WFP မှ အကူအညီ ပေးရန် ဆင်းရဲသား စာရင်း ကောက်ခံမှု ဟန့်တားခံရ
MYARF
RB News
7.5.2014
ဘူးသီးတောင် ။ ။ ရခိုင်ပြည်နယ်၊ ဘူးသီးတောင် မြို့နယ် ဘဂုံးနား ကျေးရွာတွင် WFP မှ ဆင်းရဲသား များကို အကူအညီ ပေးရန် စာရင်းကောက်ခံမှု ဟန့်တား ခံရကြောင်း သတင်း ရရှိပါသည်။
မေလ (၆) ရက်နေ့ နေ့လည် ၁၂ နာရီကျော် အချိန်တွင် WFP (ကမ္ဘာ့ စားနပ် ရိက္ခာ အစီအစဉ် အဖွဲ့) မှ ၀န်ထမ်း ဖြစ်သူ ဦးနူရ်အာလမ် (ဘ) ဦးမိရ်ကာဆိမ်သည် ဘူးသီးတောင် မြို့နယ် ဘဂုံးနား ကျေးရွာသို့ သွားရောက်၍ ဆင်းရဲသားများ စာရင်း ကောက်ခံခဲ့ရာ ကျေးရွာ အုပ်ချုပ်ရေးမှူး ဖြစ်သည့် ရခိုင် လူမျိုး ဦးမောင်လှသိန်းက ဟန့်တား ခဲ့သောကြောင့် ကောက်ခံ၍ မရဘဲ ပြန်လာခဲ့ရသည်။ ထိုကဲ့သို့ စာရင်းကောက်ခံမှုကို ကျေးရွာ အုပ်ချုပ်ရေးမှူး ဦးမောင်လှသိန်းက ဟန့်တားခဲ့ခြင်းမှာ ဆင်းရဲသည့် ရိုဟင်ဂျာများ လူမှု အထောက်အပံ့များ မရရှိရန် ဖြစ်သည်ဟု ဒေသခံ တစ်ဦးက RB News သို့ပြောပါသည်။
ရခိုင်ပြည်နယ် မြောက်ပိုင်းတွင် ၁၉၉၀ နှောင်းပိုင်းမှ စ၍ န.စ.က အဖွဲ့ကို စတင် တည်ထောင်ခဲ့ပြီး၊ ဒေသခံ ရိုဟင်ဂျာ များ၏ သွားလာရေး၊ လူမှုရေး၊ စီးပွားရေး၊ ပညာရေး၊ ကျန်းမာရေးနှင့် အခြားသော အရေးများ အားလုံးကို ကန့်သတ်ခဲ့ပြီး အမိုးပွင့် ထောင်ထဲတွင် ထားရှိ ခဲ့သောကြောင့် အများစုမှာ စီးပွားရေး မပြေလည်ဘဲ စားဝတ်နေရေးပါ ခက်ခဲသည့် အနေအထားသို့ ရောက်ခဲ့ရသည်။ နိုင်ငံတကာ အဖွဲ့အစည်း များမှ လူသားချင်း စာနာ၍ အကူအညီ ပေးနေခြင်းကို နိုင်ငံတော် အစိုးရနှင့် ရခိုင်လူမျိုးများက နေ့စဉ်နှင့် အမျှ ကန့်သတ် ချုပ်ချယ်လာပြီး၊ စားဝတ်နေရေး ခက်ခဲ၍ နိုင်ငံတွင်းမှ ထွက်ခွာသွားရန် (သို့မဟုတ်) ငတ်မွတ်မှု ဘေးအန္တရာယ် ကြုံတွေ့ပြီး သေကြေ စေရန် မူဝါဒဖြင့် လုပ်ကိုင် နေသည်ကို လေ့လာ တွေ့ရှိ ရပါသည်။ ယခုအခါ န.စ.က အဖွဲ့ကို ဖျက်သိမ်းလိုက်သော်လည်း နယ်ခြားစောင့်တပ် လုံထိန်းများ၊ ကျေးရွာ အုပ်ချုပ်ရေးမှူး ရခိုင်လူမျိုးများက အာဏာကို အလွှဲသုံးစား ပြုလုပ်၍ ဥပဒေမဲ့ ညှဉ်းပန်း နှိပ်စက်မှု ပေါင်းစုံကို ပြုလုပ်လျက် ရှိသည်။
