ကမ္ဘာ့ အဆိုးရွားဆုံး အာဟာရ ချို့တဲ့မှုကြောင့် သေတွင်း ရောက်နေ ရသူများ၏ ပုံရိပ်များ

ရခိုင် ပြည်နယ်၊ ပေါက်တောရှိ ကြိမ်နီပင် ဒုက္ခသည် စခန်း အိမ်နောက်ဖေး လမ်းမှ ရိုဟင်ဂျာ ကလေးငယ်များ (ဓါတ်ပုံ - ရိုက်တာ/မင်းဇေယျာ)

O'Laie Manzu

RB News

30.4.2014

ရိုဟင်ဂျာ လူမျိုး ဆိုတာ ကတော့ ကမ္ဘာ့ပေါ်မှာ ဥပက္ခာပြုခြင်း ခံရ ဆုံးသော လူမျိုးလို့ အတော် များများ သိကြ ပါတယ်။ မြန်မာစိုးရရဲ့ ခွဲခြား ဆက်ဆံခြင်း ခံနေ ကြရပြီး နိုင်ငံ အနောက်ပိုင်း နယ်စပ် ဒေသမှာ နေထိုင် ကြတဲ့ မွတ်စလင် လူနည်းစုလည်း ဖြစ်ပါတယ်။ သူတို့ရဲ့ ဒုက္ခတွေ ကိုတော့ သေသေချာချာ မှတ်တမ်း တင်ထား နိုင်ပေမယ့် လက်တွေ့ ရင်ဆိုင် နေရတဲ့ ဘဝ ကတော့ သိပ်ပြီး ပြောင်းလဲမှု မရှိပါဘူး။ Reuters သတင်း ဌာနက ထုတ်ဖော် တင်ပြ လိုက်တဲ့ ပုံရိပ်တွေ ကတော့ အကြမ်းဖက် လူစုကြီးရဲ့ တိုက်ခိုက်မှု တွေကြောင့် ထွက်ပြေး တိမ်းရှောင် နေကြ ရတဲ့ ထောင်ပေါင်း များစွာသော ရိုဟင်ဂျာတွေ နေထိုင်တဲ့ ရခိုင် ပြည်နယ်ရှိ ပြည်တွင်း ဒုက္ခသည် စခန်းတွေ ထဲက ပုံတွေဘဲ ဖြစ်ပါတယ်။ 

ဖေဖော်ဝါရီလ လောက်ကနေ စပြီး နိုင်ငံခြားက ကယ်ဆယ်ရေး အဖွဲ့အစည်း တွေကို မြန်မာ အာဏာပိုင်တွေ နှင်ထုတ်ပြီးတဲ့ နောက်မှာ နေထိုင်မှု အခြေအနေတွေ ပိုမို ဆိုးရွားလာ တာတွေကို ဒီပုံရိပ်တွေမှာ ထင်ဟပ် စေပါတယ်။ ဆာလောင် မွတ်သိပ်မှု တွေနဲ့ အာဟာရ ချို့တဲ့မှုတွေ ရင်ဆိုင် နေကြ ရပြီး မွေးကင်းစ ခလေးငယ်တွေ ကတော့ ဒီဒဏ်တွေကို ပိုပြီး ခံစားကြ ရပါတယ်။ ဒုက္ခသည် တွေကို ဆေးဝါး ကုသမှု ပေးနေခဲ့တဲ့ Medecins Sans Frontieres ဆရာဝန်များ အဖွဲ့ကို အစိုးရက နှင်ထုတ် ပြီးတဲ့နောက် ရက်သတ္တပတ် အနည်းငယ် အတွင်း ကြိမ်နီပင် ဒုက္ခသည် စခန်းမှာ မွေးကင်းစ ခြောက်ယောက် သေဆုံးခဲ့တဲ့ အကြောင်း ကယ်ဆယ်ရေး လုပ်သား တစ်ဦး ပြောပြတယ်လို့ Reuters မှာ ဖော်ပြထား ပါတယ်။

