နောက်ဆုံးသတင်း/ဆောင်းပါးများ

လန်ဒန်မြို့တွင် ကျင်းပသော ကချင်ပြည်နယ် အတွက် ဆန္ဒပြပွဲ၌ ရိုဟင်ဂျာများ တက်ရောက်



RB News
26.11.2014

လန်ဒန် ။ ။ နိုဝင်ဘာလ (၁၉) ရက်နေ့က ကချင်ပြည်နယ်၊ ကချင် လွတ်မြောက်ရေး အဖွဲ့ ထိန်းချုပ် နယ်မြေ အတွင်းရှိ ဗိုလ်လောင်း သင်တန်းကျောင်းကို မြန်မာ့ တပ်မတော်က လက်နက်ကြီးဖြင့် ပစ်ခတ်မှုကြောင့် ဗိုလ်လောင်း ၂၃ ဦး ကျဆုံးခဲ့ပြီး၊ ၂၀ ဦး ဒဏ်ရာ ရရှိခဲ့သည်နှင့် ပတ်သက်၍ ဆန္ဒပြပွဲ တစ်ရပ်ကို ဗြိတိန်နိုင်ငံ၊ လန်ဒန်မြို့ရှိ မြန်မာ သံရုံးရှေ့တွင် ကျင်းပခဲ့ရာ ဗြိတိန်နိုင်ငံရောက် ရိုဟင်ဂျာများလည်း စည်းလုံး ညီညွတ်စွာ တက်ရောက် ပါဝင်ခဲ့ကြောင်း သတင်း ရရှိပါသည်။ 


ဆန္ဒပြပွဲကို ဗြိတိန် နိုင်ငံရောက် ကချင် အမျိုးသားများ အဖွဲ့ (KNO-UK) က ဦးဆောင် ကျင်းပခဲ့ခြင်း ဖြစ်ပြီး၊ ရှမ်းတိုင်းရင်းသားများ၊ ဗြိတိန် နိုင်ငံရောက် ရိုဟင်ဂျာ အသင်း (BROUK)၊ ၈၈ မျိုးဆက်မှ ကိုအောင်၊ အမျိုးသား ဒီမိုကရေစီ အဖွဲ့ချုပ်မှ ဦးနိုင်ဝင်း၊ ဘားမား ကမ်းပိန်း ယူကေမှ Ms. Anna Roberts၊ မြန်မာ မိတ်ဆွေများ အသင်း (ယူကေ)၊ မွတ်စလင် အသင်းများမှ အဖွဲ့ဝင်များနှင့် အတူ ၅၀ ဦးကျော် တက်ရောက် ခဲ့ကြောင်း သိရှိရပါသည်။

KNO-UK မှ ဒုတိယ ဥက္ကဌ U Ring Du Lachyung က အခမ်းအနားမှူး အဖြစ် ဆောင်ရွက်ပြီး၊ ၎င်းက နိုင်ငံ အ၀န်း အပစ်အခတ် ရပ်စဲရေး အတွက် ဆောင်ရွက် နေချိန်တွင် ယခုကဲ့သို့ မြန်မာ့ တပ်မတော်မှ လက်နက်ကြီးဖြင့် ပတ်ခတ်သည့် လုပ်ရပ်ကို ပြင်းထန်စွာ ရှုတ်ချကြောင်း၊ နိုဝင်ဘာလ (၂၂) ရက်နေ့နှင့် (၂၃) ရက်နေ့ တို့တွင်လည်း ကေအိုင်အေ တပ်စခန်းများကို မြန်မာ့ တပ်မတော်က လက်နက်ကြီးများဖြင့် ပစ်ခတ်ခဲ့ကြောင်း၊ နိုဝင်ဘာလ (၂၃) ရက်နေ့တွင် ပစ်ခတ်မှုကြောင့် လိုင်ဇာရှိ ဒုက္ခသည် စခန်းများနှင့် နီးသော အေလန်ဘူမ်မှ ကျောင်းအနီးကို ထိမှန်ခဲ့ကြောင်း၊ ကချင် အမျိုးသား အဖွဲ့နှင့် ကချင် အသိုင်းအ၀ိုင်း တို့က မြန်မာ့ တပ်မတော်၏ ထိုးစစ်ဆင်မှု များကို ပြင်းထန်စွာ ရှုတ်ချကြောင်း ပြောကြားခဲ့သည်။ 


ရိုဟင်ဂျာ အသိုင်းအ၀န်း ကိုယ်စား ဗြိတိန် နိုင်ငံရောက် မြန်မာ ရိုဟင်ဂျာများ အသင်း ဥက္ကဌ ဦးထွန်းခင်က လွန်ခဲ့သည့် ရက်ပိုင်းက မြန်မာ့ တပ်မတော်က လက်နက်ကြီးဖြင့် ပစ်ခတ်မှုတွင် ကျဆုံးသွားသည့် ဗိုလ်လောင်း များ၏ မိသားစု များနှင့် ထပ်တူ ၀မ်းနည်း ကြေကွဲရကြောင်း၊ ကချင်ပြည်ကို ကာကွယ် စောင့်ရှောက် နေသည့် ကချင် လူမျိုးများနှင့် စည်းလုံး ညီညွတ်စွာ ရှိသည့် အပြင် မြန်မာ အစိုးရ၏ ဖိနှိပ် ညှဉ်းပန်းမှုကို ခံနေရသည့် တိုင်းရင်းသား ညီအစ်ကို မောင်နှမ များနှင့် လက်တွဲ၍ အတူ လုပ်ကိုင် လိုကြောင်း၊ ရိုဟင်ဂျာ လူမျိုးသည် နိုင်ငံတော်၏ အသိအမှတ်ပြု တိုင်းရင်းသား ဘ၀မှ ပယ်ထုတ် ခံရသော်လည်း နိုင်ငံအတွင်းရှိ လူမျိုးစုများ အားလုံးကို မိမိတို့၏ ဆွေမျိုး သားချင်း ကဲ့သို့သာ သဘောထားကြောင်း၊ ဖဒရယ် ပြည်ထောင်စု မြန်မာနိုင်ငံ တည်ဆောက်ရန် အတွက် လူမျိုးစုများ အကြား ချစ်ကြည် ရင်းနှီးမှု၊ ဘာသာပေါင်းစုံ ချစ်ကြည် ရင်းနှီးမှု၊ လူတိုင်း အတွက် ဥပဒေနှင့် အခွင့်အရေးများ ရှိနေမှသာ တည်ဆောက် နိုင်မည် ဖြစ်ကြောင်း ထည့်သွင်း ပြောကြားခဲ့သည်။

ဆန္ဒပြပွဲကို နေ့လည် ၂း၃၀ နာရီတွင် ရုတ်သိမ်းခဲ့ပြီး၊ ပါဝင် တက်ရောက် သူများက နိုဝင်ဘာလ (၁၉) ရက်နေ့က မြန်မာ့ တပ်မတော်မှ ပစ်ခတ်မှု အတွက် ပြင်းထန်စွာ ရှုတ်ချခဲ့ကြောင်း သတင်း ရရှိပါသည်။

Comment ရေးရန်

Rohingya Exodus