ဘူးသီးတောင် ညောင်ချောင်း ကျေးရွာမှ ဒေသခံ တစ်ဦး ငွေကျပ် တစ်သိန်း ညှစ်ခံရ
MYARF
RB News
22.12.2014
ဘူးသီးတောင် ။ ။ ရခိုင်ပြည်နယ်၊ ဘူးသီးတောင် မြို့နယ် ညောင်းချောင်း ကျေးရွာမှ ဒေသခံ ရိုဟင်ဂျာ တစ်ဦးကို ယာယီ လုံခြုံရေး ကင်းစခန်း တာဝန်ခံ ဗိုလ်ကြီး၏ အမိန့်အရဟု ဆိုကာ စစ်သား နှစ်ဦးနှင့် ဒေသခံ တစ်ဦးက ငွေကျပ် တစ်သိန်း ညှစ်ယူခဲ့ကြောင်း သတင်း ရရှိပါသည်။
ဒီဇင်ဘာလ (၁၆) ရက်နေ့ နံနက် ၁၀ နာရီ အချိန်တွင် ဘူးသီးတောင် မြို့နယ် ညောင်ချောင်း ကျေးရွာမှ ဒေသခံ တစ်ဦး ဖြစ်သည့် အထည်ဆိုင် ပိုင်ရှင် ဦးနူရ်အစ္စလာမ် (ဘ) ဦးအာဘူလ်ဟူဆောင်း (အသက် ၅၀ နှစ်) ထံ စစ်သား နှစ်ဦးနှင့် ဦးဆော်လိမ် (ဘ) ဦးအီမာန်ဟူစိန်းတို့ ရောက်ရှိလာပြီး စိမ်းညှင်းပြား ကျေးရွာ အခြေစိုက် ယာယီ လုံခြုံရေး ကင်းစခန်း၏ တာဝန်ခံ ဗိုလ်ကြီး၏ အမိန့်အရဟု ဆိုကာ ငွေကျပ် တစ်သိန်းကို အကြောင်းမဲ့ ညှစ်ယူ ခဲ့ကြောင်း ဒေသခံ တစ်ဦးက RB News သို့ပြောပါသည်။
ဦးနူရ်အစ္စလာမ်သည် ၎င်းကျေးရွာ အုပ်စုတွင် လူသိများသော ဂုဏ်သရေရှိ လူကြီး လူကောင်း တစ်ဦး ဖြစ်ပြီး၊ မည်သည့် ပြစ်မှု တစ်စုံတစ်ရာကို ကျူးလွန် ထားသူ မဟုတ်ဘဲ၊ အကြောင်းမဲ့ ငွေညှစ်ခံရခြင်း ဖြစ်သည်ဟု အဆိုပါ ဒေသခံက ပြောပါသည်။
