ကျောက်ပန္ဒူမှ နယ်ခြားစောင့် ရဲတပ်ဖွဲ့ဝင်များ ဒေသခံများကို ရိုက်နှက်၍ ငွေညှစ်
MYARF
RB News
18.7.2014
မောင်တော ။ ။ ရခိုင်ပြည်နယ်၊ မောင်တောမြို့နယ် တောင်ပိုင်း၊ ကျောက်ပန္ဒူ ကျေးရွာ အခြေစိုက် နယ်ခြားစောင့် ရဲတပ်ဖွဲ့မှ ရဲများသည် ဒေသခံ ရိုဟင်ဂျာများကို အကြောင်းမဲ့ ဖမ်းဆီး၍ ညှဉ်းပန်း နှိပ်စက်ပြီး ငွေညှစ်ခဲ့ကြောင်း သတင်း ရရှိပါသည်။
ဇူလိုင်လ (၁၇) ရက်နေ့ နေ့လည် ၂း၃၀ နာရီ အချိန်တွင် မောင်တောမြို့နယ် တောင်ပိုင်း ကျောက်ပန္ဒူ ကျေးရွာမှ စီးပွားဖက် နှစ်ဦး ဖြစ်သူ ဦးဆော်ယဒ်ဒူလ္လာ (ဘ) ဦးနော်ဇူမျာနှင့် ဦးဆော်ယဒ်အလီ (ဘ) ဦးဒူဒူမျာတို့သည် ၎င်းတို့၏ စီးပွားရေး လုပ်ငန်းများ၏ စာရင်းများ ရှင်းလင်းနေစဉ် အငြင်းပွားမှု တစ်ရပ် ဖြစ်ခဲ့ရာ၊ ကျောက်ပန္ဒူ ကျေးရွာ အခြေစိုက် နယ်ခြားစောင့် ရဲတပ်ဖွဲ့ဝင် ၄ ဦး ရောက်ရှိလာပြီး စစ်ဆေး မေးမြန်းခဲ့သည်။ အငြင်းပွားနေသည့် စီးပွားဖက် နှစ်ဦးက ၎င်းတို့သည် လုပ်ငန်း စာရင်းများ ရှင်းလင်း နေခြင်း ဖြစ်သည်ဟု ပြန်လည် ဖြေကြားခဲ့သော်လည်း ရန်ဖြစ်နေသည်ဟု စွပ်စွဲ၍ ၎င်းတို့ နှစ်ဦးကို နယ်ခြားစောင့် ရဲတပ်ဖွဲ့ဝင် များက ဖမ်းဆီး ခေါ်ဆောင် သွားခဲ့သည်။ ထို့နောက် ညနေ ၅ နာရီ အချိန်တွင် ၎င်းတို့ နှစ်ဦးထံမှ နယ်ခြားစောင့် ရဲတပ်ဖွဲ့ဝင် များက ငွေကျပ် ၅၀၀၀၀/- စီညှစ်ယူ၍ ပြန်လည် လွှတ်ပေးခဲ့ကြောင်း ဒေသခံ တစ်ဦးက RB News သို့ပြောပါသည်။
ယင်းနေ့ နံနက် ၁၁ နာရီ အချိန်တွင်လည်း အဆိုပါ နယ်ခြားစောင့် ရဲတပ်ဖွဲ့ဝင် များသည် ရွာထဲမှ လယ်ကွင်းသို့ အလုပ်လုပ်ရန် ဖြတ်သန်း သွားလာနေသော ဦးဂျော်မိလ်အာမတ် (ဘ) ဦးအဒူခါလဲခ်ကို လိုက်လံဖမ်းဆီးပြီး၊ ဖုန်းရှိသည်ဟု စွပ်စွဲ၍ စစ်ဆေးခဲ့သည်။ နယ်ခြားစောင့် ရဲတပ်ဖွဲ့ဝင်များက ဦးဂျော်မိလ်အာမတ်ထံမှ ဖုန်းရှာ မတွေ့ခဲ့သော်လည်း ဖမ်းဆီး ခေါ်ဆောင်သွားပြီး စခန်းတွင် ရိုက်နှက် နှိပ်စက်ကာ ညနေ ၅ နာရီ အချိန်တွင် ငွေကျပ် ၂၅၀၀၀/- ညှစ်ယူ၍ ပြန်လည် လွှတ်ပေးခဲ့ကြောင်း အဆိုပါ ဒေသခံမှ ပြောပါသည်။
ထို့အပြင် ယနေ့ (ဇူလိုင်လ ၁၈) နေ့လည် ၃ နာရီ အချိန်တွင်လည်း အဆိုပါ နယ်ခြားစောင့် ရဲတပ်ဖွဲ့ဝင် များသည် ကျောက်ပန္ဒူ ရွာရှိ အာရဗီ စာသင်ကျောင်းထဲတွင် ထိုင်၍ စကားပြောနေသည့် ဦးအဘူဆီဒိတ် (ဘ) ဦးမိုဟာမတ် အာခ်ဘောရ်နှင့် ဦးအာဆောဒုလ္လာ (ဘ) ဦးအီဆုပ် တို့ကို ဘင်္ဂလား ဆင်းမ်ကဒ်များ ရှိသည်ဟု လုပ်ကြံ စွပ်စွဲ၍ လူမဆန်စွာ ရိုက်နှက်၍ ဖမ်းဆီးခေါ်ဆောင် သွားခဲ့သည်။ ထို့နောက် ညနေ နေ၀င်ချိန် အချိန်တွင် ဦးအဘူဆီဒိတ် ထံမှ ငွေကျပ် နှစ်သိန်း ငါးသောင်းနှင့် ဦးအာဆော်ဒုလ္လာ ထံမှ ငွေကျပ် ၈၀၀၀/- တန်ဖိုးရှိ ကြက်ဖ တစ်ကောင် ညှစ်ယူ၍ ပြန်လည် လွှတ်ပေးခဲ့ကြောင်း သိရှိရပါသည်။
