ဆရာဝန်ကြီး၏ ဆေးဆိုင်မှ ဆေးမ၀ယ် သဖြင့် လုပ်ကြံ၍ ဖမ်းဆီးခိုင်း၊ ရဲများက ငွေညှစ်
MYARF
RB News
20.6.2014
မောင်တော ။ ။ ရခိုင်ပြည်နယ်၊ မောင်တောမြို့နယ်ရှိ မြို့နယ် ဆရာဝန်ကြီး၏ ဆေးဆိုင်မှ ဆေးမ၀ယ်သဖြင့် ဒေသခံ တစ်ဦး လုပ်ကြံ ဖမ်းဆီးခြင်း ခံရသည့် အပြင် ရဲများ၏ ငွေညှစ်ခြင်းကိုလည်း ခံခဲ့ရကြောင်း သတင်း ရရှိပါသည်။
ဇွန်လ ၁၆ ရက်နေ့တွင် မောင်တောမြို့နယ် မြို့မ ကညင်တန်း ကျေးရွာမှ ဦးမာမတ်ဂျူဟာရ် (ဘ) ဆရာ ဦးဟာရှိမ်သည် ကျန်းမာရေး မကောင်းသဖြင့် ဦးဥတ္တမလမ်းရှိ မြို့နယ် ဆရာဝန်ကြီး ဒေါက်တာ ကျော်မောင်မောင်သိန်း၏ ဆေးခန်းသို့ သွားရောက်၍ ဆေးကုသမှု ခံယူခဲ့သည်။ ဦးမာမတ်ဂျူဟာရ်သည် ဆေးကုသမှု ခံယူပြီးနောက် ဆေးကုသခကို ရှင်းပေးပြီး၊ ဆရာဝန် ရေးပေးသည့် သောက်ဆေးများကို ဆရာဝန်၏ ဆေးဆိုင်တွင် မ၀ယ်ဘဲ၊ အခြား ဆေးဆိုင် တစ်ဆိုင်မှ ၀ယ်ယူခဲ့သည်။
ထိုသို့ အခြားဆိုင်မှ ဆေးဝယ်ယူသည်ကို ဆရာဝန်ကြီး ဒေါက်တာ ကျော်မောင်မောင်သိန်းက သိရှိသွားသည်နှင့် တပြိုင်နက် ဦးမာမတ်ဂျူဟာရ်က ဆေးကုသမှု ခံယူစဉ် ရိုင်းပျစွာ ဆက်ဆံသည်၊ ထို့နောက် ဖုန်းတစ်လုံး ပျောက်သွားသည်ဟု လီဆယ် လုပ်ကြံ၍ ရဲစခန်းသို့ အကြောင်းကြားခဲ့သည်။
ရဲများက ဒေါက်တာ ကျော်မောင်မောင်သိန်း လီဆယ် လုပ်ကြံသည်ကို စုံစမ်း စစ်ဆေးခြင်း မပြုလုပ်ဘဲ ယင်းနေ့ ညနေ (၄) နာရီ အချိန်တွင် ဦးမာမတ်ဂျုဟာရ်ကို မြို့မ ကညင်တန်းဈေးမှ ဖမ်းဆီးသွားခဲ့သည်။ ထို့နောက် ရဲများက ဦးမာမတ်ဂျူဟာရ် ထံမှ ငွေကျပ် ၃ သိန်း ညှစ်ယူ၍ ပြန်လည် လွှတ်ပေးခဲ့ကြောင်း ဒေသခံ တစ်ဦးက RB News သို့ပြောပါသည်။
ဒေါက်တာ ကျော်မောင်မောင်သိန်း၏ ဆေးဆိုင်တွင် ရောင်းချသည့် ဆေးများမှာ အခြား ဆေးဆိုင်များထက် ဈေးနှစ်ဆကြီးသည့် အတွက် စီးပွားရေး မပြေလည်သည့် လူနာများမှာ ဈေးသက်သာသည့် ဆိုင်များတွင်သာ ၀ယ်ယူ သုံးစွဲနေရသည်။ ငွေကြေး လောဘ ကြီးသည့် ဆရာဝန်ကြီး ဒေါက်တာ ကျော်မောင်မောင်သိန်းမှ ၎င်း၏ ဆိုင်မှ မ၀ယ်ယူသည့် အတွက် တမင် လီဆယ် လုပ်ကြံ၍ ရဲများနှင့် ဖမ်းဆီးခိုင်းကာ၊ နောက်နောင် လူနာများ ၎င်း၏ ဆိုင်မှသာ ၀ယ်ယူရန် ဖန်တီးလိုက်ခြင်း ဖြစ်သည်။
