ဘူးသီးတောင် မြို့နယ် အုပ်ချုပ်ရေးမှူးက ဒေသခံများကို ရိုဟင်ဂျာမဖြည့်ရန် ခြိမ်းခြောက်
RB News
25.3.2014
ဘူးသီးတောင် ။ ။ ရခိုင်ပြည်နယ်၊ ဘူးသီးတောင်မြို့နယ် အုပ်ချုပ်ရေးမှူး ဦးသန်းရွှေသည် ယနေ့ နံနက်ပိုင်းတွင် ဒေသခံ ရိုဟင်ဂျာ ရပ်မိရပ်ဖ အချို့ကို တွေ့ဆုံ၍ သန်းခေါင်စာရင်းတွင် ရိုဟင်ဂျာ မဖြည့်ရန် ခြိမ်းခြောက် ခဲ့ကြောင်း သတင်း ရရှိပါသည်။
ယနေ့ နံနက် ၁၀ နာရီအချိန်တွင် ဘူးသီးတောင် မြို့နယ် အုပ်ချုပ်ရေးမှူး ဦးသန်းရွှေ၊ မြို့နယ် ရဲတပ်ဖွဲ့မှူး ဒုရဲမှူး အောင်ဘာလီ တို့သည် ကကျက်ဘက် ကျေးရွာအုပ်စု မူလတန်း လွန်ကျောင်းတွင် အလယ်ကျောင်း၊ မြောင်းနား၊ ဘဂုံးနား ကျေးရွာ အုပ်စုများမှ ဒေသခံ ရိုဟင်ဂျာ ရပ်မိရပ်ဖ များကို ခေါ်ယူ၍ သန်းခေါင်စာရင်းတွင် ရိုဟင်ဂျာ မဖြည့်ရန် ခြိမ်းခြောက် ခဲ့ကြောင်း ဒေသခံ တစ်ဦးက RB News သို့ပြောပါသည်။
တွေ့ဆုံပွဲတွင် မြို့နယ် အုပ်ချုပ်ရေးမှူး ဦးသန်းရွှေက သန်းခေါင်စာရင်း ကောက်ယူရာတွင် ရိုဟင်ဂျာ လူမျိုးဟု ထွက်ဆိုပါက ၎င်းနှင့် ဒေသခံများကြား ချစ်ခင် ရင်းနှီးမှု ရှိတော့မည် မဟုတ်ကြောင်း၊ သန်းခေါင်စာရင်းသည် ရိုးရိုးတန်းတန်း လူဦးရေ စာရင်းကောက်ခြင်း ဖြစ်ကြောင်း၊ ရိုဟင်ဂျာထည့်၍ ရှုပ်ထွေး၍ မလုပ်ရန် လိုကြောင်း၊ ရိုဟင်ဂျာဟု ပြောပါကလည်း စာရင်းကောက်များက ရေးမည် မဟုတ်ကြောင်း၊ ရိုဟင်ဂျာဟု ပြောပါက စာရင်းကောက်များနှင့် ပြဿနာ ဖြစ်မည် ဖြစ်ကြောင်း ထည့်သွင်း ပြောကြားခဲ့သည်။
ထို့နောက် မြို့နယ် အုပ်ချုပ်ရေးမှူး ဦးသန်းရွှေက တွေ့ဆုံပွဲသို့ လာရောက်သည့် ရိုဟင်ဂျာ ရပ်မိရပ်ဖ များကို ရိုဟင်ဂျာဟု မရေးပါဟု ကတိ မပြုလျှင် ပြန်ခွင့် ပေးမည် မဟုတ်ဟု ပြောပြီး အကျပ်ကိုင်ခဲ့ရာ၊ ရပ်မိရပ်ဖများက ထိုနေရာမှ ထွက်ခွာခွင့် ရရေးအတွက် ဦးသန်းရွှေ စိတ်ကျေနပ်အောင် ကတိပေးဟန် ပြုလုပ်၍ ပြန်လည် ထွက်ခွာခဲ့ရသည်ဟု ဒေသခံ တစ်ဦးက RB News သို့ ပြောပါသည်။
မြို့နယ် ရဲတပ်ဖွဲ့မှူး ဒုရဲမှူး အောင်ဘာလီက လူမျိုး ရေးသည် မရေးသည်မှာ ၎င်းနှင့် မဆိုင်ကြောင်း၊ ၎င်းအနေဖြင့် တိုက်တွန်းခြင်းလည်း ပြုလုပ်မည် မဟုတ်ကြောင်း၊ ၎င်း၏ တာဝန်မှာ လုံခြုံရေး တာဝန်ယူရန်သာ ဖြစ်ပြီး၊ လုံခြုံရေးကို ကောင်းမွန်စွာ တာဝန်ယူ သွားမည် ဖြစ်ကြောင်း၊ ထို့ကြောင့် ပြဿနာ မဖြစ်ပွားရန် ထိန်းသိမ်းကြရန် မေတ္တာ ရပ်ခံကြောင်း ထည့်သွင်း ပြောကြားခဲ့သည်။
