နောက်ဆုံးသတင်း/ဆောင်းပါးများ

မောင်တောမြို့နယ်တွင် လုံထိန်း ရဲများနှင့် ရခိုင်များက လုယက်၊ ငွေညှစ်




MYARF
RB News
25.4.2014

မောင်တော ။ ။ မောင်တောမြို့နယ် မြောက်ပိုင်းတွင် လုံထိန်းရဲများက လုယက်၍ ငွေညှစ်ခြင်း၊ တောင်ပိုင်းတွင် ရခိုင်များက လုယက်ခြင်းများ ပြုလုပ်ခဲ့ကြောင်း သတင်း ရရှိပါသည်။

တောင်ပြိုလက်ဝဲ မြို့နယ်ခွဲ အပိုင် ရေတွင်းပြင် ကျေးရွာမှ ဦးမိုဟာမတ် ဆော်လိမ် (ဘ) ဦးရိုဟုလ်အာမီးန် (အသက် ၃၂ နှစ်) သည် ငါးဖမ်းထွက်ရန် အတွက် ငါးခူရ ကျေးရွာ အခြေစိုက် အမှတ် (၂) ရဲတပ်ရင်း ပြူးမချောင်းဝ ကင်းစခန်းသို့ သတင်းပို့ခဲ့သည်။ ဧပြီလ (၂၃) ရက်နေ့ ညနေ ၅ နာရီ အချိန်တွင် အဆိုပါ ကင်းစခန်းမှ စခန်းမှူး အပါအ၀င် လုံထိန်း တပ်ဖွဲ့ဝင် (၃) ဦးတို့က မြစ်ဆုံတွင် လှေတစ်စင်းဖြင့် ကင်းလှည့် နေစဉ် ဦးမိုဟာမတ်ဆော်လိမ်ကို တွေ့ရှိပြီး ၎င်း၏ ၁၇၅ ကိုက် ရှည်သော ငါးဖမ်းပိုက်ကို လုယက်၍ သိမ်းဆည်းလိုက်ကြောင်း ဒေသခံ တစ်ဦးက RB News သို့ပြောပါသည်။

ငါးဖမ်းသမား ဦးမိုဟာမတ်ဆော်လိမ်သည် ဆင်းရဲ နွမ်းပါးသူ တစ်ဦး ဖြစ်ပြီး၊ စခန်းသို့ လိုက်သွား၍ လဘက်ရည်ဖိုး နှစ်သောင်း ပေး၍ ၎င်း၏ ငါးဖမ်းပိုက်ကို ပြန်လည် တောင်းခဲ့သော်လည်း စခန်းမှူးက ငွေကျပ် တစ်သိန်း ငါးသောင်း ပေးမှ ပြန်ပေးမည်ဟု ပြောခဲ့ကြောင်း သိရှိရပါသည်။ ဆင်းရဲနွမ်းပါးသည့် ဦးမိုဟာမတ်ဆော်လိမ်သည် တံငါသည် လုပ်ငန်းဖြင့်သာ စားဝတ်နေရေးကို ဖြေရှင်း နေရသူ ဖြစ်သည့်အတွက် ငါးဖမ်းပိုက် သိမ်းခံရသဖြင့် အသက်မွေးဝမ်းကျောင်း အတွက် ဒုက္ခဖြင့် ရင်ဆိုင်နေရသည်ဟု ဆိုသည်။

ဧပြီလ (၂၁) ရက်နေ့တွင် မောင်တောမြို့နယ် တောင်ပိုင်း အလယ်သံကျော်နှင့် ကံပူး ကျေးရွာတို့မှ ဒေသခံ ရိုဟင်ဂျာများသည် တောင်ပေါ်တွင် ထင်းခုတ်ရန် သွားခဲ့သည်။ တောင်ပေါ် အရောက်တွင် ရခိုင် လက်နက်ကိုင် သမား ၅ ဦးနှင့်တွေ့ခဲ့ပြီး၊ ရခိုင် အစွန်းရောက် များက သေနတ်များဖြင့် ခြိမ်းခြောက်၍ ထင်းခုတ်ရန် ကိုင်ဆောင် သွားသည့် ဓါးများကို လုယက်၍ ထင်းခုတ်ခွင့် မပေးဘဲ ဆဲဆို ကြိမ်းမောင်း၍ တောင်ပေါ်မှ နှင်လွှတ်ခဲ့ကြောင်း ဒေသခံ တစ်ဦးက RB News သို့ပြောပါသည်။

Comment ရေးရန်

Rohingya Exodus