နောက်ဆုံးသတင်း/ဆောင်းပါးများ

နိုင်ငံတကာ အဖွဲ့အစည်းတွေ ရခိုင် ပြည်နယ်မှာ ပြန်လည် အကူအညီ ပေးဖို့ အစိုးရ ဖိတ်ခေါ်



အင်ကြင်းနိုင်
26.7.2014

ရခိုင်ပြည်နယ်မှာ နိုင်ငံတကာ လူသားချင်း စာနာမှု အကူအညီ ပေးရေး အဖွဲ့အစည်းပေါင်း ၂၀ကျော် အနေနဲ့ လုပ်ငန်းတွေ ပြန်ပြီး လုပ်ကိုင် ကြဖို့ မြန်မာ အစိုးရနဲ့ ရခိုင်ပြည်နယ် အစိုးရက မနေ့က ဖိတ်ခေါ်လိုက် ပါတယ်။ အဲ့ဒီ့အဖွဲ့ တွေထဲမှာ အထူးသဖြင့် MSF လို့ခေါ်တဲ့ နယ်စည်း မထား ဆရာဝန်များ အဖွဲ့လည်း ပါဝင်ပါတယ်။ အခုလို မြန်မာ အစိုးရရဲ့ဖိတ်ခေါ်ချက်ကို MSF အဖွဲ့ကလည်း ကြိုဆို လိုက်ပါတယ်။ အကြောင်းစုံကို မအင်ကြင်းနိုင်က ပြောပြမှာပါ။

ဖေဖေါ်ဝါရီလ (၂၇) ရက်နေ့ ရက်စွဲနဲ့ ရခိုင်ပြည်နယ် ကနေ MSF လုပ်ငန်းတွေ ရပ်ဆိုင်းဖို့ မြန်မာ အစိုးရက အမိန့်ပေး ခဲ့ပြီးနောက် အဲ့ဒီ ပြည်နယ်မှာ ပြန်ပြီး လုပ်ကိုင်ခွင့် ပေးလိုက်တာကို ကြိုဆိုကြောင်း ဂျနီဗာ အခြေစိုက် MSF က ဗွီအိုအေကို Emailနဲ့ ပေးပို့ တုန့်ပြန် ခဲ့ပါတယ်။

အဲ့ဒီ့အထဲမှာ ရေးသား ထားတာ ကတော့ ရခိုင်ပြည်နယ်မှာ လူသားချင်း စာနာမှု ဆိုင်ရာ ဆေးဝါး ကုသမှု လုပ်ငန်းတွေ ပြန်လည် လုပ်ကိုင်ခွင့် ပေးလိုက်တဲ့ မြန်မာ အစိုးရရဲ့ ဖိတ်ခေါ်ချက်ကို MSF ကကြိုဆိုကြောင်း၊
လက်ရှိ လူသားချင်း စာနာမှုဆိုင်ရာ အတိ ဒုက္ခတွေ ရင်ဆိုင် နေရတဲ့ ရခိုင်ပြည်နယ်ရှိ လူတွေကို အသက်ကယ် ဆေးဝါး ကုသမှုတွေ တိုးချဲ့ပြီး MFS အနေနဲ့ ဘယ်လို ကူညီနိုင်မလဲ ဆိုတာကို ကျန်းမာရေး ၀န်ကြီးဌာနနဲ့ အပြု သဘော ဆောင်တဲ့ ဆွေးနွေးပွဲတွေ ဆက်လက် လုပ်ဆောင်ဖို့လည်း မျှော်လင့်ကြောင်း MSF ရဲ့ကြေညာချက်မှာ ဖေါ်ပြ ထားပါတယ်။

အခုလို MSF ရဲ့အကူအညီ ပေးရေး လုပ်ငန်းတွေ ရခိုင်ပြည်နယ် တွင်းပြန်စဖို့ အရေးနဲ့ ပတ်သက်လို့ ရခိုင် အမျိုးသား ပါတီရဲ့ အမှုဆောင် တဦးဖြစ်သူ ဦးဦးလှစောက သူရဲ့အမြင်ကို အခုလို ပြောပါတယ်။

