နယ်ခြားစောင့် ရဲတပ်ဖွဲ့ တပ်သား တစ်ဦးက ဒေသခံများကို အကြောင်းမဲ့ စိန်ခေါ်မှုများ ပြုလုပ်နေ
Rohingya Eye
RB News
19.6.2014
မောင်တော ။ ။ ရခိုင်ပြည်နယ်၊ မောင်တောမြို့နယ် ကျားခေါင်းတောင် ကျေးရွာ အခြေစိုက် နယ်ခြားစောင့် ရဲတပ်ဖွဲ့ ရဲတပ်သား တစ်ဦးက ဒေသခံများကို အကြောင်းမဲ့ စိန်ခေါ်မှုများ ပြုလုပ်လျက် ရှိကြောင်း သတင်း ရရှိပါသည်။
ယနေ့ (ဇွန်လ ၁၉) ရက်နေ့ နံနက် ၁၁ နာရီ အချိန်တွင် မောင်တောမြို့နယ် ကျားခေါင်းတောင် ကျေးရွာ အခြေစိုက် နယ်ခြားစောင့် ရဲတပ်ဖွဲ့မှ ရဲတပ်သား အောင်နိုင်သည် ၎င်းရွာရှိ လဘက်ရည်ဆိုင် ဆိုင်ပိုင်ရှင် ဦးကမာလ် (ဘ) ဦးမူတာရ်အာမတ် (အသက် ၃၀ နှစ်) ထံမှ အကြောင်းမဲ့ ငွေကျပ် ၃ သောင်း တောင်းခံ ခဲ့ကြောင်း ဒေသခံ တစ်ဦးက RB News သို့ပြောပါသည်။
ရဲတပ်သား အောင်နိုင်သည် ရခိုင် လူမျိုး အစွန်းရောက် တစ်ဦး ဖြစ်ပြီး၊ ရေတွင်းကျွန်း ကျေးရွာရှိ ချောင်းဝ စခန်းမှ ဇွန်လ ၁၆ ရက်နေ့တွင် ကျားခေါင်းတောင်သို့ ပြောင်းရွှေ့လာခဲ့ခြင်း ဖြစ်သည်။ ပြောင်းရွှေ့လာသည့် နေ့မှစ၍ ရွာအတွင်း လမ်းသွားလမ်းလာ များကို ဂုဏ်သိက္ခာ ညိုးနွမ်းသည့် အထိ စစ်ဆေးမှုများ ပြုလုပ်လျက် ရှိကြောင်း သိရှိရပါသည်။
ရဲတပ်သား အောင်နိုင်က “မင်းတို့ ကုလားတွေ ဒီမိုကရေစီ ရနေပြီလား၊ မင်းတို့ ကုလားတွေ ငါနဲ့ ပြိုင်မယ့်လူ ရှိလား၊ ရှိရင် ထွက်လာခဲ့၊ ငါက ငါနဲ့ ပြိုင်မယ့်လူ ရှာနေတာ” ဟု ပြောဆို၍ အကြောင်းမဲ့ စိန်ခေါ်မှုများ ပြုလုပ်နေသည့် အပြင် ညစ်ညမ်းစွာ ဆဲဆိုမှုများပါ ပြုလုပ်လျက် ရှိကြောင်း ဒေသခံများ ဆိုသည်။
“အခုလို အကြောင်းမဲ့ စိန်ခေါ်တာတွေ၊ ညစ်ညမ်းစွာ ဆဲဆိုတာတွေ၊ ပြီးတော့ ဂုဏ်သိက္ခာ ညိုးနွမ်းတဲ့ အထိ၊ ကာအိနြေ္ဒ ပျက်ပြားတဲ့ အထိ အကြောင်းမဲ့ စစ်ဆေးမှုတွေ လုပ်နေမယ် ဆိုရင် ဒေသခံတွေနဲ့ ပဋိပက္ခ ဖြစ်မှာကို စိုးရိမ် ရတယ်။ လက်နက် အားကိုးနဲ့ အနိုင်ကျင့်တယ် ဆိုတာ အတိုင်းအတာ ရှိပါတယ်။ အကြောင်းမဲ့ ငွေညှစ်တာတွေ၊ ဆဲဆို ကြိမ်းမောင်း ရိုက်နှက်တာတွေကို ဗဟို အစိုးရက အမြန်ဆုံး ရပ်တန့် ပေးဖို့ လိုနေပါပြီ” ဟု ဒေသခံ တစ်ဦးက RB News သို့ပြောပါသည်။
