နောက်ဆုံးသတင်း/ဆောင်းပါးများ

ပြည်တွင်းထုတ် သတင်းစာတွေ ခေါ်ယူမေးမြန်းခံရ


အောင်ရဲမောင်မောင်
23.6.2014

မြန်မာနိုင်ငံ တွင်းမှာ ထုတ်ဝေနေတဲ့ သတင်း မီဒီယာ လုပ်ငန်းတွေရဲ့ဘဏ္ဍာရေး အစီအမံတွေနဲ့ ပတ်သက်လို့ အာဏာပိုင်တွေက ခေါ်ယူ မေးမြန်းခဲ့တဲ့ အပေါ် စာနယ်ဇင်း လောကကြားမှာ မကျေမနပ် ဖြစ်နေကြ ပါတယ်။ ဒါပေမဲ့လည်း ပြည်ထဲရေး ၀န်ကြီး ဌာနရဲ့ ဆောင်ရွက်ချက် တွေဟာ အစိုးရက ညွှန်ကြား ထားတာမျိုး မဟုတ်ဘူး လို့လည်း သမ္မတရုံးက ပြောပါတယ်။ အပြည့်အစုံ ကိုတော့ ဆက်သွယ် မေးမြန်း ထားတဲ့ ဗွီအိုအေ မြန်မာပိုင်း သတင်းထောက် ကိုအောင်ရဲမောင်မောင်က တင်ပြ ပေးထားပါတယ်။

ပြည်တွင်းမှာ ထုတ်ဝေနေတဲ့ နေ့စဉ်ထုတ် သတင်းစာတွေနဲ့ အပတ်စဉ်ထုတ် ဂျာနယ်တွေက တာဝန်ရှိတဲ့ အယ်ဒီတာ တွေကို ပြည်ထဲရေး ၀န်ကြီး ဌာန လက်အောက်က သတင်း ရဲတပ်ဖွဲ့ကနေ ဒီရက်ပိုင်းတွေ အတွင်း တွေ့ဆုံ မေးမြန်း နေခဲ့တာပါ။

ဆင့်ခေါ် မေးမြန်းမှုတွေဟာ လုပ်ရိုး လုပ်စဉ် ပုံစံမျိုး မဟုတ်တဲ့ အတွက် အရင် စစ်အစိုးရ လက်ထက်တုန်းက သတင်း မီဒီယာကို ဖိနှိပ်တဲ့ လုပ်ရပ်မျိုးတွေ ပြန်လုပ် လာပြီလား ဆိုတာ မေးခွန်း ထုတ်စရာ ဖြစ်လာတယ်လို့ မေးမြန်းခံ ခဲ့ရတဲ့ စာနယ်ဇင်း သမားတွေထဲက THE VOICE သတင်းစာ အယ်ဒီတာချုပ်လည်း ဖြစ်၊ မြန်မာနိုင်ငံစာနယ်ဇင်း ကောင်စီ (ယာယီ) ရဲ့အတွင်းရေးမှူးလည်းဖြစ်တဲ့ ဦးကျော်မင်းဆွေ က ပြောပါတယ်။

“သံတော်ဆင့် ကိစ္စနဲ့ ဆက်စပ်ပြီး၊ ဦးဆန်းဆင့် ကိစ္စနဲ့ ဆက်စပ်ပြီး ဒါတွေ ဖြစ်လာတာ၊ ဘာဖြစ်လို့ မီဒီယာတွေကို ဒီလို လုပ်ရမှာလဲ၊ လုပ်လို့ရလား၊ ဘယ်သူက လုပ်လို့ရလဲ။ လုပ်မယ် ဆိုလို့ရှိရင်လည်း ဥပဒေကြောင်း အရ ခိုင်လုံအောင် အရင်လုပ်ပြီးမှ လုပ်ပါလား၊ ဆိုလိုတာက ဥပဒေကြောင်း အရ officially ဖြစ်အောင် ဘာလို့ မလုပ်ဘဲနဲ့ ဒီလို အရင် စစ်အစိုးရ လက်ထက်က ထောက်လှမ်းရေးက ခေါ်ပြီးတော့ လုပ်သလိုမျိုး ဘာဖြစ်လို့ လုပ်သလဲဆိုတာ မေးစရာ ဖြစ်တာပေါ့။”

မေးမြန်းရတဲ့ ရည်ရွယ်ချက်ကို တိတိကျကျ မသိရပေမဲ့ အဓိက အားဖြင့် ကတော့ လက်ရှိ သတင်းစာ၊ ဂျာနယ်တွေ လည်ပတ်ရာမှာ ငွေကြေး သုံးစွဲမှုတွေကိုသာ မေးမြန်းခဲ့တဲ့ အကြောင်း စစ်ဆေး မေးမြန်းခံ ခဲ့ရတဲ့ မြန်မာပို့စ် သတင်းဂျာနယ်ရဲ့ အယ်ဒီတာချုပ် ဦးသန်းထိုက်သူက ပြောပါတယ်။
အခုလို မေးမြန်းမှုတွေဟာ မီဒီယာ လောကအတွင်းမှာ ငွေကြေး ခ၀ချမှုတွေနဲ့ ပတ်သက်ပြီး အစိုးရက သံသယဖြစ်လို့ မေးမြန်းခဲ့တာ ဆိုရင်တော့ မီဒီယာလောက အတွင်းမှာ ဈေးပေါပေါနဲ့ အရှုံးခံချ ရောင်းနေတဲ့ သတင်းစာ၊ ဂျာနယ်တွေကို ဆက်ပြီး စုံစမ်းမှုတွေ လုပ်သင့်တယ်လို့ ဦးသန်းထိုက်သူက ပြောပါတယ်။

