ခလရ ၂၃၄ တပ်ရင်းမှူးနှင့် နယ်ခြားစောင့်တပ် ၆ ဦးက ဒေသခံ ရိုဟင်ဂျာများထံမှ ငွေညှစ်
MYARF
RB News
11.4.2014
မောင်တော ။ ။ ရခိုင်ပြည်နယ်၊ မောင်တောမြို့နယ် အခြေစိုက် ခလရ ၂၃၄ မှ တပ်ရင်းမှူးနှင့် နယ်ခြားစောင့် တပ်ဖွဲ့ဝင် ၆ ဦးတို့က ဒေသခံ ရိုဟင်ဂျာများထံမှ ငွေညှစ်ခဲ့ကြောင်း သတင်း ရရှိပါသည်။
ဧပြီလ ၂ ရက်နေ့ နံနက် ၁၀ နာရီ အချိန်တွင် မောင်တောမြို့နယ် တောင်ပိုင်း ကျောက်ပန္ဒူ ကျေးရွာ အခြေစိုက် ခလရ ၂၃၄ မှ တပ်ရင်းမှူးက သပြေတော ကျေးရွာမှ ဒေသခံ ရိုဟင်ဂျာ (၃) ဦးကို တစ်ဖက်နိုင်ငံသို့ ဆိတ်နှင့် နွားများ တရားမ၀င် တင်ပို့နေသည်ဟု မဟုတ်မမှန် စွပ်စွဲ၍ ငွေကျပ် တစ်သိန်းစီ ညှစ်ယူခဲ့ကြောင်း ဒေသခံ တစ်ဦးက RB News သို့ပြောပါသည်။
ငွေကျပ် တစ်သိန်းစီ ညှစ်ခံရသူ (၄) ဦးမှာ --
(၁) မော်လ၀ီ ဦးအဒူလ်ဟာဘဲစ် (ဘ) ဦးဒိလ်မာမတ်
(၂) ဦးအီလီယာစ် (ဘ) ဦးအဒူဆလာမ်
(၃) မော်လ၀ီ ဦးနူရ်ဟူစိန်း (ဘ) ဦးတာဇောမူလုခ် -- တို့ ဖြစ်သည်။
မောင်တောမြို့နယ်၊ တောင်ပိုင်း မြင်းလွတ် ကျေးရွာ အုပ်စု၊ ဂျင်တောရွာမှ အာရှော၊ ဟာမိတ် (ဘ) ဦးနာဂူ၊ မောင်တာစ်အုလ္လာ (ဘ) ဦးမာမတ်ရှော်ဘိ၊ အေဘာဒူ (ဘ) ဦးရှုနာမျာနှင့် ရှောမ်ရှုအာလမ် (ဘ) မော်လ၀ီ ဟူစိန်း တို့သည် ထင်းခုတ်၍ အသက်မွေးဝမ်းကျောင်း ပြုနေသူများ ဖြစ်သည်။ ၎င်းတို့ (၅) ဦးက ထင်းခုတ်၍ ရရှိလာသည့် ထင်းများကို လမ်းဘေးတွင် ပုံထားသည့် အချိန်တွင် ဂျင်တောရွာ အခြေစိုက် လုံခြုံရေး စခန်း (အမှတ် ၈ နယ်မြေ စခန်းခွဲ) မှ နယ်ခြားစောင့် တပ်ဖွဲ့ဝင် ၆ ဦး ရောက်ရှိလာပြီး ထင်းခုတ်သည့် အတွက် တရားစွဲမည်ဟု ဆိုကာ ခြိမ်းခြောက်၍ တစ်ဦးထံမှ ငွေကျပ် ၃ သောင်းစီနှင့် ထင်းအချို့ကို ဓါးပြသဖွယ် ယူဆောင် သွားခဲ့ကြောင်း ဒေသခံ တစ်ဦးက RB News သို့ပြောပါသည်။
