ရိုဟင်ဂျာ လူငယ် တစ်ဦးကို ရခိုင် အစွန်းရောက် နှစ်ဦးက သေလုမျောပါး ရိုက်နှက်

MYARF
RB News
12.4.2014

မောင်တော ။ ။ ရခိုင်ပြည်နယ်၊ မောင်တောမြို့နယ် ငါးခူရ ကျေးရွာ အုပ်စု၊ အောက်ပြူးမရွာမှ ရိုဟင်ဂျာ လူငယ် တစ်ဦးကို ရခိုင် အစွန်းရောက် နှစ်ဦးက သေလုမျောပါး ရိုက်နှက်ခဲ့ကြောင်း သတင်း ရရှိပါသည်။

ယမန်နေ့ ဧပြီလ ၁၁ ရက်နေ့ ည ၉း၃၀ နာရီ အချိန်တွင် မောင်တောမြို့နယ်၊ ငါးခူရ ကျေးရွာ အုပ်စု၊ အောက်ပြူးမရွာမှ ရိုဟင်ဂျာ လူငယ်တစ်ဦး ဖြစ်သည့် ကိုလေဒါယာ (ဘ) ဦးဖကီရ်အဟမတ် (အသက် ၃၃ နှစ်) ကို အဆိုပါရွာမှ ရခိုင် အစွန်းရောက် နှစ်ဦး ဖြစ်သည့် ဇော်မိုးထွန်း (ဘ) ဦးသာထွန်းကျော်နှင့် မောင်မောင်စိန် (ဘ) ဦးဖြိုးအောင် တို့က သေလုမျောပါး ရိုက်နှက် ခဲ့ကြောင်း ဒေသခံ တစ်ဦးက RB News သို့ပြောပါသည်။

ကိုလေဒါယာကို ရခိုင်အစွန်းရောက် နှစ်ဦးက ရခိုင်ရွာ အနီးတွင် လူမဆန်စွာ ရိုက်နှက်၍ လည်ပင်းညှစ်ပြီး သတ်ခဲ့သော်လည်း သတိလစ်သွားခဲ့ပြီး၊ ရခိုင်အစွန်းရောက် များက ၎င်းကို သေပြီဟု ယူဆ၍ ထိုနေရာတွင် ထား၍ ထွက်ပြေးသွားခဲ့သည်။ သတိလစ်နေသည့် ကိုလေဒါယာကို ရွာသား တစ်ဦးက တွေ့ရှိခဲ့ပြီး ဆွေမျိုးများကို အကြောင်းကြားပြီး အိမ်သို့ ခေါ်ဆောင် လာခဲ့သည်။

ကိုလေဒါယာသည် ရွာတွင် နာမည်ကြီး ရခိုင်အစွန်းရောက် တစ်ဦးဖြစ်သည့် ဦးအောင်ဆန်း၏ ပုဇွန်ကန်တွင် အလုပ်လုပ်ကိုင် နေသူ တစ်ဦး ဖြစ်ပြီး၊ ညပိုင်းတွင် ပုဇွန်ကန် စောင့်ရန် အသွားတွင် တိုက်ခိုက်ခံရခြင်း ဖြစ်သည်။ ၎င်း၏ အလုပ်ရှင် ဖြစ်သူက ဦးအောင်ဆန်းက ရခိုင်အစွန်းရောက်များ တိုက်ခိုက်ခြင်း မဟုတ်ဘဲ၊ သရဲခြောက်ခံရခြင်းသာ ဖြစ်သည်ဟု ရွာတွင် သတင်းလွှင့်၍ ရခိုင်အစွန်းရောက် နှစ်ဦး အရေးယူခြင်း မခံရအောင် ကာကွယ် ပေးနေသည်ဟု ဒေသခံများက ပြောပါသည်။