တစ်ဖက်နိုင်ငံသို့ တရားဝင် နိုင်ငံကူးလက်မှတ်ဖြင့် ခရီးသွားသူ များထံမှ နည်းမျိုးစုံ ငွေညှစ်

ယျာတင် (MYARF)
RB News
9.5.2014

မောင်တော ။ ။ ရခိုင်ပြည်နယ်၊ မောင်တောမြို့နယ်မှ တစ်ဖက်နိုင်ငံသို့ တရားဝင် နိုင်ငံကူးလက်မှတ် ကိုင်ဆောင်၍ ခရီးသွားသူ များထံမှ အာဏာပိုင်များက နည်းမျိုးစုံဖြင့် ငွေညှစ်လျက် ရှိကြောင်း သတင်း ရရှိပါသည်။

လ.၀.က မှ တရားဝင် ထုတ်ပေးသည့် နေ့ချင်းပြန် နိုင်ငံကူး လက်မှတ်၊ (၇) ရက် နိုင်ငံကူး လက်မှတ်များဖြင့် ဘင်္ဂလားဒေ့ရှ် နိုင်ငံသို့ ခရီးသွားသည့် ရိုဟင်ဂျာ ပြည်သူများထံမှ အမှတ် (၁) ၀င်/ထွက် စခန်း (POE) မှ စခန်းမှူး ရဲအုပ် ဦးအောင်စောနှင့် တပည့်များက နိုင်ငံကူး လက်မှတ် စာရင်းသွင်းခ တစ်ဦးလျှင် ငွေကျပ် ၅၀၀၊ လူကုန်ကူးမှု တားဆီးရေး အဖွဲ့က မှတ်တမ်းတင်ခ ဟုဆိုကာ တစ်ဦးလျှင် ငွေကျပ် ၅၀၀၊ နယ်စပ်ဒေသ ကုန်သည်များ အသင်းက စာရင်းသွင်းခ အဖြစ် တစ်ဦးလျှင် ငွေကျပ် ၁၀၀၀၊ အသီးသီး ကောက်ခံလျက် ရှိသည်။

CDMA/GSM စသည့် တရားဝင် ဖုန်းများကို ခရီးသွားများက မိမိတို့နှင့် အတူ ယူဆောင်သွားပါက စခန်းမှူး ဦးအောင်စောနှင့် အဖွဲ့ကို ဖုန်းတစ်လုံး အတွက် ငွေကျပ် ၅၀၀၀ စီပေးဆောင် နေရသည်။ ခရီးသွား နေစဉ် မိမိတို့ စားသုံးရန် (သို့မဟုတ်) အသိမိတ်ဆွေများ အတွက် လက်ဆောင် ယူသွားသည့် ပစ္စည်းများ ပါရှိပါက အထုတ် တစ်ထုတ်လျှင် ငွေကျပ် ၂၀၀၀ စီကောက်ခံလျက် ရှိသည်။ ခရီးမှ ပြန်ရောက်သူများထံမှ စားစရာပါလျှင် အချို့ကို သိမ်းယူခြင်း၊ အိမ်သုံး ပစ္စည်း အနည်းငယ် ပါပါက ငွေတောင်းခံခြင်း၊ အဖိုးတန် ပစ္စည်းများ (ဓါတ်မီး၊ မျက်မှန်၊ နာရီ) ပါပါက သိမ်းဆည်းခြင်းများ ပြုလုပ်လျက် ရှိကြောင်း ခရီးသွားများမှ ပြောကြားချက်များ အရ သိရှိရပါသည်။ မည်သည့် ပစ္စည်းမှ ယူဆောင်ခွင့် မပြုဟု တရားဝင် ကြေညာ ထားခြင်း မရှိသော်လည်း အာဏာပိုင်များက အာဏာ အလွှဲသုံးစား ပြုလုပ်၍ သိမ်းဆည်းခြင်း ဖြစ်သည်။

