နောက်ဆုံးသတင်း/ဆောင်းပါးများ

ဘင်္ဂလားဒေ့ရ်ှတွင် ဘင်္ဂလီ-ရခိုင် အစွန်းရောက် အုပ်စု တစ်စုကို ဖမ်းဆီးရမိ

ဘင်္ဂလားဒေ့ရှ် - မြန်မာ နယ်စပ် ခြံစည်းရိုး (ဓါတ်ပုံ - UCA News)


RB News
25.3.2014

နတ်ချောင်းဆူရီ ။ ။ ဘင်္ဂလားဒေ့ရှ် နိုင်ငံ၊ နတ်ချောင်းဆူရီ မြို့နယ်၊ ခေါင်းဒုံး ကျေးရွာ အုပ်စုတွင် မြန်မာနိုင်ငံ နယ်စပ်မှ တရားမ၀င် ဖြတ်ကျော်သွားသော ဘင်္ဂလီ-ရခိုင် အစွန်းရောက် အုပ်စု တစ်စုကို ယနေ့ ဖမ်းဆီး ရမိခဲ့ကြောင်း သတင်း ရရှိပါသည်။

ရခိုင်ပြည်နယ်၊ မောင်တောမြို့နယ် မြောက်ပိုင်း နှစ်နိုင်ငံ နယ်စပ် မှတ်တိုင် ၃၅ အနီးမှ မြန်မာ့ နယ်စပ် ခြံစည်းရိုးကို ကျော်ဖြတ်ပြီး ဘင်္ဂလားဒေ့ရှ် နိုင်ငံ၊ နတ်ချောင်းဆူရီ မြို့နယ်၊ ခေါင်းဒုံး ကျေးရွာ အုပ်စု၊ အောက်ဘာခ်ျ ဖာရီ ဒိုင်းနက်ရွာသို့ ၀င်ရောက် သွားသည့် ဘင်္ဂလီ-ရခိုင် အစွန်းရောက် ၃၀ ပါဝင်သော အုပ်စု တစ်စုကို ကင်းလှည့်နေသည့် BGB တပ်ရင်း လက်အောက်ခံ တောင်ပြို BGB စခန်းမှ ဆူဗေဒါအဒူ မောန်တိန် ဦးစီးသည့် ကင်းလှည့် အဖွဲ့မှ ယနေ့ မတ်လ ၂၅ ရက်နေ့ နံနက် ၁၁ နာရီ အချိန်တွင် ဖမ်းဆီး ရမိခဲ့ကြောင်း မောတောမြို့ ဒေသခံ တစ်ဦးက RB News သို့ ပြောပါသည်။

ဖမ်းဆီးရမိသည့် ဘင်္ဂလီ-ရခိုင် အုပ်စုသည် ဘင်္ဂလားဒေ့ရှ် နိုင်ငံသားများ ဖြစ်ပြီး၊ လွန်ခဲ့သည့် တစ်လခန့်က မြန်မာနိုင်ငံသို့ တရားမ၀င် ၀င်ရောက်၍ မောင်တော၊ စစ်တွေမြို့များသို့ သွားရောက် ခဲ့သူများ ဖြစ်သည်။ မောင်တောမြို့တွင် လတ်တလော ဖြစ်ပွားခဲ့သည့် မီးရှို့မှုများတွင် ပါဝင် ပတ်သက်ခဲ့သူများဟု ယူဆရပြီး၊ အဆိုပါ အဖွဲ့သည် သာသနာ့ အလံကိုင်၍ နယ်စပ်ကို ဖြတ်ကျော်ခဲ့ပြီး၊ ဖမ်းဆီးရမိသည့် အချိန်တွင်လည်း သာသနာ့ အလံကိုင်ဆောင် ထားကြောင်း သိရှိရသည်။ ၎င်းတို့သည် မောင်တောနှင့် စစ်တွေမြို့တွင် လှုပ်ရှားနေသည့် ၉၆၉ အဖွဲ့နှင့်လည်း ပတ်သက် နေသူများ ဖြစ်ပြီး၊ မကြာခင်က စစ်တွေမြို့သို့ သွားရောက် ခဲ့သည့် အစွန်းရောက် ဘုန်းကြီး ဦးဝီရသူနှင့်လည်း တွေ့ဆုံခဲ့သည်ဟု ယူဆကြောင်း စစ်တွေမြို့ ဒေသခံများက ပြောပါသည်။

ယနေ့ ညနေ ၆ နာရီ အချိန်တွင်လည်း မောင်တောမြို့နယ်၊ အမှတ် (၆) နယ်မြေ၊ လှဘော်ဇား (ကညင်တော) ကျေးရွာ အုပ်စုတွင် မင်္သကာ ဖွယ်ရာ ရခိုင် အစွန်းရောက် ငါးဦးကိုတွေ့ရှိခဲ့ပြီး ဒေသခံ ရွာသားများက တစ်ဦးကိုဖမ်းဆီးနိုင်ခဲ့ပြီး ကျေးရွာ အုပ်ချုပ်ရေးမှူးထံ အပ်နှံ ခဲ့ကြောင်း ဒေသခံ တစ်ဦးက RB News သို့ ပြောပါသည်။

Comment ရေးရန်

Rohingya Exodus