အာဏာပိုင်များက အတင်းအဓမ္မ ခိုင်းစေခြင်း၊ မဟုတ်မမှန် စွပ်စွဲ ဖမ်းဆီခြင်းနှင့် ခြိမ်းခြောက်ခြင်းများ ပြုလုပ်
MYARF
RB News
14.4.2014
မောင်တော ။ ။ ရခိုင်ပြည်နယ်၊ မောင်တောမြို့နယ် တောင်ပိုင်း နှင့် သင်္ဘောကွဲကျေးရွာနှင့် ကျောက်ပန္ဒူ ကျေးရွာရှိ လုံခြုံရေး စခန်းများမှ ရဲများနှင့် ရွာအုပ်ချုပ်ရေးမှူး တို့က ဒေသခံ ရိုဟင်ဂျာ များကို နည်းအမျိုးမျိုးဖြင့် ဒုက္ခပေးလျက် ရှိပြီး၊ မြောက်ပိုင်းရှိ တပ်ရင်း ၅၃၅ မှ တပ်ရင်းမှူးက သန်းခေါင်စာရင်းနှင့် ပတ်သက်၍ ခြိမ်းခြောက်ခဲ့ကြောင်း သတင်း ရရှိပါသည်။
ဧပြီလ (၈) ရက်နေ့မှ စ၍ မောင်တောမြို့နယ် တောင်ပိုင်း ဘင်္ဘောကွဲ ကျေးရွာနှင့် ကျောက်ပန္ဒူ ကျေးရွာများရှိ လုံခြုံရေး စခန်းများမှ ရဲများက ဒေသခံ ရိုဟင်ဂျာ များကို အတင်း အဓမ္မ ခိုင်းစေလျက် ရှိပြီး၊ ရွာနှစ်ရွာမှ နေ့စဉ် ရွာသား ၁၅ ဦးစီ လုံခြုံရေး စခန်းများသို့ သွားရောက်၍ လုပ်အားပေး နေရကြောင်း ဒေသခံ တစ်ဦးက RB News သို့ပြောပါသည်။ နေ့စဉ် နံနက် ၈ နာရီမှ ညနေ ၅ နာရီထိ လုံခြုံရေး တပ်ဖွဲ့ဝင်များ ခိုင်းသည့် အလုပ်တိုင်းကို လုပ်ကိုင် ပေးနေရပြီး နားချိန်နှင့် စားချိန်ပင် မပေးသည့် အပြင် နံနက် ၈ နာရီ ကျော်လွန်၍ ရောက်ရှိပါက ရိုက်နှက်ခြင်း ခံရကြောင်း ဒေသခံများက ပြောပါသည်။
ဧပြီလ (၈) ရက်နေ့ ညပိုင်းတွင် မောင်တောမြို့နယ် တောင်ပိုင်း သင်္ဘောကွဲ ကျေးရွာ အုပ်ချုပ်ရေးမှူး ဦးဇော်ကော်ရီယာသည် ဆယ်အိမ်မှူး ဦးနူရ်အာမတ်နှင့် အခြား ဆယ်အိမ်မှူး ၅ ဦးတို့နှင့် အတူ ဦးဇော်ကိရ်အာမတ် (ဘ) ဦးဇီယာဘူရာမန် (အသက် ၄၀ နှစ်) ကို ဘဘောင်္ကွဲကျေးရွာရှိ ယောက္ခမ ဖြစ်သူ ဦးမိုဟာမတ် ဆူအူရှု၏ အိမ်မှ ဖမ်းဆီးပြီး နွားရုံတွင် နွားများနှင့် အတူ ချည်နှောင်ထားခဲ့ပြီး ဧပြီလ (၉) ရက်နေ့ နံနက်ပိုင်းတွင် ဘင်္ဂလားဒေ့ရ်ှမှ အကြမ်းဖက်သမား များနှင့် ဆက်သွယ်နေသည်ဟု မဟုတ်မမှန် လုပ်ကြံ၍ အင်းဒင် ရဲစခန်းသို့ အပ်နှံခဲ့သည်။ မိသားစုများက အင်းဒင် ရဲစခန်းမှ တောင်းသည့် ငွေကို ပေး၍ ရွေးမည်ဟု ဆိုကာ လိုက်သွားသော်လည်း အင်းဒင် ရဲစခန်းက မောင်တော ရဲစခန်းသို့ ပို့လိုက်သည်ဟု ပြောဆိုခဲ့သည်။ ထို့နောက် မောင်တော ရဲစခန်းတွင် စုံစမ်းခဲ့သော်လည်း မရှိဟု ဖြေကြား ခဲ့ကြောင်း သိရှိရပါသည်။ မိသားစုများက ဦးဇော်ကီရ်အာမတ်ကို ရှာမတွေ့သေးသည့် အတွက် စိုးရိမ်လျက် ရှိပြီး၊ ဦးဇော်ကိရ်အာမတ်သည် ကျေးရွာတွင် လူအများ ကြည်ညိုလေးစားခြင်း ခံရသူ တစ်ဦး ဖြစ်ကြောင်း ဒေသခံများက RB News သို့ပြောပါသည်။ ရွာသားများက ဦးဇော်ကိရ်အာမတ်ကို အုပ်ချုပ်ရေးမှူးထက် ပိုမို ယုံကြည် လေးစားသောကြောင့် ယခုကဲ့သို့ လုပ်ကြံခံရခြင်း ဖြစ်သည်ဟု ဆိုသည်။
ဧပြီလ (၁၃) ရက်နေ့ နေ့လည် ၂ နာရီတွင် မောင်တောမြို့နယ် မြောက်ပိုင်း အမှတ် (၅) နယ်မြေ ငါးခူရ ကျေးရွာ အခြေစိုက် တပ်ရင်း ၅၃၅ မှ တပ်ရင်းမှူး ဒု-ဗိုလ်မှူးကြီး ဇော်လတ်ဦးက ကျေးရွာ အုပ်ချုပ်ရေးမှူး များကို ဆင့်ခေါ်၍ “မင်းတို့ သန်းခေါင်စာရင်းမှာ ဘာကြောင့် ရိုဟင်ဂျာလို့ ပြောခဲ့သလဲ၊ ရိုဟင်ဂျာ ဆိုတာ ဘာလဲ၊ ရိုဟင်ဂျာဆိုတာ ဘယ်မှာလဲ မင်းတို့ သိလား၊ ရိုဟင်ဂျာဆိုတာ မြန်မာနိုင်ငံမှာ မရှိဘူး၊ (၁၇) ရက်နေ့ နောက်ပိုင်းမှာ ရိုဟင်ဂျာ ဘယ်ရောက်မယ်၊ ရိုဟင်ဂျာလို့ ပြောတဲ့သူတွေရဲ့ အခြေအနေ ဘယ်လို ဖြစ်မယ်၊ ရိုဟင်ဂျာလို့ ပြောတဲ့သူတွေကို ပစ်သတ်ခွင့် ရှိတယ်” ဟု ပြောဆို ခြိမ်းခြောက် ခဲ့ကြောင်း ဒေသခံ တစ်ဦးက RB News သို့ပြောပါသည်။
ထို့အပြင် “မင်းတို့ နောက်ကွယ်က ဘယ်သူ ကြိုးကိုင် နေတယ် ဆိုတာ ငါတို့ အားလုံး သိတယ်၊ မြန်မာနိုင်ငံကို အုပ်ချုပ်နေတာ အိုဘားမား မဟုတ်ဘူး။ သမ္မတ ဦးသိန်းစိန်ဘဲ၊ ငါတို့ကို လစာ ပေးနေတာ အိုဘားမား မဟုတ်ဘူး။ နိုင်ငံတော်က ပေးနေတာ၊ အဲဒီတော့ နိုင်ငံတော် အတွက် ငါတို့ ဘာမဆို လုပ်သွားမှာဘဲ” ဟု တပ်ရင်းမှူးက ပြောဆို ခဲ့ကြောင်း သိရှိရပါသည်။