မောင်တောရှိ ဒေသခံ ရိုဟင်ဂျာ များသည် စစ်တွေနှင့် ရန်ကုန်မြို့များသို့ ဆေးကုသခွင့် မရှိသည့် အတွက် အရေးပေါ် ဆေးကုသရန် လိုအပ်သည့် အခါ တစ်ဖက်နိုင်ငံသို့ သွားရောက်၍ မိမိတို့၏ အသက်ကို ကယ်ရန် ကြိုးစားရသည်။ ဆေးကုသရန် သွားသည့် လူနာများ ဆေးကုသမှု ခံယူပြီး အပြန်တွင် ဆရာဝန်များ ပေးလိုက်သည့် ဆေးအနည်း အကျဉ်း ပါလာပါက ထိုဆေးများ အတွက် စခန်းမှူး ဦးအောင်စောနှင့် အဖွဲ့က တောင်းသည့် ငွေကို ပေးမှသာ သယ်ဆောင်ခွင့် ပြုသည်။ မပေးသူများကို ဆေးများ သိမ်းယူသည့် အပြင် ကိုယ်ထိလက်ရောက် စော်ကားခြင်းများပင် ပြုလုပ်လေ့ ရှိသဖြင့် ခရီးသွားများက မိမိတို့၏ ဂုဏ်သိက္ခာ မညိုးနွမ်းရေး အတွက် စခန်းမှူး ဦးအောင်စောနှင့် အဖွဲ့ တောင်းသလောက် ပေးနေရကြောင်း ဒေသခံများက RB News သို့ပြောပါသည်။

ထို့အပြင် စခန်းမှူး ဦးအောင်စောသည် ဘင်္ဂလားဒေ့ရှ် နိုင်ငံမှ နယ်စပ် ကုန်သွယ်ရေး လမ်းကြောင်းဖြင့် အခွန်ဆောင်၍ မြန်မာနိုင်ငံသို့ တင်သွင်းလာသည့် သွင်းကုန်များကို မောင်တော နယ်စပ် ကုန်သွယ်ရေး ဆိပ်ကမ်း တံတားမှ တင်သွင်းခွင့် မပြုဘဲ အမှတ် (၁) ၀င်/ထွက် စခန်းမှ တဆင့် တင်သွင်း စေပြီး၊ စက်လှေ တစ်စီးလျှင် ငွေကျပ် နှစ်သိန်းစီ ရယူနေသည်။ ထိုကဲ့သို့ ပြုလုပ်နေခြင်းကြောင့် နယ်စပ် ကုန်သွယ်ရေးမှ ရရှိသည့် အစိုးရ အခွန်ငွေများ ဆုံးရှုံးမှု ရှိနေသည်။

နိုင်ငံကူး လက်မှတ် ပြုလုပ်ရန် အတွက် နယ်စပ်ဒေသ ကုန်သည်များ အသင်း၏ အသင်းဝင်ကဒ် ရရန် လိုအပ်ပြီး၊ လွန်ခဲ့သည့် နှစ်များက အသင်းဝင် ဖြစ်ရန် အသင်းဝင်ကြေး အဖြစ် ငွေကျပ် ၁၆၀၀၀ ကျပ်ကို မြန်မာ့ စီးပွားရေးဘဏ်သို့ အသင်းဝင်မည့်သူ ကိုယ်တိုင် သွားရောက်၍ ငွေသွင်း ခဲ့ရသည်။ နယ်စပ်ဒေသ ကုန်သည်များ အသင်းသို့ ရုံးစရိတ် အဖြစ် ငွေကျပ် ၁၅၀၀ ပေးရသော်လည်း ယခုအခါ အသင်းဝင်ကြေး အဖြစ် ငွေကျပ် ၂၃၀၀၀ ကို နယ်စပ်ဒေသ ကုန်သည်များ အသင်းတွင်သာ ပေးသွင်းနေရသည်။ မြန်မာ့ စီးပွားရေးဘဏ်သို့ မည်မျှ ပေးသွင်းနေသည်ကို ကာယကံရှင် များက သိခွင့် မရှိသော်လည်း ယခင် အတိုင်း မြန်မာ့စီးပွားရေးဘဏ်သို့ ၁၆၀၀၀ ပေးသွင်းလျှင်လည်း ကျန်သည့် ၇၀၀၀ ကို နယ်စပ်ဒေသ ကုန်သည်များ အသင်း ဥက္ကဌ ဦးအောင်မြင့်သိန်းနှင့် အတွင်းရေးမှူး ဦးသိန်းမောင်တို့ နှစ်ဦး မျှဝေ၍ အလွှဲသုံစား ပြုလုပ်နေသည်ဟု ယူဆရသည်။ နယ်စပ်ဒေသ ကုန်သည်များ အသင်းသို့ နှစ်စဉ် အသင်းဝင်သည့် ဦးရေ ၁၀၀၀ ခန့်ရှိကြောင်း ဒေသခံများက ဆိုသည်။ အသင်းဝင်ကဒ်ကို နေ့ချင်းပြီး မထုတ်ပေးဘဲ တစ်ပတ်ခန့်ကြာမှသာ ထုတ်ပေးလေ့ ရှိသည်။ ကဒ်ပြားထုတ်ယူသည့် အချိန်တွင်လည်း ရုံးစာရေးကို ငွေကျပ် ၅၀၀ ပေးရသည်။

