နောက်ဆုံးသတင်း/ဆောင်းပါးများ

အစိုးရ သတင်းစာ ဖော်ပြချက်အရ “ရိုဟင်ဂျာ” ဟု တရားဝင် ဖြည့်ခွင့်ရှိသည်


အယ်ဒီတာ့အာဘော်
RB News
19.3.2014

သန်းခေါင်စာရင်း ကောက်ယူတဲ့ အခါမှာ “ရိုဟင်ဂျာ” လို့ဖြည့်ခွင့် မပေးဖို့ ပြည်ထောင်စု အစိုးရ ကိုယ်တိုင် နောက်ကွယ်ကနေ ကြိုးကိုင်ပြီး ရခိုင်ပြည်နယ် အနှံ့မှာ ဆန္ဒပြခွင့် ပေးလိုက်ပါတယ်။ ရိုဟင်ဂျာဆိုတဲ့ လူမျိုးအမည်က ရိုဟင်ဂျာဆိုတဲ့ လူမျိုးစု တစ်စုရဲ့ ကိုယ်ပိုင် အမည် ဖြစ်ပါတယ်။ အဲဒီအမည်ကို သုံးဖို့၊ မသုံးဖို့ ဆိုတာက ရိုဟင်ဂျာများရဲ့ ရွေးချယ်မှုသာ ဖြစ်ပြီး၊ မည်သည့် တိုင်းရင်းသား၊ အစိုးရ အဖွဲ့အစည်းက ပြောဆို တားမြစ်ပိုင်ခွင့် မရှိပါဘူး။ တားမြစ်သူတိုင်းသည် အပြည်ပြည်ဆိုင်ရာ လူ့အခွင့်အရေး ကြေညာစာတမ်းကို ချိုးဖောက်သူများသာ ဖြစ်ပါတယ်။

အကယ်၍ ရိုဟင်ဂျာ လူမျိုးဆိုတာကို သုံးနှုန်းနေတာ မနှစ်သက်ရင် နိုင်ငံတကာ သမိုင်းပညာရှင် များရှေ့မှာ တရားဝင် စကားစစ်ထိုး (Official Debate) လုပ်ပြီး ဖြေရှင်းရမယ့် ပြဿနာသာ ဖြစ်ပါတယ်။ အုပ်စုဖွဲ့ပြီး အနိုင်ကျင့် နေတဲ့ လုပ်ရပ်က လူသား မဆန်ဘဲ၊ မင်းမဲ့စရိုက် ဆန်ဆန် ဥပဒေရဲ့ အထက်က ပြုလုပ်နေခြင်းသာ ဖြစ်ပါတယ်။

မတ်လ ၁၈ ရက်နေ့ နိုင်ငံတော်ပိုင် သတင်းစာများမှာ အောက်ပါအတိုင်း ဖော်ပြထားပါတယ် --

“ဖြေကြားသူ၏ လူမျိုးသည် ယခင် သတ်မှတ် ထားသည့် တိုင်းရင်းသား လူမျိုး ၁၃၅ မျိုးတွင် မပါပါက ဖြေသည့်လူမျိုး ဖြေသည့်အတိုင်း ကွက်လပ်တွင် ရေးသွင်းသွားမည် ဖြစ်ပါသည်။ မူလစာရင်းမှာ မပါ၍ ကုတ်နံပါတ် ကြိုမပေးထားသည်မှ လွဲပြီး မည်သည့် ထိခိုက်နစ်နာမှုမှ မရှိပါ။ နောင်လူမျိုးအမည် ပြည်လည် ဆန်းစစ်သည့် အခါတွင် အသစ်ထည့်သည့် လူမျိုးအမည် ပါဝင်လာမည် ဖြစ်ပါသည်။”

လ.၀.က ၀န်ကြီး ဦးခင်ရီက ရခိုင်ပြည်နယ်မှာ ရိုဟင်ဂျာ လူမျိုး စာရင်းကောက် ၁၄၀၀ လောက်ခန့်အပ်မယ်လို့ သဘောတူညီ ခဲ့တယ်လို့ ကျွန်တော်တို့ RB ၀ိုင်းတော်သားတွေက လေ့လာ သိရှိခဲ့ရပါတယ်။ ရခိုင်ပြည်နယ် မြောက်ပိုင်းမှာ ရိုဟင်ဂျာလူမျိုး စာရင်းကောက်များရဲ့ ကိုယ်ရေး အကျဉ်းများကိုပါ လက်ခံပြီးမှ ဥပဒေ အထက်ရောက်နေတဲ့ အကြမ်းဖက် အဖွဲ့ရဲ့ ခြိမ်းခြောက်မှုကြောင့် ပယ်ဖျက်လိုက်တယ်လို့ သိရှိရပါတယ်။ ပြီးတော့ ဦးခင်ရီ ကိုယ်တိုင် စစ်တွေမြို့မှာ နှစ်ကြိမ်တိတိ ရိုဟင်ဂျာ ရပ်မိရပ်ဖတွေကို သွယ်ဝိုက်ပြီး ခြိမ်းခြောက် ခဲ့ပါတယ်။ ပြည်ထောင်စု လွှတ်တော်က ၂၀၁၃ ခုနှစ် ဇူလိုင်လ ၂၉ ရက်နေ့မှာ ပြဌာန်းခဲ့တဲ့ လူဦးရေနှင့် အိမ်အကြောင်း သန်းခေါင်စာရင်း ဥပဒေ အရ ဦးခင်ရီ ကိုယ်တိုင် ဘယ်လူမျိုး ထည့်ပါလို့ တိုက်တွန်းခွင့် မရှိသလို၊ ခြိမ်းခြောက်ခွင့်လည်း မရှိပါဘူး။ ဦးခင်ရီ ကိုယ်တိုင် ခြိမ်းခြောက်ခဲ့တဲ့ အပြင် အခြားသော အကြမ်းဖက်မည့်သူများကိုပါ ခြိမ်းခြောက်ခိုင်းခြင်းသည် ပူးပေါင်း လုပ်ဆောင်မှု တစ်ရပ် ဖြစ်တယ်လို့ သုံးသပ် နိုင်ပါတယ်။ အဲဒါတွေ အပြင် လက်ကိုင်တုတ် မီဒီယာ အချို့ကနေ တဆင့် ရိုဟင်ဂျာလို့ ဖြည့်ရင် အရေးယူမယ်လို့ပါ ခြိမ်းခြောက် ခဲ့ပါတယ်။

