GE ဆောက်လုပ်ရေးတပ်မှ စာရေး တစ်ဦးက ဒေသခံ တစ်ဦး၏ ဆိုင်မှ ပစ္စည်းများ ဖျက်ဆီး

Rohingya Eye
RB News
18.7.2014

မောင်တော ။ ။ ရခိုင်ပြည်နယ်၊ မောင်တောမြို့နယ် ကျောက်လှေကား ဈေးရှိ ဒေသခံ ရိုဟင်ဂျာ တစ်ဦး၏ ဆိုင်မှ ပစ္စည်း အချို့ကို GE ဆောက်လုပ်ရေးတပ်မှ စာရေး တစ်ဦးက အကြောင်းမဲ့ လာရောက် ဖျက်ဆီး ခဲ့ကြောင်း သတင်း ရရှိပါသည်။

ဇူလိုင်လ ၁၅ ရက်နေ့ ညနေ ၅ နာရီခွဲ အချိန်တွင် မောင်တောမြို့နယ် ကျောက်လှေကား ဈေးရှိ မိုဟာမတ်ဇူဘိုင်ရ် (ဘ) ဦးမာမတ်မျာ (အသက် ၂၃ နှစ်) ၏ အထည်ဆိုင်ရှေ့သို့ အမှတ် (၆) နယ်မြေ GE ဆောက်လုပ်ရေးတပ် ခြံစည်းရိုး ကာရံခြင်း လုပ်ငန်းတွင် စာရေး အဖြစ်လုပ်ကိုင် နေသူ ရခိုင်လူမျိုး ဦးမောင်လှစိန် ရောက်ရှိလာပြီး အကြောင်းမဲ့ သောင်းကျန်း ဆူပူမှုများ ပြုလုပ်ခဲ့သည့် အပြင် ဆိုင်အတွင်းရှိ ဗီဒိုများကို ဖျက်ဆီး ခဲ့ကြောင်း ဒေသခံ တစ်ဦးက RB News သို့ပြောပါသည်။

ထို့အပြင် ဆိုင်အတွင်းရှိ ပစ္စည်းများ လုယက်ရန် ကြိုးစား ခဲ့သော်လည်း အနီးအနားရှိ ဈေးသည်များ ထွက်လာသည့် အတွက် ၎င်း၏ အကြံအစည် အထမမြောက်ခဲ့ကြောင်း သိရှိရပါသည်။

ထိုကဲ့သို့ လာရောက်၍ ဆူပူသောင်းကျန်းပြီး ပစ္စည်းများ ဖျက်ဆီးခြင်းနှင့် ပတ်သက်၍ အမှတ် (၆) နယ်မြေ နယ်ခြားစောင့် ရဲတပ်ဖွဲ့သို့ သွားရောက် တိုင်ကြားခဲ့သော်လည်း အရေးယူ ဆောင်ရွက်ပေးခြင်း မရှိဘဲ၊ လူစုလူဝေး မပြုလုပ်ရန်သာ မှာကြားပြီး ပျက်စီး ဆုံးရှုံးသွားသည့် ဆိုင်ရှင်ကို ကျေနပ်အောင် ပြောဆိုမှုပင် မပြုလုပ်ခဲ့ကြောင်း အဆိုပါ ဒေသခံမှ ပြောပါသည်။

ရိုဟင်ဂျာ လူမျိုးများသာ ရှိသည့် ဈေးသို့ ရခိုင်လူမျိုး တစ်ဦး ယခုကဲ့သို့ လာရောက်ပြီး၊ သောင်းကျန်းခြင်းမှာ ရိုဟင်ဂျာများ ဒေါသထွက်ပြီး ပဋိပက္ခ ဖြစ်ပွားလာရန် အစိုးရမှ နောက်ကွယ်က စီစဉ်ခြင်း ဖြစ်နိုင်သည်ဟု ဒေသခံများက သုံးသပ် ပြောဆို နေကြသည်။