တောင်ပြိုလက်ဝဲမှ ငွေညှစ်မှုကို တရားလိုနှင့် ရွာအုပ်ချုပ်ရေးမှူး တို့အားသီးခြား စစ်ဆေးရန် လိုအပ်
RB News
18.7.2014
တောင်ပြိုလက်ဝဲ ။ ။ ရခိုင်ပြည်နယ်၊ တောင်ပြိုလက်ဝဲ မြို့နယ်ခွဲမှ ရွာအုပ်ချုပ်ရေးမှူး တစ်ဦး၏ ငွေညှစ်ခြင်းနှင့် ပတ်သက်၍ အာဏာပိုင်များမှ စစ်ဆေးမှုများ ပြုလုပ်လျက် ရှိသော်လည်း ပွင့်လင်း မြင်သာမှု မရှိသဖြင့် တရားလိုက အခက်တွေ့ နေရကြောင်း သတင်း ရရှိပါသည်။
တောင်ပြိုလက်ဝဲမြို့နယ်ခွဲ၊ ဇီးပင်ချောင်း ကျေးရွာမှ ကျေးရွာအုပ်ချုပ်ရေးမှူး ဦးအာယုဘ်သည် လွန်ခဲ့သည့် ဇူလိုင်လ (၂) ရက်နေ့က တစ်ရွာတည်းနေ ဦးအေမာရာန် (ဘ) ဦးနူရ်အာမတ် ထံမှ ငွေကျပ် နှစ်သိန်း ညှစ်ယူခဲ့သည်။ အဆိုပါ ကိစ္စနှင့် ပတ်သက်၍ မီဒီယာတွင် ဖော်ပြပြီးနောက် ခရိုင် အုပ်ချုပ်ရေးမှူးရုံးမှ တောင်ပြိုလက်ဝဲ မြို့နယ်ခွဲ အုပ်ချုပ်ရေးမှူးရုံးသို့ စစ်ဆေး၍ ပြန်လည် တင်ပြရန် ညွန်ကြားခဲ့သည်။
တောင်ပြိုလက်ဝဲ မြို့နယ်ခွဲ အုပ်ချုပ်ရေးမှူးရုံးမှ ဇီးပင်ချောင်း ကျေးရွာ အုပ်ချုပ်ရေးမှူး ဦးအာယုဘ်ကို အကြောင်းကြား ခဲ့ရာ၊ ကျေးရွာ အုပ်ချုပ်ရေးမှူးက တရားလို ဖြစ်သူ ဦးအေမာရာန်ကို မြို့နယ်ခွဲ အုပ်ချုပ်ရေးမှူးရုံးသို့ အတူ ခေါ်ဆောင် သွားခဲ့သည်။ သို့သော်လည်း တရားလို ဖြစ်သူသည် ကျေးရွာ အုပ်ချုပ်ရေးမှူး၏ ရှေ့မှောက်တွင် အစစ်ဆေးခံခဲ့ရသဖြင့် ကြောက်ရွံစိတ်ဖြင့် အမှန်အတိုင်း ဖွင့်ဟ နိုင်ခြင်း မရှိခဲ့ကြောင်း ဒေသခံ တစ်ဦးက RB News သို့ပြောပါသည်။
ထို့ကြောင့် အမှုမှန် ပေါ်ပေါက်ရေး အတွက် သီးခြားစီ စစ်ဆေးရန် လိုအပ်ကြောင်း၊ အမှုစစ်ဆေးရာတွင် ခြိမ်းခြောက်သည့် သဏ္ဍန် မပါဝင်ဘဲ ပိုမို၍ ပွင့်လင်းမြင်သာရန် လိုအပ်ကြောင်း၊ ကျေးရွာ အုပ်ချုပ်ရေးမှူးနှင့် တရားလို ဖြစ်သူကို သီးခြားစီ စစ်ဆေးမှသာ အမှုမှန် ပေါ်ပေါက်မည်ဟု အဆိုပါ ဒေသခံမှ ပြောပါသည်။
