နောက်ဆုံးသတင်း/ဆောင်းပါးများ

ထင်းခုတ်သူထံမှ ထင်းများနှင့်ဓါးကို သိမ်းယူ၍ နောက်နောင် ထင်းမခုတ်ရန် ခံဝန်ချက်ယူ



Rohingya Eye
RB News
25.3.2014

မောင်တော ။ ။ ရခိုင်ပြည်နယ်၊ မောင်တောမြို့နယ်၊ သံဒါဝါချ ကျေးရွာမှ ထင်းခုတ်သွား၍ ထင်းခုတ်လာသည့် သားအဖ ၃ ဦးထံမှ ထင်းများနှင့် ဓါးကို သိမ်းယူ၍ နောက်နောင် ထင်းမခုတ်ရန် ခံဝန်ချက်ယူ ခဲ့ကြောင်း သတင်း ရရှိပါသည်။

မတ်လ ၂၀ ရက်နေ့က ထင်းခုတ်သွား၍ ထင်းခုတ်လာသည့် မောင်တောမြို့နယ်၊ သံဒါဝါချ ကျေးရွာ အရှေ့ရွာမှ ဦးမာမတ်အာမီးန် (အသက် ၄၅ နှစ်) နှင့် လူမမယ် ကလေး ၂ ဦးတို့ကို ရဲများက ဖမ်းဆီး၍ မောရ၀တီ ရဲကင်း စခန်းသို့ ခေါ်ယူ သွားခဲ့သည်။ ရဲကင်းစခန်းသို့ ရောက်သည့် အခါ စစ်တပ်မှ ဗိုလ်တင်မောင်က ခုတ်လာသည့် ထင်းများနှင့် ဓါးကို သိမ်းယူလိုက်ပြီး နောက်နောင် ထင်းမခုတ်ရန် ခံဝန်ချက် လက်မှတ် ရေးထိုးခိုင်းပြီး ပြန်လည် လွှတ်ပေးခဲ့ကြောင်း ဒေသခံ တစ်ဦးက RB News သို့ ပြောသည်။

၎င်းရွာ၏ အရှေ့ဘက် တောင်ကုန်း အနီးတွင် လမ်းတစ်လမ်း ဖောက်လုပ်ထားပြီး၊ ၎င်းလမ်းကို ရခိုင်လူမျိုးများမှ အပ အခြား လူမျိုးများ ဖြတ်ကျော်ခြင်း၊ လမ်းလျှောက်ခြင်း မပြုလုပ်ရန် တားမြစ် လိုက်သဖြင့် တောင်ပေါ် တက်၍ ထင်းခုတ်မည့် သူများမှာ အခက်ကြုံလျက် ရှိကြသည်။ ထိုကဲ့သို့ ကန့်သတ်လိုက်သဖြင့် ဒေသခံ ရိုဟင်ဂျာများ၏ စားဝတ် နေရေးတွင် ထိခိုက်မည်ဟု ဒေသခံများက ပြောပါသည်။

Comment ရေးရန်

Rohingya Exodus