နောက်ဆုံးသတင်း/ဆောင်းပါးများ

ရေတွင်းပြင် ကျေးရွာ အုပ်ချုပ်ရေးမှူး၏ ဓါးပြဂိုဏ်းက ကျွန်းပေါက် ဆင်အိုး ကျေးရွာသို့ ၀င်ရောက်၍ ဓါးပြတိုက်



RB News
29.12.2014

တောင်ပြိုလက်ဝဲ ။ ။ ရခိုင်ပြည်နယ်၊ မောင်တောခရိုင်၊ တောင်ပြိုလက်ဝဲ မြို့နယ်ခွဲ၊ ရေတွင်းပြင် ကျေးရွာ အုပ်ချုပ်ရေးမှူး ဦးကျော်ဆွေ ကျောထောက် နောက်ခံပေး ထားသည့် ဓါးပြဂိုဏ်းက ကျွန်းပေါက်ဆင်အိုး ကျေးရွာသို့ ၀င်ရောက်၍ ဓါးပြတိုက် ခဲ့ကြောင်း သတင်း ရရှိပါသည်။

ဒီဇင်ဘာလ ၂၉ ရက်နေ့ နံနက် ၂ နာရီ အချိန်ခန့်တွင် မောင်တော ခရိုင်၊ တောင်ပြိုလက်ဝဲ မြို့နယ်ခွဲ၊ ကျွန်းပေါက်ဆင်အိုး ကျေးရွာအုပ်စုသို့ ရေတွင်းပြင် ကျေးရွာ အုပ်ချုပ်ရေးမှူး ဦးကျော်ဆွေ ကျောထောက် နောက်ခံ ပေးထားသည့် ဓါးပြဂိုဏ်း ၀င်ရောက်၍ ကိုမူဂျို (ဘ) ဦးနူရ်မာမတ်၏ နေအိမ်ကို ဓါးပြတိုက်ခဲ့ကြောင်း ဒေသခံ တစ်ဦးက RB News သို့ပြောပါသည်။ ဓါးပြတိုက်သူ ၁၄ ဦးခန့် နေအိမ် အတွင်းသို့ ၀င်ရောက်၍ ငွေများ၊ အဖိုးတန် ပစ္စည်းများနှင့် အ၀တ်အထည်များ ယူဆောင် သွားခဲ့သည့် အပြင် ၎င်းတို့ကို ၀ိုင်းဝန်း ဖမ်းဆီးသည့် ရွာသားများကို သေနတ်ဖြင့် ပစ်ခတ်မှုကြောင့် အပြစ်မဲ့ ရွာသား နှစ်ဦး ပြင်းထန်စွာ ဒဏ်ရာ ရရှိခဲ့ကြောင်း သိရှိရပါသည်။ ဒဏ်ရာ ရရှိသွားသည့် ကိုရှုနိုက် (ဘ) ဦးနူရ်မာမတ်နှင့် ဦးဒိလ်ဒါရ် တို့ကို ကြိမ်ချောင်း ဆေးရုံသို့ ပို့ဆောင် ခဲ့သော်လည်း ကြိမ်ချောင်း ဆေးရုံက လက်မခံသဖြင့် မောင်တော ဆေးရုံသို့ ပို့လိုက် ရသည်ဟု အဆိုပါ ဒေသခံက ပြောပါသည်။

ထို့အပြင် ကိုမူဂျို၏ ဇနီးဖြစ်သူ နားတွင် ၀တ်ဆင် ထားသည့် နားကပ်ကို ဓါးပြများက နားအုံပါ ဖြတ်၍ ယူသဖြင့် ၎င်းကိုလည်း ဆေးရုံတင် ထားရကြောင်း သိရှိရသည်။

ဓါးပြတိုက်သူ ၁၄ ဦးထဲတွင် ဦးဆာနိုး၏ သားများ၊ ကျွန်းပေါက် ပြုစု ကျေးရွာ၊ ဘော်တလီ (၁) ရွာတွင် အ.ထ.စ မရှိဘဲ နေထိုင်သူ အချို့ ပါဝင်သည်ဟု ဒေသခံများက ပြောပါသည်။ ဒေသခံများက ဓါးပြ အချို့၏ အမည်များကို သိသော်လည်း ၎င်းတို့ အနေဖြင့် ထပ်မံ၍ သေနတ်ဖြင့် ပစ်ခံရမည်ကို စိုးရိမ်၍ ပြောရန် ကြောက်ရွံ နေကြသည်ဟု ဆိုသည်။

ယခုကဲ့သို့ မကြာခဏ ဓါးပြတိုက် ခံနေရခြင်းနှင့် ပတ်သက်၍ ရေတွင်းပြင် ကျေးရွာ အုပ်ချုပ်ရေးမှူး ဦးကျော်ဆွေကို ဥပဒေနှင့် အညီ စစ်ဆေးမည် ဆိုပါက အမှုမှန် ပေါ်ပေါက်မည့် အပြင် ဓါးပြဂိုဏ်းကို နိုင်ငံတော် အစိုးရမှ သုတ်သင် ရှင်းလင်း နိုင်လိမ့်မည် ဖြစ်သည်ဟု ဒေသခံ တစ်ဦးက RB News သို့ပြောပါသည်။ ရေတွင်းပြင် ကျေးရွာ အုပ်ချုပ်ရေးမှူး ဦးကျော်ဆွေသည် နယ်ခြားစောင့် ရဲတပ်ဖွဲ့မှ တပ်ရင်းမှူး တစ်ဦး ဖြစ်သူ ဒုရဲမှူးကြီး မိုးညိုကို ဝေစုခွဲ ပေးနေသည့် အတွက် ဒေသခံများ အနေဖြင့် ဥပဒေ၏ ကာကွယ်မှု ရအောင် ကြိုးစားမရ ဖြစ်နေသည်ဟု ဆိုသည်။ ထို့အပြင် အဆိုပါ ဓါးပြဂိုဏ်းနှင့် အုပ်ချုပ်ရေးမှူး ဦးကျော်ဆွေ တို့သည် မူးယစ် ဆေးဝါး အရောင်းအ၀ယ် များတွင်လည်း ပါဝင် ပတ်သက်မှုများ ရှိနေသည်ဟု ဒေသခံများက ပြောပါသည်။

Comment ရေးရန်

Rohingya Exodus