တောင်ပြိုလက်ဝဲ BGP က အပြစ်မဲ့ ဒေသခံ နှစ်ဦးကို ဖမ်းဆီး၍ ငွေညှစ်
RB News
19.7.2014
မောင်တော ။ ။ ရခိုင်ပြည်နယ်၊ မောင်တော ခရိုင်၊ တောင်ပြိုလက်ဝဲ မြို့နယ်ခွဲ၊ အမှတ် (၄) နယ်မြေ၊ နယ်ခြားစောင့် ရဲတပ်ဖွဲ့ စခန်း အမှတ် (၁၀) မှ ရဲတပ်ဖွဲ့ဝင် များသည် ဒေသခံ နှစ်ဦးကို မဟုတ်မမှန် စွပ်စွဲ၍ ဖမ်းဆီးပြီး ငွေညှစ် ခဲ့ကြောင်း သတင်း ရရှိပါသည်။
ဇူလိုင်လ (၁၆) ရက်နေ့ ည ၈း၄၀ နာရီ အချိန်တွင် တောင်ပြိုလက်ဝဲ မြို့နယ်ခွဲ၊ အမှတ် (၄) နယ်မြေ၊ နယ်ခြားစောင့် ရဲတပ်ဖွဲ့ စခန်းအမှတ် (၁၀) မှ တာဝန်ခံ ဒုရဲအုပ် လင်းဇော်လှိုင်နှင့် ရဲတပ်သား စိုးသန်း တို့သည် ဇီးပင်ချောင်း ကျေးရွာ အုပ်စု တောင်ရွာမှ ဒေသခံ ရိုဟင်ဂျာ နှစ်ဦးကို မိုဘိုင်းဖုန်း ကိုင်ဆောင် နေသူဟု မဟုတ်မမှန် စွပ်စွဲ၍ ငွေညှစ်ခဲ့ကြောင်း ဒေသခံ တစ်ဦးက RB News သို့ပြောပါသည်။
ငွေကျပ် ၅၀၀၀၀/- စီညှစ်ခံရသည့် ဒေသခံ ရိုဟင်ဂျာ နှစ်ဦးမှာ ဇီးပင်ချောင်း၊ တောင်ရွာမှ ဦးရှုနာမျာ (ဘ) ဦးနူရ်ဟူစိန်းနှင့် ဦးနူရ်ဟာရှိမ် (ဘ) ဦးဟူဆောင်းအာမတ် တို့ဖြစ်သည်။
ရဲတပ်သား စိုးသန်းသည် ရွာအတွင်းရှိ ဒေသခံ ရိုဟင်ဂျာများ လမ်းမှ ဖြတ်သန်း သွားလာသည့် အခါ အကြောင်းမဲ့ စစ်ဆေးခြင်းများ ပြုလုပ်ပြီး ငွေညှစ်မှုများ မကြာခဏ ပြုလုပ်လေ့ ရှိကြောင်း အဆိုပါ ဒေသခံမှ ပြောပါသည်။
