နောက်ဆုံးသတင်း/ဆောင်းပါးများ

ကုလ-မြန်မာ့ မိတ်ဖက် နိုင်ငံများ အစည်း အဝေး ဝန်ကြီး ဦးခင်ရီ တက်ရောက်

လူဝင်မှု ကြီးကြပ်ရေးနဲ့ ပြည်သူ့ အင်အား ဝန်ကြီး ဌာန ပြည်ထောင်စု ဝန်ကြီး ဦးခင်ရီ (ယာ-အစွန်)


26.4.2014

မြန်မာနိုင်ငံဟာ သူ့နိုင်ငံရဲ့သမိုင်းကို ပုံဖော်နေတဲ့ အချိန်ရောက်နေတယ်လို့ ကုလသမဂ္ဂ အတွင်းရေးမှူးချုပ် ဘန်ကီမွန်းက ပြောလိုက်ပါတယ်။

ကုလသမဂ္ဂ အတွင်းရေးမှူးချုပ်ရဲ့ မြန်မာ့ မိတ်ဆွေ နိုင်ငံများ အဖွဲ့ကို မြန်မာ့ မိတ်ဖက် နိုင်ငံများ အဖွဲ့ အဖြစ် ပြင်ဆင် ဖွဲ့စည်းခဲ့ ပြီးနောက် ပထမဆုံး အကြိမ် တွေ့ဆုံ ဆွေးနွေးပွဲမှာ Mr. Ban Ki Moon က ခုလို ပြောသွားတာ ဖြစ်ပါတယ်။

လူဝင်မှု ကြီးကြပ်ရေးနဲ့ ပြည်သူ့ အင်အား ဝန်ကြီးဌာန ပြည်ထောင်စု ဝန်ကြီး ဦးခင်ရီ ဦးဆောင်တဲ့ မြန်မာ ကိုယ်စားလှယ် အဖွဲ့လည်း တက်ရောက်တဲ့ ဆွေးနွေးပွဲမှာ အပြု သဘောဆောင်တဲ့ ပြုပြင် ပြောင်းလဲမှုတွေ အများ အပြား လုပ်နေတဲ့ မြန်မာနိုင်ငံဟာ သမိုင်းဝင် အသွင် ကူးပြောင်းမှုကို စတင်နေတာ ဖြစ်တယ်လို့ ကုလသမဂ္ဂ အတွင်းရေးမှူးချုပ်က ပြောကြားခဲ့ ပါတယ်။

အခုလို မြန်မာ အစိုးရဲ့ ဆောင်ရွက်ချက်တွေနဲ့ နိုင်ငံတကာ အသိုင်း အဝိုင်းနဲ့ အလုပ် ဖြစ်တဲ့ ဆက်ဆံရေး တည်ဆောက် နိုင်ခဲ့တဲ့ အပေါ် ဆွေးနွေးပွဲ တက်ရောက် ကြတဲ့ မြန်မာ့ မိတ်ဖက် နိုင်ငံတွေ ဖက်ကလည်း အကောင်းဘက် သွားနေတဲ့ ခြေလှမ်းတွေ အဖြစ် မြင်ကြတယ်လို့ ဆွေးနွေးပွဲ အပြီး ထုတ်ပြန်တဲ့ ကြေညာချက်မှာ ဖော်ပြ ပါတယ်။

ဒီမိုကရေစီ ဖော်ဆောင်ရေး၊ လူမှု စီးပွား ဖွံ့ဖြိုး တိုးတက်ရေးနဲ့ အမျိုးသား ပြန်လည် သင့်မြတ်ရေး ရရှိရေး အတွက် ဆောင်ရွက်နေတဲ့ နေရာတွေမှာ ဆက်ပြီး အားပေး ထောက်ခံ သွားမယ် လို့လည်း မြန်မာ့ မိတ်ဖက် နိုင်ငံများ အဖွဲ့ဝင် နိုင်ငံတွေက ပြောကြား ခဲ့ကြ ပါတယ်။

တချိန်တည်းမှာပဲ တနိုင်ငံလုံး အပစ်အခတ် ရပ်စဲ နိုင်ရေး အတွက် ဘက်အားလုံးက နိုင်ငံရေး စိတ်ဆန္ဒ ရှိမှုကို ပြသဖို့လည်း တိုက်တွန်းပါတယ်။

တခါ ရခိုင် ပြည်နယ် ထဲမှာ အကြမ်းဖက်မှု တွေဖြစ်အောင် လှုံ့ဆော်မှု မှန်သမျှကို အစိုးရက ပြတ်ပြတ် သားသား ကိုင်တွယ် ဆောင်ရွက်ဖုိ့ လိုအပ်တယ်လို့ ထောက်ပြ ပါတယ်။ လူမှု အသိုင်း တွေကြား ရှိနေတဲ့ တင်းမာမှု တွေကို ကျော်လွှား နိုင်ဖို့နဲ့ နိုင်ငံသား သတ်မှတ်ရေး ကိစ္စတွေကို ကိုင်တွယ် ဖြေရှင်းရေးဟာ တန်းတူညီမျှမှု ရှိပြီး အားလုံး ပါဝင်တဲ့ ပြုပြင် ပြောင်းလဲရေး လုပ်ငန်းစဉ် အတွက် အရေးတကြီး ဆောင်ရွက် သင့်တာတွေ ဖြစ်တယ်လို့ ပြောပါတယ်။

ကုလသမဂ္ဂ အတွင်းရေးမှူးချုပ် ကလည်း အနှစ် ၃၀ အတွင်း ပထမဆုံး ကောက်ခံတဲ့ သန်းခေါင် စာရင်း ကောက်ခံမှုနဲ့ ဆက်နွယ် နေတဲ့ ပြဿနာတွေ၊ ၂၀၁၅ ရွေးကောက်ပွဲ အတွက် ပြင်ဆင်မှုတွေ၊ ဖွဲ့စည်းပုံ ပြင်ဆင်ရေး ကိစ္စတွေ၊ တနိုင်ငံလုံး အပစ် အခတ် ရပ်စဲပြီး နိုင်ငံရေး ဆွေးနွေးမှုတွေ ဖြစ်လာနိုင်ဖို့
ညှိုနှိုင်း နေကြတဲ့ ကိစ္စတွေ၊ ရခိုင်ပြည်နယ် အပြင် တခြား ဒေသတွေမှာ ဘာသာရေးနဲ့ မတူညီတဲ့ လူမှု အသိုင်း အဝိုင်း တွေကြား တင်းမာမှုတွေဟာ မြန်မာနိုင်ငံ ရင်ဆိုင်နေရဆဲ ဖြစ်တဲ့ စိန်ခေါ်မှုတွေ ဖြစ်တယ်လို့ ပြောကြားသွား ခဲ့ပါတယ်။

မြန်မာနိုင်ငံ အသွင် ကူးပြောင်းရေး အတွက် အရေးကြီးတဲ့ အဆင့်ကို ရောက်နေတဲ့ ကာလမှာ မြန်မာ အစိုးရနဲ့ မြန်မာပြည်သူ တွေကို ကုလသမဂ္ဂက ဆက်ပြီး ထောက်ခံ သွားမယ် ဆိုတာကို မြန်မာ့ မိတ်ဖက် နိုင်ငံများ ဆွေးနွေးပွဲမှာ ကုလသမဂ္ဂ အတွင်းရေးမှူးချုပ် ဘန်ကီမွန်းက ထပ်ပြီး အာမခံ သွားခဲ့ ပါတယ်။

Comment ရေးရန်

Rohingya Exodus