အလယ်သံကျော်နှင့် ရွာအချို့မှ ငါးဖမ်း စက်လှေသမားများ လစဉ် ဆက်ကြေး ပေးနေရ
RB News
20.4.2014
မောင်တော ။ ။ ရခိုင်ပြည်နယ်၊ မောင်တောမြို့နယ် တောင်ပိုင်း အလယ်သံကျော် ကျေးရွာ အုပ်စုနှင့် အခြားသော ရွာများမှ ငါးဖမ်း စက်လှေသမား များထံမှ အာဏာပိုင်များက လစဉ် ဆက်ကြေး သဖွယ် ကောက်ခံလျက် ရှိကြောင်း သတင်း ရရှိပါသည်။
လွန်ခဲ့သော ဇန်န၀ါရီလတွင် မောင်တောမြို့နယ် အုပ်ချုပ်ရေးမှူး ဦးကြည်စန်းနှင့် ငါးမွေးမြူရေး ဦးစီးဌာန တို့က အလယ်သံကျော်နှင့် အနီးတ၀ိုက် ရွာများမှ ငါးဖမ်း စက်လှေများနှင့် ငါးအရောင်းအ၀ယ် ပြုလုပ်သူများ အတွက် အဖွဲ့ တစ်ခု ဖွဲ့စည်း ပေးခဲ့သည်။ အဆိုပါ အဖွဲ့တွင် အလယ်သံကျော်မှ ဦးမောင်စောတင်၊ ကညင်တန်းမှ ဦးမောင်မြင့် (ခ) ဘိုက်လာနှင့် မောင်တူလာရွာမှ ဦးမုဖ်တာအာမတ် (ဘ) ဦးဟာဘီ တို့ပါဝင်သည်။ ထိုအဖွဲ့ကို စတင်ဖွဲ့စည်း ပေးသည့်နေ့မှစ၍ ငါးဖမ်း စက်လှေ တစ်စီးလျှင် ငွေကျပ် ၅ သောင်းနှင့် ရိုးရိုးလှေ တစ်စီးလျှင် ငွေကျပ် ၂ သောင်း လစဉ် ဆက်ကြေး သဖွယ် ပေးနေရကြောင်း ဒေသခံ တစ်ဦးက RB News သို့ပြောပါသည်။
ထိုသို့ လစဉ် ဆက်ကြေး ကောက်ခံရာတွင် တပ်ရင်းမှူး အတွက် တစ်လလျှင် နှစ်သောင်း၊ စ.ရ.ဖ အတွက် တစ်သောင်း၊ သတင်းတပ်ဖွဲ့ (SB) အတွက် တစ်သောင်း၊ လုံထိန်းနှင့် ငါးမွေးမြူရေး ဦးစီးဌာန အတွက်ဟု ဆိုကာ အကြောင်း အမျိုးမျိုး ပြ၍ ကောက်ခံလျက် ရှိသည်။ ငွေပေးရန် ကြန့်ကြာသူများကို ကိုယ်ထိ လက်ရောက် စော်ကားမှုများပါ ပြုလုပ်လျက် ရှိကြောင်း ဒေသခံများက ပြောပါသည်။
အလယ်သံကျော်နှင့် အနီးတ၀ိုက် ကျေးရွာများတွင် ငါးဖမ်း စက်လှေ ၂၀၀ ခန့်နှင့် ရိုးရိုးလှေ ၁၀၀ ကျော်ရှိသည်။ ငါးဖမ်းသမားများက ၎င်းတို့၏ ခွန်အားဖြင့် ပင်လယ်ပြင်တွင် ပင်ပန်းဆင်းရဲခံကာ ရရှိလာသည့် ၀င်ငွေများမှ ယခုကဲ့သို့ ခေါင်းပုံဖြတ်နေသည်ကို စိတ်ပျက်လျက် ရှိသော်လည်း အာဏာပိုင်များ ကိုယ်တိုင် ဥပဒေမဲ့ ပြုလုပ်လျက် ရှိသဖြင့် တရားမျှတမှု ရရှိရန် နည်းလမ်း မရှိဟု ဆိုသည်။
လွန်ခဲ့သည့် တစ်ပတ်ခန့်က စက်လှေ ပိုင်ရှင် နှစ်ဦး ဖြစ်သည့် ဦးအဘုလ်ကာဆီးမ်နှင့် လောင်းဂျ (ခ) ဦးဆော်လီမုလ္လာ တို့အချင်းချင်း သာမာန် ပြဿနာ ဖြစ်ပြီး ပြေလည်ခဲ့သော်လည်း ဦးမောင်စောတင်နှင့် ဦးမောင်မြင့်တို့က ပြဿနာ ဖြေရှင်းရန်ဟု ဆိုကာ ဦးအဘုလ်ကာဆီးမ် ထံမှ ငွေကျပ် ၆ သိန်း ညှစ်ယူခဲ့ကြောင်း သိရှိရပါသည်။
