မောင်တောမြို့ တောင်ပိုင်းမှ ငွေညှစ်မှု၊ မတရား ဖမ်းဆီး ညှဉ်းပန်း နှိပ်စက်မှုများ
MYARF
RB News
29.4.2014
မောင်တော ။ ။ ရခိုင်ပြည်နယ်၊ မောင်တောမြို့နယ် တောင်ပိုင်း သင်္ဘောကွဲ၊ ကျောက်ပန္ဒူ၊ ဇော်မတတ် ကျေးရွာများရှိ လုံခြုံရေး ရဲကင်း စခန်းများရှိ ရဲများက လမ်းသွား လမ်းသာ ရိုဟင်ဂျာ များကို မှတ်ပုံတင်များ စစ်ဆေးလျက် ရှိရာ မပါသူများထံမှ ငွေကျပ် ၅၀၀ မှ ၁၀၀၀ ထိညှစ်လျက် ရှိကြောင်း ဒေသခံများက RB News သို့ပြောပါသည်။ ဧပြီလ (၂၇) ရက်နေ့တွင် ခွဆုံကျေးရွာမှ မော်လ၀ီ ရှော်ဖီကူရာမန် (ဘ) ဦးနူရ်မာမတ်သည် သူငယ်ချင်း ဖြစ်သူနှင့် အတူ မောင်တောမြို့သို့ သွားနေစဉ် ကျောက်ပန္ဒူ ကင်းစခန်းမှ မှတ်ပုံတင်ကဒ် စစ်ဆေးရာ မော်လ၀ီ ရှော်ဖီကူရာမန် ထံတွင် မရှိသောကြောင့် ရဲများက ငွေကျပ် တစ်ထောင် တောင်းခံခဲ့သည်။ မော်လ၀ီ ရှော်ဖီကူရာမန်က ကျေးရွာ အုပ်ချုပ်ရေးမှူး၏ ထောက်ခံစာကို ပြသော်လည်း ရဲများက ငွေကျပ် တစ်ထောင် မပေးလျှင် ဖမ်းဆီးထားမည်ဟု ဆိုသောကြောင့် ငွေ တစ်ထောင် ပေးခဲ့ရသည်။ ထို့အပြင် ဇော်မတက် စခန်းတွင်လည်း ထိုသို့ ငွေကျပ် တစ်ထောင် ပေးခဲ့ရကြောင်း သိရှိရပါသည်။
မောင်တောမြို့နယ် တောင်ပိုင်း သင်္ဘောကွဲ ကျေးရွာ အုပ်ချုပ်ရေးမှူး ဦးဇော်ကော်ရီယာနှင့် သင်္ဘောကွဲ ကျေးရွာရှိ လုံခြုံရေး စခန်းမှ စခန်းမှူးတို့ ပူးပေါင်း၍ လုံခြုံရေး စခန်း၏ အမိုးမိုးရန် အတွက်ဟု ဆိုကာ အိမ်တစ်အိမ်လျှင် သက်ကယ် နှစ်စည်းကျ ကောက်ခံပြီး၊ အုပ်ချုပ်ရေးမှူး၏ အိမ်တွင် စုထားပြီး၊ တစ်စည်းလျှင် ငွေကျပ် ၁၅၀၀ ဖြင့် ပြန်လည် ရောင်းချလျက် ရှိကြောင်း ဒေသခံ တစ်ဦးက RB News သို့ပြောပါသည်။ ထို့အပြင် ကျောက်ပန္ဒူ ကျေးရွာတွင်လည်း ရဲစခန်း ဆောက်လုပ်ရန်ဟု ဆိုကာ ရွာသားများ၏ ငွေကြေး တောင့်တင်းမှုပေါ် မူတည်၍ ငွေကျပ် ၁၀၀၀ မှ ၃၀၀၀ အထိ ကောက်ခံလျက် ရှိကြောင်း သိရှိရပါသည်။ သန်းခေါင်စာရင်း ကောက်သည့် အဖွဲ့အား ထမင်းကျွေး စရိတ် အတွက်ဟု ခေါင်းစဉ်တပ်၍ လည်း ငွေကျပ် ၁၀၀၀ စီ ကောက်ခံလျက် ရှိသည့်အပြင် ငွေမပေးသူများကို စခန်းမှ တပ်ဖွဲ့ဝင်များ လာရောက်ပြီး ခြိမ်းခြောက်လျက် ရှိကြောင်း ဒေသခံများက ပြောပါသည်။
