တောင်ပြိုလက်ဝဲတွင် ဗမာနှစ်ဦးက ဓါတ်ဆီဆိုင်ထဲမှ ငွေလုယက်၍ ဆိုင်ရောင်းသူကို ရိုက်နှက်
RB News
4.5.2014
တောင်ပြိုလက်ဝဲ ။ ။ ရခိုင်ပြည်နယ်၊ မောင်တောခရိုင်၊ တောင်ပြိုလက်ဝဲ မြို့နယ်ခွဲ၊ ကျွန်းပေါက်ဆင်အိုး ရွာရှိ ဆိုင်တစ်ဆိုင်ထဲသို့ ၀င်၍ ဗမာလူမျိုးနှစ်ဦးက ငွေလုယက်ပြီး ဆိုင်ရောင်းသူကို ရိုက်နှက် ခဲ့ကြောင်း သတင်း ရရှိပါသည်။
ယနေ့ (မေလ ၄) နေ့လည် (၁) နာရီ အချိန်တွင် တောင်ပြိုလက်ဝဲ မြို့နယ်ခွဲ၊ ကျွန်းပေါက်ဆင်အိုးရွာ အ၀င်ဝရှိ စားကုန်ဆိုင်သို့ တောင်ပြိုလက်ဝဲမြို့နယ်ခွဲ၊ အမှတ် (၂) ရပ်ကွက်၊ န.တ.လ ရွာမှ ဗမာလူမျိုး နှစ်ဦး ဖြစ်သူ အောင်ကိုလတ် (ဘ) ဦးမင်းမောင် (အသက် ၂၅ နှစ်) နှင့် အောင်ရဲနိုင် (ဘ) ဦးရဲမြင့် (အသက် ၂၂ နှစ်) တို့ ဆိုင်ကယ်ဖြင့် လာရောက်ပြီး ဓါတ်ဆီ ၀ယ်သယောင်ဖြင့် ငွေလုယက်၍ ဆိုင်ရောင်းသူကို ရိုက်နှက်ခဲ့ကြောင်း သိရှိရပါသည်။
အဆိုပါ န.တ.လ ရွာသား ဗမာ လူမျိုး နှစ်ဦးသည် ဆိုင်ထဲသို့ ၀င်လာပြီး ဆိုင်ရောင်းသူကို ဆိုင်ကယ်တွင် ဓါတ်ဆီ နှစ်လီတာ ဖြည့်ပေးရန် ပြောဆိုသဖြင့် ဆိုင်ရောင်းသူ အလီမျာ (ဘ) ဦးကာဒိရ်ဟူစိန်း (အသက် ၁၅ နှစ်) က ဆိုင်ကယ် ဆီဖြည့် နေစဉ် တစ်ဦးက ဆိုင်ထဲသို့ ၀င်၍ ပိုက်ဆံ သေတ္တာငယ် ထဲမှ ငွေကျပ် ၆၀၀၀၀/ - (ခြောက်သောင်းကျပ်) နီးပါးကို လုယက်ပြီး၊ ဆိုင်ရောင်းသည့် လူငယ်ကို လူမဆန်စွာ ၀ိုင်းဝန်း ရိုက်နှက် ခဲ့ကြသည်။ လူငယ်၏ အော်ဟစ် အကူအညီ တောင်းခံမှုကြောင့် ရွာသားများ ရောက်ရှိလာပြီး လုယက် ရိုက်နှက်သူ နှစ်ဦးကို ၀ိုင်းဝန်း ဖမ်းဆီး နိုင်ခဲ့ကြောင်း ဒေသခံ တစ်ဦးက RB News သို့ပြောပါသည်။
ထို့နောက် ဒေသခံ ရွာသားများက ကျွန်းပေါက် ဆင်အိုး ကျေးရွာ အုပ်ချုပ်ရေးမှူးထံ အဆိုပါ လုယက် ရိုက်နှက်သူ နှစ်ဦးကို အပ်နှံခဲ့ပြီး၊ ကျေးရွာ အုပ်ချုပ်ရေးမှူးက မြို့နယ်ခွဲ အုပ်ချုပ်ရေးမှူးထံ အကြောင်းကြား ခဲ့သည်။ မြို့နယ်ခွဲ အုပ်ချုပ်ရေးရုံးမှ စာရေး ဦးမောင်မြတ်နှင့် အမှတ် (၂) ရပ်ကွက် အုပ်ချုပ်ရေးမှူး တို့လာရောက်၍ အဆိုပါ လုယက် ရိုက်နှက်သူ နှစ်ဦး ခေါ်ဆောင် သွားခဲ့ကြောင်း သိရှိရပါသည်။ ထိုကဲ့သို့ ခေါ်ဆောင်သွားသော်လည်း အဆိုပါ လုယက် ရိုက်နှက်သူ နှစ်ဦးကို ရဲစခန်းသို့ အပ်နှံခြင်း ရှိ/မရှိကို မသိရှိ ရကြောင်း ဒေသခံများက ပြောပါသည်။
