ဗျူဟာမှူးရွာ အခြေစိုက် စစ်တပ်မှ စစ်ဗိုလ် တစ်ဦးက ဒေသခံများကို ရိုက်နှက် ငွေညှစ်
Rohingya Eye
RB News
26.7.2014
မောင်တော ။ ။ ရခိုင်ပြည်နယ်၊ မောင်တောမြို့နယ် တောင်ပိုင်း အလယ်သံကျော် ကျေးရွာ အုပ်စု၊ ဗျူဟာမှူးရွာ အခြေစိုက် စစ်တပ်မှ စစ်ဗိုလ် တစ်ဦးက ဒေသခံ ရိုဟင်ဂျာများကို ရိုက်နှက် ညှဉ်းပန်း နှိပ်စက်၍ ငွေညှစ်ခဲ့ကြောင်း သတင်း ရရှိပါသည်။
ဇူလိုင်လ (၂၄) ရက်နေ့က မောင်တောမြို့နယ် တောင်ပိုင်း အလယ်သံကျော် ကျေးရွာ အုပ်စု၊ ဗျူဟာမှူးရွာ အခြေစိုက် စစ်တပ်မှ စစ်ဗိုလ် တစ်ဦးက ဒေသခံ ရိုဟင်ဂျာများကို ရိုက်နှက် ညှဉ်းပန်း နှိပ်စက်၍ ငွေညှစ်ခဲ့ကြောင်း ဒေသခံ တစ်ဦးက RB News သို့ပြောပါသည်။
ငါးဖမ်းသမား တစ်ဦး ဖြစ်သည့် ဦးမိုဟာမတ် ဇူဘိုင်ရ် (ဘ) ဦးလာလူး (အသက် ၃၂ နှစ်) ကို ငါးဖမ်း ထွက်ရန် သတင်းမပို့ဟု စွပ်စွဲ၍ အဆိုပါ စစ်ဗိုလ်က ရိုက်နှက်ခဲ့ရာ မျက်နှာတွင် ဒဏ်ရာ ပြင်းထန်စွာ ရရှိခဲ့သည့်အပြင် ငွေကျပ် ၅ သိန်း ညှစ်ယူခြင်းကိုလည်း ခံခဲ့ရကြောင်း အဆိုပါ ဒေသခံက ပြောပါသည်။
အခြားသော ငါးဖမ်းသမား တစ်ဦးဖြစ်သည့် မဒီနာရွာမှ ရာမတ်အူလ္လာ (ဘ) ဦးဟူဆောင်းအာမတ် (အသက် ၂၅ နှစ်) ကိုလည်း ငါးဖမ်း ထွက်ရန် သတင်း မပို့ဟု စွပ်စွဲပြီး လူမဆန်စွာ ရိုက်နှက်ခဲ့ရာ မျက်ခုံးပေါ်နှင့် မျက်နှာတွင် ပြင်းထန်စွာ ဒဏ်ရာ ရရှိခဲ့သည်။ ၎င်းထံမှလည်း အဆိုပါ စစ်ဗိုလ်က ငွေကျပ် ၅ သိန်း ညှစ်ယူခဲ့ကြောင်း သိရှိရပါသည်။
ထို့အပြင် မဒီနာရွာမှ မာမတ်ဟာရဲစ် (ဘ) ဦးရှာကဲရ် (အသက် ၁၈ နှစ်) ထံမှလည်း ငွေကျပ် ၁ သိန်း ညှစ်ယူခဲ့ကြောင်း အဆိုပါ ဒေသခံက ပြောပါသည်။
