နောက်ဆုံးသတင်း/ဆောင်းပါးများ

လူဦးရေ တိုးပွားမှုနှုန်း ထိန်းညှိခြင်း ဥပဒေကြမ်း ထုတ်ပြန်



3.12.2014

အစိုးရက ရေးဆွဲထားတဲ့ လူဦးရေ တိုးပွားနှုန်း ထိန်းညှိခြင်း ဆိုင်ရာ ကျန်းမာရေး စောင့်ရှောက်မှု ဥပဒေကြမ်းကို ဒီနေ့ထုတ် အစိုးရ သတင်းစာတွေမှာ ဖေါ်ပြလိုက်ပါတယ်။

အဲ့ဒီ ဥပဒေကြမ်းမှာ အိမ်ထောင်ရှင်မ တစ်ဦးဟာ ကလေး တစ်ယောက် မွေးဖွားပြီး နောက်ထပ် ကလေးတစ် ယောက်ကို အနည်းဆုံး ၃ နှစ်ကြာပြီးမှ မွေးဖွားရမယ်လို့ ပါရှိပါတယ်။

မြန်မာနိုင်ငံမှာ ဆင်းရဲ နွမ်းပါးမှု လျော့ကျပြီး လူနေမှု ဘ၀ မြင့်မားဖို့ အတွက် ရည်ရွယ်ပြီး လူဦးရေ တိုးပွားနှုန်း ထိန်းညှိခြင်း ဆိုင်ရာ ကျန်းမာရေး စောင့်ရှောက်မှု လုပ်ငန်းတွေကို ဆောင်ရွက်နိုင်ဖို့ ဒီဥပဒေကြမ်းကို ရေးဆွဲတာ ဖြစ်တယ်လို့ ဖော်ပြထားပါတယ်။

အဲ့ဒီဥပဒေကြမ်းမှာ လူဦးရေ တိုးမြင့် နေတာနဲ့ ကလေး မွေးဖွားနှုန်း မြင့်တက် နေတာကို ထိန်းညှိဖို့ အတွက် သားဆက်ခြားတဲ့ ကျန်းမာရေး စောင့်ရှောက်မှုတွေ အသိ ပညာ ပေးတာတွေ ပြုလုပ်မှာ ဖြစ်တယ်လို့ ပါရှိပါတယ်။

မြန်မာနိုင်ငံအတွင်းက လူဦးရေများတဲ့ဒေသ၊ ကလေးမွေးဖွားမှုနှုန်းမြင့်နေတဲ့ဒေသ၊ မိခင်နဲ့ကလေးသေဆုံးမှု နှုန်းမြင့်မားတဲ့ဒေသ၊ လူဦးရေနဲ့သယံဇာတ အချိုးညီမျှမှုမရှိတဲ့ဒေသ၊ စားနပ်ရိက္ခာမလုံလောက်တဲ့ ဒေသတွေကို သက်ဆိုင်ရာတိုင်းဒေသကြီးနဲ့ ပြည်နယ်အစိုးရက စာရင်းကောက်ယူပြီး လူဦးရေတိုးပွားနှုန်းထိန်းညှိဖို့အတွက် ကျန်းမာရေးစောင့်ရှောက်မှုပေးရမယ့် အထူးဒေသအဖြစ် အမိန့်ကြေငြာချက်ထုတ်ပြန်သတ်မှတ်မှာဖြစ်ပါတယ်။

အစိုးရကရေးဆွဲထားတဲ့ လူဦးရေတိုးပွားနှုန်းထိန်းညှိခြင်း ဆိုင်ရာကျန်းမာရေးစောင့်ရှောက်မှု ဥပဒေကြမ်းဟာ အမျိုးဘာသာသာသနာစောင့်ရှောက်ရေးအဖွဲ့က ပြဌာန်းပေးဖို့ အစိုးရကို တောင်းဆိုထားတဲ့ မျိုးစောင့်ဥပဒေ ၄ခုထဲက တစ်ခုဖြစ်ပါတယ်။

ဒီအတောအတွင်း နိုင်ငံတော်သမ္မတရဲ့ညွှန်ကြားချက်နဲ့ ရေးဆွဲနေတဲ့ တစ်လင်တစ်မယားစနစ် ကျင့်သုံးခြင်း ဆိုင်ရာဥပဒေကြမ်းကို ပြည်ထောင်စုတရားလွှတ်တော်ချုပ်က နိုဝင်ဘာလ ၂၆ ရက်နေ့က လွှတ်တော်ကို တင်သွင်းလိုက်ပြီဖြစ်ပါတယ်။ ဒီဥပဒေကြမ်းမှာ တစ်လင်တစ်မယားစနစ်ကို ကျူးလွန်ဖောက်ဖျက်သူအနေနဲ့ ဥပဒေပုဒ်မ ၄၉၅ အရ ပြစ်မှုကျူးလွန်တယ်လို့ မှတ်ယူမှာဖြစ်ပြီး နှစ်ဦးပိုင်ပစ္စည်းနဲ့ပတ်သက်ပြီးလည်း အခွင့် အရေးဆုံးရှုံးမှာဖြစ်တယ်လို့ ဖော်ပြထားပါတယ်။

Comment ရေးရန်

Rohingya Exodus