နောက်ဆုံးသတင်း/ဆောင်းပါးများ

ရခိုင်ပြည်သို့ အကြမ်းဖက်ရန် ၀င်ခဲ့သည့် ဘင်္ဂလီ - ရခိုင်များ နယ်စပ်ခြံစည်းရိုး၌ ရှိနေ

မြန်မာ - ဘင်္ဂလား နယ်စပ် ခြံစည်းရိုး (ဓါတ်ပုံ - UCA News)


RB News
27.3.2014

မောင်တော ။ ။ ရခိုင်ပြည်နယ် အတွင်းတွင် အကြမ်းဖက်ရန် ၀င်ရောက် ခဲ့သည့် ဘင်္ဂလီ - ရခိုင် အုပ်စု တစ်စုသည် မြန်မာ - ဘင်္ဂလားဒေ့ရှ် နယ်စပ် ခြံစည်းရိုးနားတွင် ရှိနေပြီး ဘင်္ဂလား ဒေ့ရှ် နိုင်ငံဖက်သို့ ပြန်လည် ကူးရန် အတွက် ဘင်္ဂလား ဒေ့ရှ် နယ်ခြား စောင့်တပ်၏ အလစ်ကို စောင့်ဆိုင်း နေကြောင်း သတင်း ရရှိပါသည်။

ရခိုင်ပြည်နယ်၊ မောင်တောမြို့နယ်၊ တောင်ပြိုလက်ဝဲ မြို့နယ်ခွဲ၊ အမှတ် (၄) ရပ်ကွက်ရှိ မြန်မာ - ဘင်္ဂလားဒေ့ရှ် ခြံစည်းရိုး အနီးတွင် ဘင်္ဂလားဒေ့ရှ် နိုင်ငံမှ မြန်မာ နိုင်ငံတွင်းသို့ တရားမ၀င် ၀င်ရောက်၍ အကြမ်းဖက်ရန် ၀င်ရောက်ခဲ့သည့် ၃၀ ဦးခန့် ပါဝင်သည့် ဘင်္ဂလီ - ရခိုင် အုပ်စု တစ်စုက ဘင်္ဂလား ဒေ့ရှ် နိုင်ငံဖက်သို့ ပြန်လည် ကူးရန် အတွက် ဘင်္ဂလားဒေ့ရှ် နယ်ခြား စောင့်တပ်၏ အလစ်ကို စောင့်ဆိုင်း လျက်ရှိကြောင်း ဒေသခံ တစ်ဦးက RB News သို့ ပြောပါသည်။

“တောင်ပြိုလက်ဝဲ မြို့နယ်ခွဲ၊ အမှတ် (၄) ရပ်ကွက်မှာ ရှိတဲ့ ယခင် ဦးရှိတ်အာမတ်ရဲ့ အိမ်နားမှာ ဘင်္ဂလီ - ရခိုင် အုပ်စု တစ်စု လွန်ခဲ့တဲ့ နှစ်နာရီ လောက်က စပြီး ထိုင်စောင့် နေကြတယ်။ တဖက်နိုင်ငံကို ကူးဖို့ အတွက် ဟိုဘက်က နယ်ခြား စောင့်တပ်ရဲ့ အလစ်ကို စောင့်နေတာပါ။ ကျွန်တော်တို့ ဒေသခံ လုံခြုံရေးတွေကို အကြောင်းကြား ပါတယ်။ ဒါပေမယ့် လာလည်း မကြည့်ဘူး။ လာကြည့်မယ်လို့ တောင် မပြောဘူး။ ကျွန်တော်တို့ မောင်တောမှာ နေ့စဉ် ရက်ဆက် မီးရှို့မှု တွေ ဖြစ်နေတာတွေနဲ့ ဆက်စပ်မှု ရှိနိုင်ပါတယ်။ တရားမ၀င် ၀င်ရောက်လာလို့ တရားမ၀င် ပြန်ထွက် နေတာ ဖြစ်ပါတယ်။ အာဏာပိုင်တွေက သိသိကြီးနဲ့ လွှတ်ပေး ထားသလို ဖြစ်နေတယ်” ဟု ဒေသခံ တစ်ဦးက RB News သို့ ပြောပါသည်။

Comment ရေးရန်

Rohingya Exodus