အဆိုပါ အသင်းဝင်ကဒ် ရှိမှသာ လ.၀.က မှ နိုင်ငံကူးလက်မှတ် ထုတ်ပေးသည်။ ထိုကဲ့သို့ ငွေများစွာ အကုန်ခံ၍ ရသည့် နိုင်ငံကူး လက်မှတ် ကိုင်ဆောင် ထားသူများထံမှ အမှတ် (၁) ၀င်/ထွက် စခန်းက စခန်းမှူး ဦးအောင်စောနှင့် အဖွဲ့က ငွေညှစ်နေခြင်းမှာ ဥပဒေမဲ့ ပြုလုပ် နေခြင်း ဖြစ်သည်။ ထို့အပြင် အမျိုးသမီးများကို ၀တ်ရုံ (ဘုရ်ခါ) ခြုံ၍ စက်လှေ ပေါ်သို့ တက်ခွင့် မပေးခြင်း၊ စက်လှေပေါ်မှ ဆင်းခွင့် မပေးခြင်း၊ ဘာသာရေး ဆရာများကိုလည်း ၀တ်ရုံ၊ ဦးထုပ်ဖြင့် စက်လှေ ပေါ်သို့ တက်/ဆင်းခွင့် မပြုခြင်းများ ပြုလုပ်၍ ဘာသာရေး စော်ကားခြင်း၊ လူ့အခွင့်အရေး ချိုးဖောက်ခြင်းများ ပြုလုပ်လျက် ရှိသည်။

ခရီးသွားများထံမှ မတရား ငွေညှစ်ခြင်း များကို ငွေကြေး မတတ်နိုင်သူများက လျှော့ယူရန် အသနားခံ တောင်းဆိုမှုများ ရှိသော်လည်း စခန်းမှူး ဦးအောင်စောက “ငါ့မှာ နယ်ခြားစောင့်တပ်၊ ရဲတပ်ရင်း ကွပ်ကဲရေးမှူး ဌာနချုပ်က G1, G2, ရဲမှူးကြီးတို့ ရုံးအတွက် နေ့စဉ် နေ့တိုင်း ရုံးသုံး ပစ္စည်းတွေ အပါအ၀င် အဲဒီ လူကြီးတွေရဲ့ အိမ်တွေ အတွက် စားစရာတွေ ၀ယ်ပေးရတာ နေ့တိုင်း အနည်းဆုံး ၅ သောင်းလောက် ကုန်တယ်။ ပြီးတော့ လူကြီးတွေကို လစဉ်ကြေးလည်း ပေးရတယ်။ သူတို့ အဲဒီလို ရဖို့အတွက် ငါ့ကို ဒီနေရာမှာ ရွေးပြီး တာဝန်ပေးထားတာ၊ မင်းတို့ ကုလားတွေဆီက မယူရင် ငါဘယ်သူ့ဆီက သွားယူရမလဲ၊ မကျေနပ်ရင် ကြိုက်တဲ့ နေရာမှာ သွားတိုင်” ဟု အော်ငေါက် ဆဲဆိုလေ့ ရှိသည်ဟု ဒေသခံများက RB News သို့ပြောပါသည်။