ဆင်းမ်ကဒ် မပါသည့် ဖုန်းပိုင်ရှင်ကို ကြိမ်ချောင်းမှ ရဲများက ဖမ်းဆီး၍ ငွေငါးသိန်း ညှစ်
MYARF
RB News
8.4.2014
မောင်တော ။ ။ ရခိုင်ပြည်နယ်၊ မောင်တောမြို့နယ် ကြိမ်ချောင်း ကျေးရွာ အခြေစိုက် ရဲစခန်းမှ ရဲများသည် ဆင်းမ်ကဒ် မပါသည့် ဖုန်းပိုင်ရှင်ကို တရားမ၀င် ဖုန်းသုံးစွဲ နေသည်ဟု စွပ်စွဲ၍ ဖမ်းဆီးပြီး ငွေကျပ် ၅ သိန်း ညှစ်ယူ ခဲ့ကြောင်း သတင်း ရရှိပါသည်။
ယမန်နေ့ ဧပြီလ (၇) ရက်နေ့ နေ့လည် ၁၂ နာရီ အချိန်တွင် မောင်တောမြို့နယ်၊ နတ်ချောင်း ကျေးရွာ အုပ်စု၊ လောင်းဘုန်းရွာမှ ဦးကမာလ်ဟူစိန်း (ဘ) ဦးအဒူရဟီးမ်နှင့် ဦးဇာဟိတ်ဟူစိန်း (ဘ) ဦးယာကုဘ်နော်ဘီ တို့သည် မော်လ၀ီ ဦးနူရ်ကဘီရ်၏ ဆိုင်တွင် ထိုင်၍ ရိုဟင်ဂျာ တေးသီချင်း နားထောင် နေစဉ် ဆိုင်ရှေ့မှ ဆိုင်ကယ်စီး၍ ဖြတ်သွား နေသည့် ကြိမ်ချောင်း ရဲစခန်းမှ ရဲနှစ်ဦးက ဆိုင်ကယ်ရပ်ပြီး၊ တရားမ၀င် ဖုန်းသုံးစွဲ နေသည်ဟု စွပ်စွဲကာ ဖမ်းဆီး၍ ကြိမ်ချောင်း ရဲစခန်းသို့ ခေါ်ဆောင် သွားခဲ့သည်။ ၎င်းတို့နှစ်ဦးထံမှ ရရှိသည့် ဖုန်းတွင် ဆင်းမ်ကဒ် မပါသော်လည်း ရဲများက ငွေညှစ်ရန် အမှုဆင်ကာ အမျိုးမျိုး ခြိမ်းခြောက်ခဲ့ကြောင်း ဒေသခံ တစ်ဦးက RB News သို့ပြောပါသည်။
ယနေ့ ဧပြီလ (၈) ရက်နေ့ နံနက်ပိုင်းတွင် ဖမ်းဆီးခံရသူ နှစ်ဦးထံမှ ရဲများက ငွေကျပ် ၅ သိန်း ညှစ်ယူ၍ ပြန်လည် လွှတ်ပေးခဲ့ကြောင်း သိရှိရပါသည်။ ကြိမ်ချောင်း ရဲစခန်းမှ ရဲများသည် မောင်တောမြို့နယ် မြောက်ပိုင်းရှိ ကျေးရွာများထဲသို့ အမြဲတစေ ၀င်ထွက် သွားလာပြီး အပြစ်မဲ့ ဒေသခံ ရိုဟင်ဂျာများကို အကြောင်းမဲ့ ဖမ်းဆီး၍ ခြိမ်းခြောက်ပြီး ငွေညှစ် နေသည်မှာ နှစ်ရှည်လများ ဖြစ်နေပြီ ဖြစ်သော်လည်း အထက် အာဏာပိုင်များက အရေးယူ ဆောင်ရွက် ပေးခြင်း မရှိကြောင်း ဒေသခံများက ပြောပါသည်။
