နောက်ဆုံးသတင်း/ဆောင်းပါးများ

မြောက်ကိုရီးယား ကိစ္စ ICC တင်ဖို့ ကုလဆုံးဖြတ်



19.12.2014

လူ့အခွင့် အရေး ချိုးဖောက်မှုတွေ အတွက် မြောက်ကိုရီးယား ကို နိုင်ငံတကာ ပြစ်မှု ဆိုင်ရာ တရားရုံးကို လွှဲပြောင်း ပေးဖို့ တိုက်တွန်းတဲ့ ဆုံးဖြတ်ချက် တရပ်ကို ကုလသမဂ္ဂ အထွေထွေ ညီလာခံက မနေ့က ကြာသပတေးနေ့က အတည်ပြု လိုက်ပါတယ်။ မဖြစ်မနေ လိုက်နာစရာ မလိုတဲ့ ဒီဆုံးဖြတ်ချက်က မြောက်ကိုရီးယားရဲ့ လူသားထု အပေါ် ကျူးလွန်တဲ့ ရာဇ၀တ် ပြစ်မှု တွေကို စုံစမ်း စစ်ဆေးဖို့ မြောက်ကိုရီးယားကို ICC နိုင်ငံတကာ ပြစ်မှု ဆိုင်ရာ တရားရုံးကို လွှဲပြောင်း ပေးဖို့ အတွက် လုံခြုံရေး ကောင်စီကို တိုက်တွန်း ထားတာ ဖြစ်ပါတယ်။

မြောက်ကိုရီးယား နိုင်ငံရဲ့ လူ့အခွင့် အရေး အခြေ အနေကို လုံခြုံရေး ကောင်စီမှာ လာမယ့် တနင်္လာနေ့ ကျရင် ဆွေးနွေး ကြမှာ ဖြစ်ပေမဲ့ မြောက်ကိုရီးယားကို နိုင်ငံတကာ ပြစ်မှုဆိုင်ရာ တရားရုံးကို လွှဲပြောင်းဖို့ ကိစ္စကတော့ မြောက်ကိုရီးယားရဲ့ အဓိက မဟာမိတ် တရုတ် နိုင်ငံက ဗီတို အာဏာသုံး ပယ်ချ နိုင်ဖွယ် ရှိနေတာကြောင့် ဖြစ်နိုင်ဖွယ် သိပ်မရှိ လှပါဘူး။

ဒါပေမဲ့လည်း လုံခြုံရေး ကောင်စီကို ခုလို တိုက်တွန်းခြင်း အားဖြင့် မြောက်ကိုရီးယား ရဲ့ ချိုးဖောက်မှုတွေကို ပိုပြီး ထင်ရှားအောင် ဖော်ပြရာ ကျသလို၊ တရုတ် အစိုးရ အပေါ် ပြင်းထန်တဲ့ နိုင်ငံရေး ဖိအား ပေးရာလည်း ကျပါတယ်။

ကုလသမဂ္ဂ ဆိုင်ရာ မြောက်ကိုရီးယား ဒုသံအမတ်ကြီး An Myong Hun ကတော့ အထွေထွေ ညီလာခံရဲ့ ဆုံးဖြတ်ချက်ကို မြောက်ကိုရီးယား က ပယ်ချကြောင်းနဲ့ ဒါဟာ နိုင်ငံရေး လုပ်ကြံမှု၊ ပဋိပက္ခ ဖြစ်အောင် လုပ်ဆောင်မှုလို့ ပြောဆို လိုက်ပါတယ်။

အခုချမှတ်တဲ့ ဆုံးဖြတ်ချက်ဟာ ပြီးခဲ့တဲ့ ဖေဖော်ဝါရီလက ကုလသမဂ္ဂ စုံစမ်း စစ်ဆေးရေး ကော်မရှင်ကနေ မြောက်ကိုရီးယား နိုင်ငံတွင်း စနစ်တကျ ဖမ်းဆီး သတ်ဖြတ်မှု၊ နှိပ်စက် ညှင်းပမ်းမှု၊ အတင်းအဓမ္မ ပြုကျင့်မှုနဲ့ လူတွေ အများ အပြားကို အစာရေစာ ငတ်ပြတ်အောင် လုပ်ဆောင်မှုတွေ ဆယ်စုနှစ် တွေနဲ့ချီ ရှိနေတာနဲ့ ပတ်သက်လို့ အသေးစိတ် ဖော်ပြထားတဲ့ အစီရင်ခံစာ အပေါ်မှာ အခြေခံတာ ဖြစ်ပါတယ်။

မြောက်ကိုရီးယားရဲ့ လူ့အခွင့် အရေး ချိုးဖောက်မှု တွေဟာ ခေတ်သစ် ကမ္ဘာကြီးမှာ ဘယ်လိုမှ လက်မခံ နိုင်စရာ မရှိတဲ့ ကိစ္စတွေ ဖြစ်တယ်လို့ ဒီ အစီရင်ခံစာမှာ ဖော်ပြ ထားတာပါ။

Comment ရေးရန်

Rohingya Exodus