"နိုင်ငံတကာ အဖွဲ့အစည်း တွေကို သူတို့ ပြန်ပြီးတော့ ဖိတ်ခေါ်တာ ပေါ့လေ။ အချို့လည်း ရောက်နေ ကြပါပြီ။ မတ်လ ၂၆၊ ၂၇မှာ ပြဿနာ  တခု ဆိုးဆိုးရွားရွား ဖြစ်တယ်။ ဆိုးဆိုးရွားရွား ဖြစ်ခဲ့တယ် ဆိုတာ နှစ်ဖက်လုံးမှာ၊ နှစ်ဖက်လုံးမှာ ဆိုတာ NGO အဖွဲ့အစည်း တွေမှာလည်း ဘက်လိုက်မှုတွေ ရှိတယ်ပေါ့။ NGO အဖွဲ့အစည်း ဆိုတာ အကုန်လုံးကို ဆိုလိုတာ မဟုတ်ဘူး ခင်ဗျ။ MSF ရှိတယ်။ 

တချို့ အဖွဲ့အစည်း တွေပေါ့။ အများစု ကတော့ ကောင်းပါတယ်။ ဆိုးဆိုးရွားရွား လုပ်တဲ့ အဖွဲ့တွေ ရှိတာပေါ့လေ။ အဲ့တော့ အဲ့ဒီ့အပေါ်မှာ လူထုက အမြင်မရှင်းဘူး။ မရှင်းတဲ့ အခါကျတော့ ဒီဘက်ကလည်း ဥပဒေမဲ့ တုန့်ပြန် လိုက်တယ် ပေါ့လေ။ ဥပဒေမဲ့ တုန့်ပြန်တော့ ဆိုးဆိုး ရွားရွား ဖြစ်ခဲ့တယ်။ ဆိုးဆိုး ရွားရွား ဖြစ်တယ် ဆိုတော့ အခု အခြေအနေကို ပြန်လည် ထိန်းဖို့ ကြိုးစားတယ်။

လူထု အတွက်လည်း အကျိုးရှိမယ်။ နိုင်ငံတကာ ဘက်မှာလည်း သူ့အနေနဲ့ အစိုးရ အတွက်သော် လည်းကောင်း၊ သူ့အတွက်သော် လည်းကောင်း၊ နည်းနည်း လုပ်နိုင် ကိုင်နိုင် စွမ်းရည်ကိုပြတယ်။

မေး။ ။အဲတော့ အနာဂတ်မှာ ရခိုင်ဒေသခံ တွေနဲ့ NGO တွေကြားမှာ နားလည်မှု လွဲမှားတဲ့ ပြဿနာတွေ ဆက်ပြီး မဖြစ်ပေါ်အောင် ဘယ်လို ဆောင်ရွက်သင့် သလဲလို့ မြင်လဲရှင့်။

"သူတို့ဖွဲ့ထားတဲ့ ECC ဆိုတာ ရှိတယ်။ ECC နဲ့ အစိုးရ အဖွဲ့တွေနဲ့ NGO ကြားထဲမှာတော့ အဲ့ဒီ့လို ဆောင်ရန်၊ ရှောင်ရန် တွေပေါ့လေ။ NGO၊ INGO တွေကို Watch Dog အဖွဲ့တွေ လုပ်တယ် ဆိုတာတော့ ကြားတယ်။ စောင့်ကြည့်ရေး အဖွဲ့တွေ လုပ်တယ်။ နောက် MOU Check-up လုပ်တာတွေ သူတို့ရဲ့ Activities တွေကို Regular Check Up လုပ်မယ်။ နောက် Movement တွေ Check Up လုပ်မယ်။ အဲ့တာတွေနဲ့ ပတ်သက်ပြီးတော့ NGO တွေနဲ့ INGO တွေနဲ သူတို့နဲ့ ကြားထဲမှာ နားလည်မှုတော့ ရထားပုံ ပေါ်တယ်။ နှစ်ဦးနှစ်ဖက် နားလည်မှု တစုံတရာ ရှိတဲ့ အတွက်ကြောင့် သူကတော့ ရှေ့ကို ခြေတစ်လှမ်းတိုး လိုက်တာလို့ပဲ ကျနော်မြင် ပါတယ်။"

မနေ့က ထုတ်ပြန်တဲ့ ရခိုင်ပြည်နယ် အစိုးရရဲ့ ၁/၁၄ ဆိုတဲ့ ထုတ်ပြန် ကြေညာချက် မှာလည်း အခုလို ပြည်နယ် အစိုးရ အနေနဲ့ MSF အပါ အ၀င် နိုင်ငံတကာ NGO အဖွဲ့တွေကို ပြန်ပြီး ဖိတ်ခေါ်တာဟာ ဇွန်လ ၂၆ နဲ့ ၂၇ ရက်နေ့က ကျင်းပခဲ့တဲ့ ရခိုင်ပြည်နယ် အရေးပေါ် ပူးပေါင်း ဆောင်ရွက်ရေးအဖွဲ့ ECC ၊ လူထု အခြေပြု  ကိုယ်စားလှယ် အဖွဲ့တွေ၊ မြန်မာ ငြိမ်းချမ်းရေး စင်တာနဲ့ ကုလသမဂ္ဂ တာဝန်ရှိသူတွေရဲ့ ဆွေးနွေးပွဲ ရလာဒ်ကို အကောင် အထည်ဖေါ်တာ ဖြစ်တယ်လို့ ဖေါ်ပြထား ပါတယ်။

