အိန္ဒိယနဲ့ ပါကစ္စတန် ခေါင်းဆောင်နှစ်ဦး တွေ့ဆုံ
27.5.2014
မစ္စတာ Modi ဝန်ကြီးချုပ် တာဝန်ယူတာ တရက်ပြည့်တဲ့ အင်္ဂါနေ့က နယူးဒေလီမှာ တွေ့ဆုံ ခဲ့ကြတဲ့ ခေါင်းဆောင် ၂ ဦးဟာ မဆွေးနွေးခင်မှာပဲ ပြုံးပြုံးရွှင်ရွှင်နဲ့ လက်ဆွဲ နှုတ်ခဲ့ ကြတာပါ။
မစ္စတာ Modi ဟာ တနင်္လာနေ့က ကျင်းပတဲ့ သူ့ရဲ့ ဝန်ကြီးချုပ် အဖြစ် ကျမ်းသစ္စာ ကျိန်ဆိုပွဲကို တက်ရောက်ဖို့ မစ္စတာ Sharif ကို မမျှော်လင့်ဘဲ ဖိတ်ကြားခဲ့တာ ဖြစ်ပါတယ်။ ဒါဟာ ပါကစ္စတန် ခေါင်းဆောင် တဦး အနေနဲ့ အခုလို အခမ်းအနား မျိုးကို ပထမဆုံး အကြိမ် အဖြစ် တက်ရောက် ခဲ့တာလည်း ဖြစ်ပါတယ်။
ကျမ်းသစ္စာ ကျိန်ဆိုပွဲကို တက်ရောက် ခဲ့ကြတဲ့ သီရိလင်္ကာ၊ အာဖဂန်နစ္စတန်၊ မော်လဒိုက်၊ ဘူတန်၊ နီပေါ နဲ့ မော်ရေးရှပ်စ် နိုင်ငံတွေက ခေါင်းဆောင်တွေလည်း မစ္စတာ Modi နဲ့ တွေ့ဆုံကြမှာ ဖြစ်ပါတယ်။ အိန္ဒိယ ခေါင်းဆောင်သစ် အနေနဲ့ အိမ်နီးချင်းနိုင်ငံ တွေနဲ့ ဆက်ဆံရေး တိုးတက် ကောင်းမွန်အောင် အဓိကထား ဆောင်ရွက် သွားမယ့် အခြေအနေကို မကြုံစဖူး တွေ့နေ ရပါတယ်။
၂၀၀၈ ခုနှစ်က ပါကစ္စတန် စစ်သွေးကြွတွေကြောင့် လူပေါင်း ၁၆၆ ဦးသေဆုံး ခဲ့ရတဲ့ မွန်ဘိုင်း အတိုက်ခိုက်ခံရမှု နောက်ပိုင်း နျူကလီးယား လက်နက် ပိုင်ဆိုင်တဲ့ အိန္ဒိယနဲ့ ပါကစ္စတန် အိမ်နီးချင်း ၂ နိုင်ငံကြား ဆက်ဆံရေးတွေ ဆိုးရွား လာခဲ့တာ ဖြစ်ပါတယ်။