မည်သို့ပင် ဆိုစေကာမူ သန်းခေါင်စာရင်း ကောက်ယူမှု အတွက် ပြဌာန်းထားတဲ့ ဥပဒေ၊ ကြေညာချက်များ အရ “ရိုဟင်ဂျာ” လူမျိုးတိုင်းသည် ကုဒ်နံပါတ် ၉၁၄ ၏ ဘေးတွင် “ရိုဟင်ဂျာ” ဟု လွတ်လပ်စွာ ရေးသား ဖော်ပြ ဖြည့်စွက်ခွင့် ရှိပြီး၊ အကယ်၍ စာရင်းကောက်များက ၎င်းတို့၏ ဆန္ဒအတိုင်း အခြား ကုဒ်နံပါတ်ကို ပြင်ဆင်သည် ဖြစ်စေ၊ အခြား လူမျိုး အမည်ကို ဖြည့်သွင်းသည် ဖြစ်စေ၊ သန်းခေါင်စာရင်း ဖြေဆိုသူများမှ ပြဌာန်း ထားသည့် ဥပဒေ အတိုင်း စာရင်းကောက်များကို လူဦးရေနှင့် အိမ်အကြောင်း သန်းခေါင်စာရင်း ဥပဒေ ပုဒ်မ ၁၆ (ဂ) နှင့် တရားစွဲဆိုရန် ကျွန်တော်တို့ တိုက်တွန်း လိုပါတယ်။ ဥပဒေ အထက်တွင် မည်သူမှ မရှိဆိုသည့် အတိုင်း ဥပဒေနှင့် အညီ ဆောင်ရွက်ရန်သာ ဖြစ်ပါတယ်။

အဲဒီလို တိုက်တွန်း ရခြင်းကလည်း လ.၀.က ၀န်ကြီး ဦးခင်ရီက စာရင်းကောက်များကို ရိုဟင်ဂျာ လူမျိုးများ ဖြည့်သွင်းမယ့် ကုဒ်နံပါတ် ၉၁၄ နေရာမှာ ၉၁၀ လို့ ပြောင်းပြီး ရေးမှတ်ရန် ညွန်ကြားထားတယ် ဆိုတာကို ခိုင်မာတဲ့ သတင်းရပ်ကွက် တွေက လေ့လာ ထားပြီး ဖြစ်လို့ ဖြစ်ပါတယ်။

အကယ်၍ အေးချမ်းစွာ ပါဝင်ပြီး ဖြည့်သွင်းမယ့် ရိုဟင်ဂျာ လူမျိုးများကို အကြမ်းဖက်မည် ဆိုပါက အဲဒီ အကြမ်းဖက်မှုများရဲ့ အဓိက တရားခံက လ.၀.က ၀န်ကြီး ဦးခင်ရီသာ ဖြစ်ပါတယ်။ ရိုဟင်ဂျာ လူမျိုးများရဲ့ သန်းခေါင်စာရင်းကို မှန်ကန်စွာ ကောက်ယူနိုင်ဖို့ ရိုဟင်ဂျာ လူမျိုး စာရင်းကောက် အများစုက ပါဝင် လုပ်ဆောင် ရမှာ ဖြစ်ပြီး၊ အဲဒီ အချက်ကို ငြင်းပယ်လိုက်တဲ့ အတွက် ဘေးထွက် ဆိုးကျိုးများကို ဖန်တီးသူက ဦးခင်ရီသာ ဖြစ်တယ်လို့ အခိုင်အမာ ပြောရမှာ ဖြစ်ပါတယ်။

သန်းခေါင်စာရင်း ဖြေဆိုသူတိုင်းက ပုံစံမှာ ဖြည့်သွင်းပြီးပါက မိမိတို့ လက်မှတ်မထိုးခင် အသေအချာ စစ်ဆေးရန် လိုအပ်ပြီး၊ လက်မှတ်ထိုးပြီးပါက မိတ္တူကူးယူရန် ခက်ခဲတဲ့ နေရာမှာ ဖုန်းရဲ့ ကင်မရာနဲ့ ဖြစ်ဖြစ် ဓါတ်ပုံရိုက်ပြီး မှတ်တမ်းသိမ်းရန် ကျွန်တော်တို့ RB ၀ိုင်းတော်သားများက အကြံပေးလိုပါတယ်။


RB – Rohingya Blogger ၀ိုင်းတော်သားများ


Comment ရေးရန်

Rohingya Exodus