နယ်စည်း မထား ဆရာဝန်များ အဖွဲ့ရဲ့ရခိုင်ပြည်နယ်တွင်း လုပ်ငန်းတွေကို ခေတ္တ ရပ်ဆိုင်းထား ရမယ်လို့ မြန်မာ အစိုးရက ပြီးခဲ့တဲ့ ဖေဖေါ်ဝါရီလက ကြေညာ ခဲ့တာပါ။ ဇန်န၀ါရီလက ရခိုင်ပြည်နယ် ဒူချီယားတန်းမှာ ဖြစ်ပွားခဲ့တဲ့ အကြမ်းဖက်မှု ကိစ္စနဲ့ ပတ်သက်လို့ MSF ရဲ့ စိုးရိမ် မကင်းဖြစ်မှု ထုတ်ဖေါ် ပြောကြားချက်တွေ ထွက်ပေါ် လာခဲ့ပြီးတဲ့နောက် လုပ်ငန်းတွေကို ပိတ်ပင် ခံခဲ့ ရတာ ဖြစ်ပါတယ်။

MSF ဟာ ဒုက္ခသည် စခန်းတွေထဲ မှာနေထိုင်ကြတဲ့ မူဆလင် ရိုဟင်ဂျာ ဒုက္ခသည် တသိန်းကျော် အတွက် စားနပ်ရိက္ခာ၊ ဆေးဝါးကုသမှု တို့ကို အဓိက အထောက်အကူ ပေးနေတာ ဖြစ်ပါတယ်။ 

ရခိုင် ဒေသခံတွေ ဘက်က MSF လုပ်ငန်း တွေဟာ မူဆလင် ရိုဟင်ဂျာတွေ အပေါ် ဘက်လိုက်တယ်၊ ထင်သာ မြင်သာ မရှိဘူး ဆိုပြီး စွပ်စွဲထား ပါတယ်။

ငြိမ်းချမ်းရေး နိုဘယ်လ်ဆုကို ရရှိထားတဲ့ MSF အဖွဲ့ကြီးဟာ မြန်မာနိုင်ငံမှာ ၂၂ နှစ် နီးပါး ကြာအောင် လုပ်ကိုင်ခဲ့ပြီး ဒေသခံ ပြည်သူတွေရဲ့ ကျန်းမားရေးကို စောင့်ရှောက် ပေးနေတာ ဖြစ်ပါတယ်။ ရခိုင်ပြည်နယ်မှာ အခြေခံ ကျန်းမာရေး ပြုစု စောင့်ရှောက်မှု တို့ကို ဒုက္ခသည် စခန်းတွေမှာ သွားရောက် ဆောင်ရွက် ပေးနေတာ ဖြစ်ပါတယ်။

ဇွန်လကလည်း OCHA လို့ခေါ်တဲ့ ကုလသမဂ္ဂရဲ့ အရေးပေါ် ကယ်ဆယ်ရေး လက်ထောက် အတွင်းရေးမှုးချုပ် ကျုံဝှာခမ်းဟာ ရခိုင်ပြည်နယ်ရှိ ဒုက္ခသည် စခန်းတွေကို သွားရောက် ခဲ့ပြီး စခန်းတွေရဲ့ ဆိုးရွားလာတဲ့ အခြေအနေ အကြောင်း စိုးရိမ် မကင်း ဖြစ်တဲ့ အကြောင်း ထုတ်ဖေါ် ပြောကြား ခဲ့ပါတယ်။

အခုလို မြန်မာ အစိုးရရဲ့ ဖိတ်ခေါ်တဲ့ ကြေညာချက် ထွက်ပေါ် လာချိန်မှာ ကုလသမဂ္ဂရဲ့ လူ့အခွင့် အရေး ဆိုင်ရာ အထူး ကိုယ်စားလှယ် မစ္စယန်ဟီလီ မြန်မာနိုင်ငံကို ရောက်ရှိ နေချိန်နဲ့လည်း တိုက်ဆိုင် နေပါတယ်။

Comment ရေးရန်

Rohingya Exodus