နောက်ဆုံးသတင်း/ဆောင်းပါးများ

ကျေးရွာ အုပ်ချုပ်ရေးမှူး များက ရိုဟင်ဂျာ မရေးရန် ခြိမ်းခြောက်



RB News
24.3.2014

မောင်တော ။ ။ ရခိုင်ပြည်နယ်၊ မောင်တော ခရိုင်အတွင်းရှိ မောင်တောမြို့နယ်၊ ဘူးသီးတောင် မြို့နယ်များမှ ကျေးရွာ အုပ်ချုပ်ရေးမှူးများက သန်းခေါင်စာရင်း ကောက်ယူရာတွင် ရိုဟင်ဂျာ လူမျိုး အမည် မဖြည့်ရန် ခြိမ်းခြောက်ခြင်းများ ပြုလုပ်နေကြောင်း သတင်း ရရှိပါသည်။

မောင်တောမြို့နယ် ကြိမ်ချောင်း ကျေးရွာ အုပ်စု အုပ်ချုပ်ရေးမှူး ဦးကိုကိုအောင်သည် ဒေသခံ ရိုဟင်ဂျာများကို သန်းခေါင် စာရင်း ကောက်ယူသည့် အခါတွင် ရိုဟင်ဂျာ လူမျိုး အမည် မဖြည့်ရန် နည်းလမ်းမျိုးစုံဖြင့် ခြိမ်းခြောက်လျက် ရှိသည်ဟု ဒေသခံများက RB News သို့ ပြောပါသည်။ ၎င်းသည် လွန်ခဲ့သည့် နှစ်နှစ်ဆယ်ခန့်က ဘင်္ဂလားဒေ့ရှ် နိုင်ငံမှ ၀င်ရောက်လာသူ တစ်ဦး ဖြစ်ပြီး၊ ဒေသခံများ၏ ဆန္ဒမဲ မပါဘဲ ကျေးရွာ အုပ်ချုပ်ရေးမှူး ဖြစ်လာသူ တစ်ဦး ဖြစ်သည်။ ၉၆၉ ဂိုဏ်း၏ မောင်တောမြို့နယ် မြောက်ပိုင်း တာဝန်ခံ တစ်ဦး ဖြစ်ပြီး၊ ကြိမ်ချောင်းဈေး မီးလောင်မှုကို နောက်ကွယ်က ကြိုးကိုင် လှုပ်ရှားခဲ့သူ တစ်ဦး ဖြစ်သည်ကို အာဏာပိုင်များ သိရှိခဲ့သော်လည်း အရေးယူခံရခြင်း မရှိသူ တစ်ဦး ဖြစ်သည်။ ကြိမ်ချောင်းမှ ဒေသခံများသည် ရဲတပ်သား ဇော်ဇော်အောင်၏ နေ့စဉ် ဒုက္ခပေးမှု ပေါင်းစုံအကြား ယခု ကျေးရွာ အုပ်ချုပ်ရေးမှူး၏ ခြိမ်းခြောက်မှုကြောင့် ပိုမို၍ စိတ်ပျက်လျက် ရှိသည်ဟု ဆိုသည်။

အလားတူ ကွမ်းသီးပြင် ကျေးရွာ အုပ်ချုပ်ရေးမှူး ဦးအထွန်းချေကလည်း ဒေသခံ ရိုဟင်ဂျာများကို သန်းခေါင်စာရင်း ကောက်ယူသည့် အခါ ရိုဟင်ဂျာ လူမျိုး အမည် မထည့်ရန် အနုနည်းဖြင့် သော်လည်းကောင်း၊ အကြမ်းနည်း ဖြင့်သော် လည်းကောင်း၊ ခြိမ်းခြောက်လျက် ရှိကြောင်း သိရှိရသည်။

တောင်ပြိုလက်ဝဲမြို့မှ စစ်ဖက်ရေးရာ လုံခြုံရေး တာဝန်ခံ ဦးအောင်ခိုင်ဖြိုးကလည်း ၎င်းနှင့် ဆက်နွယ်နေသူ များမှ တဆင့် သန်းခေါင်စာရင်းတွင် ရိုဟင်ဂျာ အမည် မဖော်ပြ၍ အမျိုးမျိုး ခြိမ်းခြောက် ပြောဆိုနေသည်ဟု ဒေသခံများက RB News သို့ ပြောသည်။

ဘူးသီးတောင်မြို့နယ် တွင်လည်း အမှတ် (၅) ရပ်ကွက် အုပ်ချုပ်ရေးမှူး ဦးမောင်လှိုင်စိုးက တစ်အိမ်တက်ဆင်း ပြုလုပ်၍ အကယ်၍ ရိုဟင်ဂျာ ရေးပါက ကြီးမားသည့် ပြဿနာ ဖြစ်မည် ဖြစ်ကြောင်း ၎င်းကို မြို့နယ် အုပ်ချုပ်ရေးမှူး ဦးသန်းရွှေ၏ ခိုင်းစေချက် အရ လာရောက်၍ ပြောရခြင်း ဖြစ်ကြောင်း၊ ရိုဟင်ဂျာဟု ရေးပါက ငြိမ်းချမ်းစွာ နေ၍ ရမည် မဟုတ်ကြောင်း အမျိုးမျိုး ပြောဆို၍ ခြိမ်းခြောက် ခဲ့သည်ဟု ဒေသခံ တစ်ဦးက RB News သို့ပြောသည်။

Comment ရေးရန်

Rohingya Exodus