နောက်ဆုံးသတင်း/ဆောင်းပါးများ

အကြမ်းဖက်ခံရ သူများထံမှ စစ်တပ်က ငွေညှစ်လျက်ရှိ



Rohingya Eye
RB News
1.4.2014

မောင်တော ။ ။ ရခိုင်ပြည်နယ်၊ မောင်တောမြို့နယ်၊ နယ်မြေ (၂) အပိုင်ရှိ သစ်တောနား ခွဆုံ ကျေးရွာသို့ မြို လူမျိုး အုပ်စု တစ်စု ၀င်ရောက်၍ ဒေသခံ ရိုဟင်ဂျာ အိမ်တစ်လုံးကို မီးရှို့ အကြမ်းဖက်ရန် ကြိုးစားခဲ့သော်လည်း အကြမ်းဖက်ခံရသူ များထံမှ စစ်တပ်က ငွေ ၁၄ သိန်းညှစ်လျက် ရှိကြောင်း သတင်း ရရှိပါသည်။

မတ်လ ၂၈ ရက်နေ့ ည ၈ နာရီ အချိန်တွင် မောင်တောမြို့နယ် မြောက်ပိုင်း သစ်တောနား ခွဆုံ ကျေးရွာ၏ အရှေ့ဘက်ရှိ ဦးရှော်ကတ်အလီ (ဘ) ဦးအမီးရ်နူရ်မာမတ် (အသက် ၃၂ နှစ်) ၏ နေအိမ်ကို မြို ဗုဒ္ဓဘာသာဝင် အုပ်စု တစ်စုက အကြမ်းဖက် မီးရှို့ရန် ကြိုးစား ခဲ့သည်။ အဆိုပါ မြိုအဖွဲ့မှ အကြမ်းဖက်ရန် ကြိုးစား နေစဉ် အိမ်ရှင် ဖြစ်သူက အော်ဟစ် အကူအညီ တောင်းမှုကြောင့် သစ်တောနား ခွဆုံရွာနှင့် နံရားရိုင်ရွာ (ရာဇားဘီလ်) တို့မှ ရွာသားများ ရောက်ရှိ လာသည့်ကြောင့် မီးမရှို့နိုင်ခဲ့ဘဲ ထွက်ပြေး သွားခဲ့ကြသည်။

ထို့နောက် ရွာသားများက ခမောင်းဆိပ် ကျေးရွာ အခြေစိုက် အင်ဂျီနီယာတပ် (ဂျီအီးတပ်) မှ တပ်ရင်းမှူးကို အကြောင်းကြားရာ၊ စစ်သား ၁၀၀ ခန့်ရောက်ရှိ လာပြီး စစ်သားများက ရွာသားများထံမှ တုတ်များကို သိမ်းဆည်း၍ ဆူပူ ကြိမ်းမောင်းပြီး လူစုခွဲ၍ ပြန်သွားခဲ့သည်။ ထို့နောက် မတ်လ ၂၉ ရက်နေ့ နံနက် ၁၀ နာရီ အချိန်တွင် တပ်ရင်းမှူးက ရွာနှစ်ရွာမှ ရွာသားများကို ဆင့်ခေါ်၍ ရွာသားများကို ပြစ်မှု ကျူးလွန်သူများ ဖြစ်ကြောင်း မဟုတ်မမှန် စွပ်စွဲ၍ အကြမ်းဖက် ခံရသူ ဦးရှော်ကတ်အလီနှင့် နံရားရိုင် ရွာသား ၉ ဦးကို ဖမ်းဆီး ထားခဲ့ကြောင်း ဒေသခံ တစ်ဦးက RB News သို့ပြောပါသည်။

သစ်တောနားခွဆုံ ကျေးရွာ အုပ်ချုပ်ရေးမှူး ဦးနူရူအစ္စလာမ်နှင့် နံရားရိုင်း ကျေးရွာ အုပ်ချုပ်ရေးမှူး ဦးဆယာဒုလ် အာမီးန် တို့က တပ်ရင်းမှူး ထံလိုက်သွားပြီး အပြစ်မရှိသူများကို ဖမ်းဆီး မထားရန် တောင်းပန်၍ ပြောသောကြောင့် ပြန်လည် လွှတ်ပေးခဲ့သော်လည်း ငွေကျပ် ၁၄ သိန်းကို ဧပြီလ (၂) ရက်နေ့ နောက်ဆုံးထားပြီး မပေးပါက ပြန်လည် ဖမ်းဆီးမည်ဟု တပ်ရင်းမှူးက ပြောဆို ခဲ့သောကြောင့် ရွာသားများ စုပေါင်း၍ ငွေကျပ် ၁၄ သိန်း ပေးရန် စီစဉ်လျက် ရှိကြောင်း ဒေသခံများက ပြောပါသည်။

တပ်ရင်းမှူးမှ ဓါးပြ သဖွယ် ငွေညှစ်နေသည့် ငွေကျပ် ၁၄ သိန်းကို အကြမ်းဖက် ခံရသူ ဦးရှောက်ကတ် အလီမှ (၁) သိန်း၊ သစ်တောခွဆုံ ကျေးရွာသားများက (၈) သိန်းနှင့် နံရားရိုင် ရွာသားများက (၅) သိန်း ကောက်ခံ၍ ဧပြီလ (၂) ရက်နေ့တွင် ပေးရန် စီစဉ်ထားသည်ဟု သိရှိရသည်။

Comment ရေးရန်

Rohingya Exodus