ရိုဟင်ဂျာ တွေကို အခြား မြန်မာ အများစု ကတော့ တရားမဝင် ခိုးဝင် လာတဲ့ နိုင်ငံခြားသား ဘန်ဂါလီ တွေလို့ သက်မှတ် ကြပါတယ်။ မြန်မာနိုင်ငံသား ဖြစ်ခွင့် ကိုလည်း ငြင်းပယ်ထား ပါတယ်။ ဒါပေမယ့် ၁၃ သိန်းခန့် ရှိတဲ့ ဒီလူတွေဟာ ရိုဟင်ဂျာလို့ လက်ခံထား ကြပြီး မြန်မာနိုင်ငံ နောက်ဖျားရှိ အာရကန်ပြည်ကို မျိုးရိုး စဉ်ဆက် အလိုက် မွေးရပ် ဌာနေလို့ သက်မှတ်ကြ ပါတယ်။ ကယ်ဆယ်ရေး လုပ်သား တွေကို ရုပ်သိမ်း လိုက်ပြီးတဲ့ နောက်မှာ မြန်မာနိုင်ငံ ဆိုင်ရာ ကုလသမဂ္ဂ လူ့အခွင့်အရေး အထူး ကိုယ်စားလှယ် သောမတ် အိုဟေး ကင်တားနား က ဒီလ အတွင်း အခြေအနေကို စမ်းစစ် လေ့လာ ခဲ့ပါတယ်။ အစာရေစာ မဖူလုံမှုတွေနဲ့ ကျန်မာရေး ဆေးကုသမှု လစ်ဟာ နေတာတွေကို မှတ်တမ်းတင် ခဲ့ပါတယ်။ “ရိုဟင်ဂျာ မွတ်စလင် အသိုင်းအဝိုင်း အပေါ် အခုလို နှစ်ရှည်လများ ခွဲခြား ဆက်ဆံမှု တွေနဲ့ ညှဉ်းပန်း နှိပ်စက်မှုတွေ ပြုလုပ်နေတာ လူသားများ အပေါ် ရာဇဝတ်မှု ကျူးလွန်ရာ ရောက်တယ်” လို့ သူက ဆိုပါတယ်။ 

ဘာသာရေး အသွင်ဆောင် ပဋိပက္ခတွေနဲ့ လူမျိုး အငြင်းပွားမှု တွေဟာ ဆိုးသွမ်းလှတဲ့ စစ်အာဏာရှင် လက်အောက်မှာ နှစ်ပေါင်း များစွာ ဖြတ်သန်း လာပြီး ဒီမိုကရေစီ စနစ်ကို တဖြည်းဖြည်း ချဉ်းကပ် လာတဲ့ မြန်မာနိုင်ငံ အတွက် ပုံရိပ်မဲကြီးတွေ ဖြစ်ပါတယ်။ ရှေးရိုးစွဲတွေကို အားပြုတဲ့ ဗုဒ္ဓဘာသာဝင် တွေရဲ့ အမျိုးသားရေး ဝါဒတွေကိုသာ အပြစ်တင်ရ ပါလိမ့်မယ်။ ၂၀၁၃ ခုနှစ် မတ်လမှာ ရွှေဆိုင် တစ်ခုက အငြင်းပွားရာ ကနေ ဗုဒ္ဓဘာသာဝင် လူစုကြီးက မွတ်စလင် တွေကို ဝိုင်းဝန်း တိုက်ခိုက်တဲ့ အဖြစ် အပျက်ကြီး တစ်ရပ် မြန်မာနိုင်ငံ အလယ်ပိုင်း မိတ္ထီလာမြို့မှာ ဖြစ်ပွား ခဲ့ပါတယ်။ ပြီးခဲ့တဲ့ နှစ်တွေက အကြမ်းဖက်မှု တွေကြောင့် လူပေါင်း ၃၀၀ ကျော် အသက်ဆုံးရှုံးခဲ့ ရပြီး တစ်သိန်း လေးသောင်းခန့် အိုးမဲ့ အိမ်မဲ့ ဖြစ်ခဲ့ရတဲ့ အဖြစ် အပျက်ကြီး အနက် လူ ၄၃ ဦး သေဆုံး ခဲ့တဲ့ မီးရှို့ သတ်တဲ့ လုပ်ရပ်ကြီး ကတော့ အကျဉ်းတန်ဆုံး ဖြစ်ရပ် တစ်ခု ပါဘဲ။

တချို့ ကတော့ မြန်မာနိုင်ငံက နိုဘယ်ဆုရှင် လည်းဖြစ် ဒီမိုကရေစီ ချန်ပီယံကြီးလည်း ဖြစ်တဲ့ ပါလီမန်က အတိုက်အခံ ခေါင်းဆောင် ဒေါ်အောင်ဆန်းစုကြည် နှုတ်ဆိတ် နေတဲ့ အတွက် အတော်လေးကို စိတ်ပျက်နေ ကြပါတယ်။ တချိန်တည်းမှာ ရိုဟင်ဂျာ တွေဟာ ဖယ်ကျဉ်ခြင်း ခံနေရ ပေမယ့် သူတို့ကို လုံးဝကြီး တော့လည်း ဥပက္ခာပြု မေ့မထားပါဘူး။ ဒါပေမယ့် တကယ်တမ်းတော့ သူတို့ အတွက် ကယ်မယ့် လူလည်း မရှိသလို မျော်လင့်ချက်လည်း မဲ့နေပါတယ်။

(Ishaan Tharoor ရေးသားပြီး Washington Post မှာဖော်ပြထားတဲ့ Shocking images of the world’s most forsaken people starving to death ဆောင်းပါးကို O’Laie Manzu မှ ဆီလျော်အောင် ဘာသာပြန် ထားပါသည်)