသူ များသည် အင်အား ၂၀၀ ကျော်ဖြင့် တမြို့ဝင် တမြို့ထွက် အလွယ်တကူ လှုပ်ရှားနိုင် ကြသည်။ ထိုသူ များသည် ရဲများကို အလွယ် တကူ ရှောင်ရှား နိုင်ကြသည်။ ထိုသူများ ဖျက်ဆီး ထွက်ခွာပြီးမှ ရဲများ၊ လုံခြုံရေးများ ရောက်ရှိ လာကြ သည်။ 

အချို့မြို့ များ၌ အကြမ်းဖက် သမားများက ကျုပ်တို့ မီးမရှို့ဘူး၊ လူမသတ်ဘူး၊ မလုယက်ဘူး၊ ဖျက်ဘဲ ဖျက်ဆီးမယ် ခင်ဗျားတို့ ရှောင်နေကြပါ ဆိုသည့်အခါ ရဲများက ဖယ်ပေး ကြသည်။ ထိုအခါ အကြမ်းဖက် သမားများက ဖျက်ဆီးမှု များကို ပို၍ အတင့်ရဲ စွာပင် လုပ်ဆောင် သွားကြသည်။ 

ဤကဲ့သို့ ရိုင်းစိုင်းမှု ကမ်းကုန် နေသော အရှင် လတ်လတ် မီးရှို့ နေသော အကြမ်းဖက် သမား များအား နမူနာ အဖြစ် ၂ ယောက် ၃ ယောက်ခန့် ပစ်ပြ လိုက်လျှင် လူစု မကွဲသွား ဘူးလား။ ၈၈ အရေး အခင်း၊ ရွှေဝါရောင် တော်လှန်ရေး၊ လက်ပံ တောင်းတောင် ဆန္ဒပြမှု များအား အဲဒီလိုပင် ဖြိုခွင်း ခဲ့တာ မဟုတ် ဘူးလား။ 

ဒေါ်အောင်ဆန်း စုကြည်က မိထ္တီလာ ကိစ္စနှင့် ပတ်သက်၍ နေပြည်တော် တွေ့ဆုံ ဆွေးနွေးပွဲ တခု၌ ရဲများအား ယခု ထက်ပို၍ လေ့ကျင့် သင်ကြား ပေးရမည်ဟု သာမန်ကာ လျှံကာပြော သွား သည်။ ဒေါ်အောင်ဆန်း စုကြည်အား ပြောချင် သည်မှာ မြန်မာ့ ရဲများ၊ စစ်သား များသည် အပြည့် အဝ သင်ကြား လေ့ကျင့် ပြီးသား ဖြစ်သည်။ သူတို့သည် အထက် အမိန့်ကို စောင့်စားနေ ခြင်းသာ ဖြစ်သည်။ အထက် အမိန့် မရ၍ ရပ်ကြည့် နေခြင်းသာ ဖြစ်သည်။ သူတို့သည် အထက် အမိန့်ကို မြေဝယ် မကျ နာခံသည်။ အကယ်၍ အစ္စလာမ် ဘာသာဝင် များက ဗုဒ္ဓ ဘာသာ ဘာသာရေး အဆောက် အအုံများ လူနေအိမ် များအား ဖျက်ဆီး ခဲ့ပါက ယင်းတို့၏ စွမ်းဆောင် ရည်ကို ကမ္ဘာက ချီးကျူး လောက်အောင် ပင် ပြပါ လိမ့်မည်။ 

ဝီရသူ ကဲ့သို့သော သင်္ကန်းဝတ် များက မမှန် မကန် အစ္စလာမ် မုန်းတီးရေး ၀ါဒများ လွတ် လပ် စွာ ဖြန့်ဝေ နိုင်ခြင်း၊ ဘာသာ ရေးနှင့် မသက် ဆိုင်သော လူမျိုးရေး မုန်းတီး မှု့များ လှုံ့ဆော် နိုင်ခြင်း၊ ၉၆၉ အယူဝါဒ စာရွက် စာတမ်း အခွေများ အလွယ် တကူ နိုင်ငံ အဝှမ်း ဖြန့်ဝေ နိုင်ခြင်း တို့မှာ အံ့သြ စ ရာ ဖြစ်သည်။ 

အထက်ပါ ဖြစ်စဉ် များအား ကြည့်ခြင်း အားဖြင့် မြန်မာ အစိုးရ သည် မိထ္တီလာ မြို့နှင့် နီးစပ်သော မြို့များ ၌ ဖြစ်ပျက် သွားသော အကြမ်း ဖက်မှု များအား မထိန်းသိမ်း နိုင်တာလား၊ မထိန်းသိမ်း တာလား၊ စဉ်းစား စရာပင် ဖြစ်သည်။