ဧပြီလ (၂၇) ရက်နေ့ ညသန်းခေါင်ယံ ၁ နာရီ အချိန်တွင် ဘင်္ဘောကွဲ ကျေးရွာ အုပ်ချုပ်ရေးမှူး ဦးဇော်ကော်ရီယာနှင့် ဘင်္ဘောကွဲ ကျေးရွာ အခြေစိုက် နယ်ခြားစောင့်တပ်တို့ ပူးပေါင်း၍ ဦးနူရူဟောက် (ဘ) ဦးဆွေဒေါ်ရာမန်နှင့် ဦးအဒူလ္လာ (ဘ) ဦးဟာမိဒုလ္လာ တို့ကို နေအိမ် အသီးသီးမှ ဖမ်းဆီး၍ ဦးဇော်ကော်ရီယာ၏ နွားတဲတွင် တစ်ညလုံး ချုပ်နှောင် ထားခဲ့သည်။ အဆိုပါ အပြစ်မဲ့ ရွာသား နှစ်ဦးကို လူကုန်ကူးမှုတွင် ပါဝင်သူများဟု စွပ်စွဲ၍ ငွေကျပ် ၈ သိန်း ညှစ်ခဲ့သော်လည်း အပြစ်မဲ့ နှစ်ဦးက ပေးရန် သဘောမတူသဖြင့် ရဲကင်း စခန်းသို့ ပို့၍ ဆက်လက်ချုပ်နှောင် ထားကြောင်း ဒေသခံ တစ်ဦးက RB News သို့ပြောပါသည်။
ဧပြီလ (၂၈) ရက်နေ့ နံနက် ၁၁ နာရီ အချိန်တွင် မောင်တောမြို့နယ် ရဲစခန်းမှ ဒုရဲအုပ် ကံလှနှင့် အဖွဲ့သည် မောင်တောမြို့နယ် တောင်ပိုင်း ကျေးရွာများသို့ သွားရောက်ပြီး ဘင်္ဘောကွဲ ကျေးရွာ (ခုလ်လုံး) မှ ဦးရှောကောတ်တုလ္လာ (ဘ) ဦးနူရ်မာမတ်နှင့် ကျောက်ပန္ဒူ ကျေးရွာ (ရှိတာဖ်) မှ ဦးအိုမောရ်အဘာစ် (ဘ) ဦးအစ္စမိုင်လ် တို့ကို ဓါးပြများဖြင့် အဆက်အသွယ် ရှိသည်ဟု မဟုတ်မမှန် စွပ်စွဲ၍ ဖမ်းဆီးရန် ရှာဖွေခဲ့သည်။ ထိုသို့ ရှာဖွေ နေစဉ် ဒေသခံ ရွာသားများကို ရဲများက ရိုင်းပျ ကြမ်းတမ်းစွာ ပြုမှု ဆက်ဆံခဲ့သဖြင့် ဒုချီးရားတန်း ကဲ့သို့ ပြဿနာများ ဖြစ်ပွားမည်ကိုပင် စိုးရိမ်ခဲ့ရကြောင်း ဒေသခံ တစ်ဦးက RB News သို့ပြောပါသည်။
မောင်တောမြို့နယ် တောင်ပိုင်း ဂေါ်ဒူသာရ တံတား ကင်းစခန်းမှ တပ်ဖွဲ့ဝင်များသည် ချောင်းတစ်ဖက်ကမ်းရှိ ပုဇွန်ကန်တွင် ညအိပ်စောင့် နေသည့် မိုဟာမတ်အာယုဘ် (ဘ) ဦးအဒူရော်ဟိမ်း (အသက် ၂၃ နှစ်) နှင့် ၎င်း၏ သူငယ်ချင်း ဖြစ်သူ တို့ကို ဧပြီလ (၂၈) ရက်နေ့ နံနက် (၆) နာရီတွင် ဖမ်းဆီး၍ ခေါ်ဆောင် သွားခဲ့သည်။ ခဏအကြာတွင် သူငယ်ချင်း ဖြစ်သူကို ပြန်လည် လွှတ်ပေးလိုက်သော်လည်း မိုဟာမတ် အာယုဘ်ကို တရားမ၀င် မိုဘိုင်းဖုန်း သုံးစွဲနေသည်ဟု မဟုတ်မမှန် စွပ်စွဲ၍ ဆက်လက် ချုပ်နှောင် ထားခဲ့ပြီး နံနက် ၁၁ နာရီ အချိန်တွင် ငွေကျပ် နှစ်သိန်း နှစ်သောင်း ညှစ်၍ ပြန်လည် လွှတ်ပေးခဲ့ကြောင်း ဒေသခံ တစ်ဦးက RB News သို့ပြောပါသည်။
