မန္တလေးတွင် ဖမ်းဆီးမှု၊ မီးရှို့မှုများ ရှိခဲ့ပြီး အခြေအနေ တင်းမာနေဆဲ

အကြမ်းဖက် သတ်ဖြတ်ခံ ရသည့် ဦးစိုးမင်း၏ နာရေးတွင် မိသားစုဝင် များကို တွေ့ရစဉ် (ဓါတ်ပုံ - Reuters)

RB News
4.7.2014

မန္တလေး ။ ။ ဇူလိုင်လ (၁) ရက်နေ့မှ စ၍ မန္တလေးမြို့တွင် တင်းမာလာသည့် အခြေအနေသည် ယမန်နေ့ (ဇူလိုင်လ ၃) က ပုဒ်မ ၁၄၄ ထုတ်ပြန်ပြီးနောက် အနည်းငယ် တည်ငြိမ် အေးချမ်းခဲ့သော်လည်း ယနေ့ နံနက်ပိုင်းမှ စ၍ ဖမ်းဆီးမှုများ၊ မီးရှို့မှုများနှင့် မွတ်စလင်များကို အကြမ်းဖက်ရန် ကြိုးပမ်းမှုများ ရှိနေကြောင်း သတင်း ရရှိပါသည်။

မန္တလေးမြို့တွင် ဇူလိုင်လ (၁) ရက်နေ့မှ စတင်၍ ဖြစ်ပွားလျက် ရှိသည့် အကြမ်းဖက်မှုများမှာ ဇူလိုင်လ (၃) ရက်နေ့တွင် ပုဒ်မ ၁၄၄ ထုတ်ပြန်ပြီးနောက် အနည်းငယ် တည်ငြိမ်ခဲ့သော်လည်း ယနေ့ (ဇူလိုင် ၄) နံနက် ၅ နာရီကျော် အချိန်တွင် ၂၇ လမ်းနှင့် ၂၈ လမ်းကြား ၈၂ လမ်းနှင့် ၈၁ လမ်းကြားမှာ ရှိတဲ့ ဂျွန်းဗလီဝန်း အတွင်းကို အာဏာပိုင်များနှင့် ရဲတပ်ဖွဲ့ဝင် များက လက်နက်ရှိ သယောင် ၀င်ရောက် ရှာဖွေ စစ်ဆေးခဲ့သော်လည်း ရန်ပြုနိုင်စွမ်း ရှိသည့် လက်နက် တစ်စုံတစ်ရာ သိမ်းဆည်း ရမိခြင်း မရှိခဲ့ပေ။ သို့သော်လည်း ဗလီရှေ့ဆောင် ဆရာ တစ်ဦး အပါအ၀င် မွတ်စလင် ၅ ဦးကို စုံစမ်း စစ်ဆေး မေးမြန်းရန် ရှိသည်ဟု ဆိုကာ ဖမ်းဆီး ခေါ်ဆောင် သွားခဲ့သည်။

အကြမ်းဖက်မှုများကို အုပ်စုတစ်စုမှ ဦးဆောင်၍ ပြုလုပ်လျက် ရှိပြီး၊ မြို့ခံများ၏ အဆိုအရ အဆိုပါ အုပ်စုသည် လူမျိုး၊ ဘာသာ မရွေး အကြမ်းဖက် သတ်ဖြတ်ပြီး အခြေအနေ ပိုမိုတင်းမာ လာရန် ပြုလုပ်လျက် ရှိကြောင်း သိရှိရပါသည်။ အဆိုပါ အဖွဲ့၏ အကြမ်းဖက်မှုကြောင့် ဇူလိုင်လ (၂) ရက်နေ့ ညပိုင်းတွင် ဗုဒ္ဓဘာသာဝင် ကိုထွန်းထွန်းနှင့် ဇူလိုင်လ (၃) ရက်နေ့ နံနက် အစောပိုင်းတွင် အစ္စလာမ် ဘာသာဝင် ဦးစိုးမင်းတို့ သတ်ဖြတ်ခံ ခဲ့ရသည်။ အစ္စလာမ် ဘာသာဝင် ဦးစိုးမင်းကို ရက်စက်စွာ သတ်ဖြတ်ခဲ့သော်လည်း နောက်ဆုံး ခရီး ပို့ဆောင်ရာတွင် မည်သူတစ်ဦးမှ စိတ်အနှောက်အယှက် ဖြစ်စေရန်၊ သွေးထိုး လှုံ့ဆော်မှုများ မရှိခဲ့သော်လည်း ဗုဒ္ဓဘာသာဝင် ကိုထွန်းထွန်း၏ ယနေ့ နေ့လည် နောက်ဆုံး ခရီး ပို့ဆောင်ရာတွင် သွေးထိုး လှုံ့ဆော်သည့် ပိုစတာများ၊ ကားများ ဆိုင်ကယ်များဖြင့် အော်ဟစ် ရမ်းကား၍ မြို့ခံ မွတ်စလင်များကို အကြမ်းဖက်ရန် အကြိမ်ကြိမ် ကြိုးစားခဲ့သည်။ အသုဘ လိုက်ပို့သူများက ကြာနီကန် မွတ်စလင် င်္သချိုင်းရှိ ဗလီကို မီးရှို့ရန် ကြိုးစားခဲ့ကြပြီး၊ ဗလီကို မီးရှို့ရန် အဆင်မပြေသဖြင့် င်္သချိုင်းစောင့်၏ အိမ်၊ ဇရပ်နှင့် ဆိတ်ခြံတို့ကို မီးရှို့ အကြမ်းဖက် ခဲ့ကြသည်။

ညနေ ၅ နာရီကျော် အချိန်တွင် ဗုဒ္ဓဘာသာဝင် အကြမ်းဖက်သမား နှစ်ရာကျော် သုံးရာခန့်တို့သည် ဆိုင်ကယ်များဖြင့် လသာရပ်ရှိ အစ္စလာမ် ဘာသာရေး ကျောင်းသို့ သွားရောက်၍ ခဲများဖြင့် ပစ်ပေါက်ခဲ့ပြီး၊ ကျောင်းအနီး ပတ်ဝန်းကျင်ရှိ အိမ်များကိုလည်း ခဲများဖြင့် ပစ်ပေါက်၍ အကြမ်းဖက် ခဲ့ကြောင်း မြို့ခံများ၏ ပြောကြားချက်များ အရ သိရှိရပါသည်။

ဇူလိုင်လ (၃) ရက်နေ့က ပုဒ်မ ၁၄၄ ကို မြို့နယ် ၆ မြို့နယ် ဖြစ်သည့် ချမ်းအေးသာဇံ ၊ ချမ်းအေးသာဇံ ၊ မဟာအောင်မြေ ၊ ချမ်းမြသာစည် ၊ ပြည်ကြီးတံခွန် ၊ အမရပူရမြို့နယ်တွင် ထုတ်ပြန် ခဲ့သော်လည်း ပုသိမ်ကြီးမြို့နယ် ကိုလည်း ပုဒ်မ ၁၄၄ ထုတ်ပြန်လိုက်ကြောင်း ယနေ့ ကြေညာခဲ့သည်။