ကြိမ်ချောင်းမှ ရဲတပ်ကြပ်နှင့် တပည့်ဖြစ်သူ တို့၏ ရိုက်နှက်မှုကြောင့် အပြစ်မဲ့ လူကြီး တစ်ဦး သေဆုံး
RB News
28.4.2014
မောင်တော ။ ။ ရခိုင်ပြည်နယ်၊ မောင်တောမြို့နယ် မြောက်ပိုင်း ကြိမ်ချောင်း ကျေးရွာ အခြေစိုက် ရဲတပ်ကြပ် တစ်ဦးနှင့် ၎င်း၏ တပည့် ဖြစ်သူတို့၏ ရိုက်နှက်မှုကြောင့် အသက် ၆၅ နှစ် အရွယ် လူကြီး တစ်ဦး သေဆုံးခဲ့ ရကြောင်း သတင်း ရရှိပါသည်။
ဧပြီလ (၂၇) ရက်နေ့ နေ့လည် (၂) နာရီ အချိန်တွင် မောင်တောမြို့နယ် မြောက်ပိုင်း၊ ကြိမ်ချောင်း ကျေးရွာရှိ ကားဂိတ်တွင် ကွမ်းယာရောင်းသည့် ဦးလီယာကောတ်အလီ (ခ) ဦးဆူရီးယား (အသက် ၆၅ နှစ်) ကို ကြိမ်ချောင်း ကျေးရွာ အုပ်စု မြောက်ရွာ အခြေစိုက် နယ်ခြားစောင့်တပ်မှ တပ်ကြပ် ကျော်ဝင်းနှင့် ၎င်း၏ တပည့်ဖြစ်သူ ရော်ဟိမ်း (ဘ) ဦးမိုင်နာ တို့က မတရားသဖြင့် ရိုက်နှက်ခဲ့မှုကြောင့် မောင်တော ဆေးရုံသို့ အရေးပေါ် လူနာအဖြစ် ပို့ခဲ့ရသည်။ အဆိုပါ အသက် ၆၅ နှစ် အရွယ် ဦးလီယာကောတ်အလီသည် ရဲတပ်ကြပ်နှင့် တပည့်ဖြစ်သူ တို့၏ လူမဆန်စွာ ရိုက်နှက်မှုကြောင့် ရရှိသည့် ဒဏ်ရာဖြင့် ယနေ့ (ဧပြီလ ၂၈) တွင် မောင်တော ဆေးရုံ၌ သေဆုံး သွားကြောင်း ဒေသခံ တစ်ဦးက RB News သို့ပြောပါသည်။
တပ်ကြပ် ကျော်ဝင်းနှင့် တပည့်ဖြစ်သူ တို့သည် ကြိမ်ချောင်း ကားဂိတ်တွင် ရပ်နားသည့် ကားများမှ တစ်စီးလျှင် နှစ်ထောင်ကျပ်၊ ကားငယ် တစ်စီးလျှင် တစ်ထောင်ကျပ် ကောက်ခံ လျက်ရှိကြောင်း သိရှိရပါသည်။ ဧပြီလ (၂၇) ရက်နေ့ နေ့လည် (၂) နာရီ အချိန်တွင် ဦးလီယာကောတ်အလီ၏ ဆိုင်တွင် ကွမ်းဝယ်နေသည့် ကားသမား တစ်ဦးထံမှ တပ်ကြပ် ကျော်ဝင်းနှင့် တပည့် ဖြစ်သူ ရော်ဟိမ်း တို့က ငွေကျပ် နှစ်ထောင် တောင်းရာ၊ ကားသမားက ငွေတစ်ထောင်သာ ပေးသည့် အတွက် ဆိုင်တွင်းတွင်ပင် ရိုက်နှက်ရာ ဦးလီယာကောတ်အလီက တားသဖြင့် ဦးလီယာကောတ်အလီကို ဆိုင်ပြင်သို့ ဆွဲထုတ်ပြီး နှစ်ဦးစလုံးက လက်သီးဖြင့်ထိုး၊ ခြေထောက်ဖြင့် ကန်ကျောက်ရာ၊ ပါးစပ်မှ သွေးများထွက်၍ ထိုနေရာတွင်ပင် သတိလစ် သွားခဲ့သည်။ ပြင်းထန်စွာ ဒဏ်ရာ ရရှိသွားသည့် ဦးလီယာကောတ်အလီကို ဒေသခံ ရွာသားများက မောင်တော ဆေးရုံသို့ ပို့ခဲ့သည်။
ဦးလီယာကောတ်အလီသည် ရဲတပ်ကြပ် ကျော်ဝင်းနှင့် တပည့် ဖြစ်သူတို့၏ လူမဆန်စွာ တိရစ္ဆာန်ကဲ့သို့ ရိုက်နှက်မှုကြောင့် ယနေ့ (ဧပြီလ ၂၈) သေဆုံး သွားကြောင်း ဒေသခံများက ပြောပါသည်။ ၎င်းသည် အလွန်ဆင်းရဲ နွမ်းပါးသူ တစ်ဦး ဖြစ်ပြီး ကွမ်းယာရောင်း၍ မိသားစုများကို ရှာဖွေ ကျွေးမွေး စောင့်ရှောက် နေသူ တစ်ဦး ဖြစ်သည်။
ရဲတပ်ကြပ် ကျော်ဝင်း၏ တပည့် ဖြစ်သူ ရော်ဟိမ်း၏ နေအိမ်သို့ ရဲတပ်ကြပ် ကျော်ဝင်း အပါအ၀င် ရဲတပ်သားများ အမြဲဝင်ထွက် နေပြီး၊ ၎င်း၏ နေအိမ်တွင် စုပေါင်း၍ မူးယစ် ဆေးဝါး သုံးစွဲသည်ဟု ဒေသခံများက ဆိုသည်။
ယခုကဲ့သို့ လူမဆန်စွာ ရိုက်နှက်ခြင်းများကို ယခင်ကလည်း ၎င်းတို့ ကျူးလွန်ခဲ့ကြပြီး၊ မိသားစု စားဝတ်နေရေး အတွက် ရှာဖွေ ရုန်းကန် နေသည့် သက်ကြီး ရွယ်အို တစ်ဦးကို ရိုက်နှက်ခြင်းကြောင့် အသက်ပင် ဆုံးရှုံးသွား ရသည့် အတွက် လူသတ်မှု ကျူးလွန်သူ နှစ်ဦးကို တရား ဥပဒေနှင့် အညီ အရေးယူ အပြစ်ပေးရန် ပြည်ထောင်စု အစိုးရနှင့် ပြည်နယ် အစိုးရတို့ထံ တောင်းဆိုကြောင်း ဒေသခံများက RB News သို့ပြောပါသည်။
