သန်းခေါင် စာရင်း ကောက်ခံမှု ရခိုင်နဲ့ ကချင်မှာ သက်တမ်းတိုး

ရခိုင် ပြည်နယ် စစ်တွေမြို့ အနီးက ဘုမေ မူဆလင် ရွာမှာ သန်းခေါင် စာရင်း ကောက်ယူ နေစဉ်

ရခိုင် ပြည်နယ် အတွင်း ဘင်္ဂါလီတွေ နေထိုင်ရာ ဒေသနဲ့ ကချင် ပြည်နယ် အတွင်း ကျေးရွာတွေမှာ သန်းခေါင် စာရင်း ကောက်ခံရေး နှောင့်နှေး ကြန့်ကြာ နေတဲ့ အတွက် အဲဒီ ဒေသတွေမှာ အပြီးသတ် ကောက်ခံနိုင်ရေး မေလ ကုန်လောက် အထိ ဆက်လက် ကြိုးပမ်းသွားမှာ ဖြစ်တဲ့ အကြောင်း လူဝင်မှု ကြီးကြပ်ရေးနဲ့ ပြည်သူ့ အင်အား ၀န်ကြီးဌာန ပြည်ထောင်စု ၀န်ကြီး ဦးခင်ရီက ဒီကနေ့ ရန်ကုန်တိုင်း လွှတ်တော်ရုံးမှာ ကျင်းပတဲ့ သတင်းစာ ရှင်းလင်းပွဲ အတွင်း ပြောလိုက် ပါတယ်။

သူ့အဆို ဘင်္ဂါလီတွေ နေထိုင်ရာ ဒေသတွေ အတွင်း သန်းခေါင် စာရင်း ကောက်ခံ နိုင်ရေး အတွက် အောက်ခြေ အဆင့် ဒေသခံ ခေါင်းဆောင်တွေ၊ ဘာသာရေး ခေါင်းဆောင်တွေနဲ့ အကြိမ်ကြိမ် ညှိနှိုင်းခဲ့ပေမဲ့ အောင်မြင်မှု မရခဲ့ဘူး လို့လည်း သတင်းစာ ရှင်းလင်းပွဲမှာ ဦးခင်ရီက ပြောပါတယ်။

“Friday မှာ ကျနော် ရခိုင်ပြည်နယ်ကို ထပ်ပြီးတော့ သွားပါမယ်။ အခြား ကိစ္စတွေ လုပ်ရင်းနဲ့ ကျနော် ပြောသွား ပါမယ်။ ပြီးလို့ရှိရင် ကျနော် ဒီလထဲမှာပဲ တခေါက် သက်ဆိုင်ရာ တာဝန်ရှိ ပုဂ္ဂိုလ်များ အသီးသီးနဲ့ ဒီစာရင်း ပြန်ကောက် နိုင်အောင် ကျနော် ကြိုးစား ဆောင်ရွက် ပေးပါမယ်။ ကျနော်တို့ရဲ့ Technical Delay အရ ရပ်ပြီးတဲ့ အချိန်ကစပြီး ၆ ပတ် သို့မဟုတ် ၈ ပတ် ကောက်လို့ရတာ ဖြစ်တဲ့ အတွက်ကြောင့် ကျနော် မေလ နောက်ဆုံးရက် အထိ ကြိုးစား ဆောင်ရွက် သွားဖို့ ရှိပါတယ်။ အဲ့ဒီရက်ကိုမှ ကျနော်တို့ ကောက်လို့ မရရင်တော့ ဒီလုပ်ငန်းက ရပ်တန့်ရမှာ ဖြစ်ပါတယ်လို့ ကျနော့်အနေနဲ့ တင်ပြချင် ပါတယ်။ ကျနော်တို့ ကြိုးစားပြီးတော့ Census ရဲ့ တကယ့် အနှစ်သာရကို ကျနော် ရှင်းပြပါမယ်။ ရိုဟင်ဂျာ ဆိုတာ ကျနော်တို့ နိုင်ငံမှာ ကန့်ကွက် ထားတာ ဖြစ်တဲ့ အတွက်ကြောင့် ရိုဟင်ဂျာရဲ့ ရပ်တည်ချက်ကို ကျနော်တို့ တောင်းမှာ မဟုတ်ပါဘူး။ တဘက် ကလည်း ဘင်္ဂါလီလို့ ပြောရမှာ ခက်တယ်ဆိုရင် ဘင်္ဂါလီ လို့လည်း မပြောနဲ့၊ ဒီဘက် ကလည်း ရိုဟင်ဂျာလို့ မပြောနဲ့။ Ethnicity ကို မေးရင် မဖြေတဲ့ နည်းနဲ့ လက်ခံ ပေးမယ် ဆိုရင်လည်း ကောက်ယူ မယ်လို့ ကျနော်တို့ ကြိုတင် ကြေညာပြီးတော့ ကောက်ယူ သွားမှာ ဖြစ်ပါကြောင်း ဖြေကြား လိုပါတယ်။”

လူဝင်မှု ကြီးကြပ်ရေးနဲ့ ပြည်သူ့ အင်အား ၀န်ကြီးဌာန ပြည်ထောင်စု ၀န်ကြီး ဦးခင်ရီ ဖြစ်ပါတယ်။

ကချင် ဒေသ အတွင်း ကျန်နေသေးတဲ့ ကျေးရွာ ၂၅ ရွာမှာ သန်းခေါင်စာရင်း ဆက်လက် ကောက်ခံ နိုင်ရေး အတွက် ပူးပေါင်း ဆောင်ရွက်ဖို့ KIA ကချင် လွတ်မြောက်ရေး တပ်ဖွဲ့ ခေါင်းဆောင်တွေကို တောင်းဆို ထားတယ်လို့လည်း ဦးခင်ရီက ရှင်းပြပါတယ်။ မြန်မာနိုင်ငံမှာ နှစ်ပေါင်း ၃၀ အတွင်း ပထမဆုံး အကြိမ် သန်းခေါင် စာရင်းကို ဧပြီလဆန်းက ကောက်ခံ ခဲ့တာ ဖြစ်ပါတယ်။

ရခိုင် ပြည်နယ် အတွင်း သန်းခေါင် စာရင်း ကောက်ခံတာမှာ ရိုဟင်ဂျာကို လူမျိုး တမျိုး အဖြစ် အသိ အမှတ်ပြု ကောက်ခံမှာ မဟုတ်တဲ့ အကြောင်း မြန်မာ အစိုးရဘက်က ပြောဆိုချက်နဲ့ ပတ်သက် လို့လည်း ကုလသမဂ္ဂ လူဦးရေ ရန်ပုံငွေအဖွဲ့နဲ့ နိုင်ငံတကာက ဒီကိစ္စ အပေါ်မှာ စိုးရိမ်တဲ့ အကြောင်းလည်း ထုတ်ဖော် ပြောဆိုခဲ့တာ ဖြစ်ပါတယ်။