“တကယ်တန်း ကျတော့ ငွေကြေး ခဝါချမှုတွေကြောင့် သိချင်လို့ မေးတာမျိုး ဖြစ်ကောင်းဖြစ်မယ်။ ဒါမှ မဟုတ် ငွေဖြူငွေမည်း ခဝါချတာတွေ မဖြစ်အောင် မေးတာမျိုးဆိုရင် သူတို့ တကယ် မှန်မှန်ကန်ကန် လုပ်မယ် ဆိုရင်တော့ ကျနော်တို့က ဝမ်းပမ်းတသာနဲ့ ကြိုဆိုရမှာပဲလေ၊ ဘာလို့လဲဆိုတော့ လက်ရှိ ဂျာနယ် ဈေးကွက်မှာက အရင်း ၅၀၀ လောက်ရှိတာကို ၃၀၀ နဲ့ရောင်းတယ်၊ ၃၀၀ ရှိတာကို ၁၀၀ နဲ့ ထိုးရောင်းလိုက် လုပ်နေကြရတာ၊ ဈေးကွက်ရဲ့ရေရှည် သဘောမှာ မကောင်းဘူးလေ။ နိုင်ငံတကာ မှာလည်း ငွေထုတ်လုပ်မှု ဈေးအောက်မှာ ကျပြီးတော့မှ ဈေးကွက် ပျက်နေတဲ့ သဘောမျိုးနဲ့ ရောင်းတာ ခွင့်မပြုဘူး။ သူတို့မှာ ဥပဒေနဲ့ ထိန်းချုပ် တာတွေ ရှိတယ်။ အဲဒီလို ကောင်းတဲ့ ရည်ရွယ်ချက်နဲ့ လာမေးတာ မျိုးဆိုရင်တော့ ကြိုဆိုပါတယ်။ တကယ်လုပ်ဖို့တော့ လိုမယ်လေ။”

စာနယ်ဇင်း လောကသား တွေကြား မကျေနပ် စရာတွေ ဖြစ်နေရတဲ့ စစ်ဆေး မေးမြန်းမှုတွေနဲ့ ပတ်သက်လို့ အစိုးရက တိုက်ရိုက် ညွှန်ကြားချက် ပေးမထားကြောင်း သမ္မတ ဦးသိန်းစိန်ရဲ့ ပြောခွင့် ရသူလည်းဖြစ်၊ ပြန်ကြားရေး ၀န်ကြီးဌာန ဒုတိယ ၀န်ကြီးလည်းဖြစ်တဲ့ ဦးရဲထွဋ်က ပြောပါတယ်။

“ကျနော်တို့ သမ္မတရုံး အနေနဲ့ သီးခြား ညွှန်ကြားထားတာ မရှိဘူး။ သို့သော် သူတို့ စုံစမ်း စစ်ဆေးနေဆဲ ကိစ္စတွေနဲ့ ပတ်သက်လို့ ပိုမို သိချင်လို့၊ သတင်း အချက်အလက် စုံစုံလင်လင် ရချင်လို့ မေးတာမျိုး ဖြစ်ပါလိမ့်မယ်။”

အခုလို သတင်းတပ်ဖွဲ့ က မေးမြန်းမှုတွေ ဟာ မီဒီယာ လောက အတွင်းမှာ ငွေကြေးခ၀ါချမှု တွေရှိလို လုပ်တာလို့လည်း သတင်းတွေ ထွက်နေပါတယ်။

“ငွေကြေး ခဝါချမှု ကတော့ အဲဒါနဲ့ ပတ်သက်လို့ လုပ်နေတဲ့ အဖွဲ့အစည်း တွေရှိတယ်။ ကျနော်တော့ အသေးစိတ် မသိဘူး။ သို့သော် ဘယ်သူပဲ ဖြစ်ဖြစ်ပေါ့ဗျာ၊ လူပုဂ္ဂိုလ် တစ်ဦးချင်းပဲ ဖြစ်ဖြစ်၊ ဘယ်အဖွဲ့အစည်းပဲ ဖြစ်ဖြစ် ငွေကြေး ခဝါချမှုနဲ့ ပတ်သက် လာလို့ ရှိရင်တော့ ဒါ ကျနော်တို့က ငွေကြေး ခဝါချမှုနဲ့ ပတ်သက်တဲ့ ဥပဒေနဲ့ အညီ အရေးယူ ခံရမှာပေါ့။”

အခုလို စာနယ်ဇင်း သမားတွကို မေးမြန်းတာနဲ့ ပတ်သက်ပြီး မြန်မာ နိုင်ငံ စာနယ်ဇင်း ကောင်စီ (ယာယီ) အနေနဲ့ သီးခြား တုံ့ပြန်မှုအဖြစ် လာမယ့် ဗုဒ္ဒဟူးနေ့မှာ သတင်းစာ ရှင်းလင်းပွဲ တစ်ခု ကျင်းပဖို့လည်း စီစဉ်နေ ကြပါတယ်။

အစိုးရရဲ့သတင်း ရဲတပ်ဖွဲ့ အနေနဲ့ မကြာသေးခင် တုန်းကလည်း ပေါက်မြို့နယ်က အစိုးရ လက်နက် စက်ရုံကိစ္စ ရေးသားခဲ့တဲ့ UNITY ဂျာနယ်၊ ပြည်သူ့ခေတ် ဂျာနယ်၊ မြန်မာပို့စ်နဲ့ မြန်မာပိုစ့် ဂလိုဘယ် ဂျာနယ်၊ the voice ဂျာနယ် နဲ့ the voice သတင်းစာတွေကို မေးမြန်းမှုတွေ လုပ်ခဲ့တာ ဖြစ်ပါတယ်။

Comment ရေးရန်

Rohingya Exodus