မောင်တော၊ မြို့မတောင် အုပ်ချုပ်ရေးမှူးက လက်ထပ်ခွင့် အတွက် ငွေညှစ်လျက်ရှိ
RB News
21.6.2014
မောင်တော ။ ။ ရခိုင်ပြည်နယ်၊ မောင်တောမြို့နယ်၊ မြို့မတောင် ရပ်ကွက် အုပ်ချုပ်ရေးမှူးက လက်ထပ်ခွင့် အတွက် အကြောင်းကြားသူများထံမှ ငွေညှစ်လျက် ရှိကြောင်း သတင်း ရရှိပါသည်။
၂၀၁၃ ခုနှစ် ဇူလိုင်လတွင် န.စ.က ကို ဖျက်သိမ်း ပြီးနောက်၊ လက်ထပ်ခွင့် ကိစ္စကို ကျေးရွာနှင့် ရပ်ကွက် အုပ်ချုပ်ရေးမှူးများ ကိုင်တွယ်ရန် ခရိုင်နှင့် မြို့နယ် အုပ်ချုပ်ရေး ဌာနများက ညွန်ကြားခဲ့သည်။ ကျေးရွာနှင့် ရပ်ကွက် အုပ်ချုပ်ရေးမှူးများက အဆိုပါ လုပ်ပိုင်ခွင့် အာဏာကို အလွဲသုံးစား ပြုလုပ်လျက် ရှိရာ၊ မောင်တောမြို့နယ် အမှတ် (၂) ရပ်ကွက် (မြို့မတောင်) အုပ်ချုပ်ရေးမှူး ဦးအီဆုပ်လည်း တစ်ဦး အပါအ၀င် ဖြစ်သည်။ ၎င်းသည် မာရမာကြီး လူမျိုး တစ်ဦးဖြစ်ပြီး၊ အစ္စလာမ် ဘာသာ ကိုးကွယ်သူ ဖြစ်သည်။
မြို့မတောင် ရပ်ကွက် အုပ်ချုပ်ရေးမှူးက ဆင်းရဲ၊ ချမ်းသာ မရွေး လက်ထပ်ခွင့် အတွက် အကြောင်းကြားသူ များထံမှ ငွေကျပ် သုံးသောင်းစီ ညှစ်လျက် ရှိကြောင်း ဒေသခံ တစ်ဦးက RB News သို့ပြောပါသည်။ ၎င်းက “ဒီငွေတွေကို ကျွန်တော် ရတာ မဟုတ်ဘူး၊ မြို့နယ် အုပ်ချုပ်ရေးကို တစ်သောင်း ပေးရတယ်၊ ရဲစခန်းကို တစ်သောင်း ပေးရတယ်၊ ကျွန်တော်တို့ရဲ့ ရပ်ကွက် အုပ်ချုပ်ရေး ရုံးစရိတ် အတွက် တစ်သောင်းဘဲ ရတာ” ဟု ပြောဆိုလေ့ ရှိသည်ဟု အဆိုပါ ဒေသခံမှ ပြောပါသည်။
မြို့မတောင် ရပ်ကွက်တွင် နယ်ခြားစောင့် ရဲတပ်ဖွဲ့က ရှောင်တခင် လူဦးရေ စစ်ဆေးခြင်း ခေါင်းစဉ် တပ်၍ ခိုးဝင်လာသော ဘင်္ဂလီ စာရင်းဟူ၍ ကောက်ခံလျက် ရှိသည်။ လူဦးရေ စာရင်းကို ရိုးသားစွာ ကောက်ခံပါက မည်သူ မဆို ပါဝင်ရန် အသင့်ရှိသော်လည်း ယခုကဲ့သို့ ယုတ်မာသည့် ခေါင်းစဉ် တပ်၍ ကောက်ခံ နေသည့် အတွက် ဒေသခံ ရိုဟင်ဂျာများ မပါဝင်နိုင်ဟု ငြင်းဆိုထားသည်ကို အဆိုပါ အုပ်ချုပ်ရေးမှူးက ရပ်မိရပ်ဖများကို ပါဝင်ပေးရန် တိုက်တွန်းလျက် ရှိသည်။ အချို့သော ဒေသခံများကို ခြိမ်းခြောက်၍ နည်းလမ်းမျိုးစုံဖြင့် စာရင်းကောက်ခံရန် ကြိုးစားလျက် ရှိသည်။
ယခုအခါ ဧည့်စာရင်းများကိုလည်း ပိတ်ပင်ထားပြီး၊ ရပ်ကွက်ထဲရှိ နေအိမ်များသို့ အလည်လာသည့်သူများကို ဧည့်စာရင်း တိုင်ခွင့် မပေးကြောင်း သိရှိရပါသည်။ ညပိုင်းတွင် အာဏာပိုင် အဖွဲ့အစည်းများနှင့် အတူ ဧည့်စာရင်း စစ်မည်ဟု ဆိုကာ ဒေသခံများကို အနှောက်အယှက် ပေးလျက် ရှိပြီး၊ နေ့ပိုင်းတွင် နယ်ခြားစောင့် ရဲတပ်ဖွဲ့၏ ခိုးဝင် ဘင်္ဂလီ စာရင်း ကောက်ခံရန် အနှောက်အယှက် ပေးလျက် ရှိကြောင်း ဒေသခံများက ပြောပါသည်။
ရခိုင်ပြည်နယ် အတွင်းရှိ ဒေသခံ ရိုဟင်ဂျာများမှာ အာရ်ကာန် ဒေသ၏ မူလဘူတ တိုင်းရင်းသားများ ဖြစ်သော်လည်း နယ်ခြားစောင့် ရဲတပ်ဖွဲ့မှ တမင်ယုတ်မာ၍ ခိုးဝင် ဘင်္ဂလီများ စာရင်းဟု ဆိုကာ အတင်း အဓမ္မ ကောက်ခံရန် ကြိုးစားလျက် ရှိခြင်း ဖြစ်သည်။ ဒေသခံ ရိုဟင်ဂျာများ အနေဖြင့် အတင်း အကျပ် ကောက်ခံခြင်းမျိုးကို လုံးဝ လက်ခံမည် မဟုတ်ဟု ဆိုသည်။
