ဖိနပ်တစ်ရံကပြောသော သစ္စာတရား
ရိုဟင်စိုးမိုးဝင်း (MYARF)
RB News
18.1.2015
ကျွန်တော့်နာမည်က မစ္စတာ ဖိနပ်မောင် .. ။
ကျွန်တော့် တာဝန်က လူသားတွေရဲ့ ခြေဖ၀ါးနုနုလေးတွေကို ကာကွယ်ပေးရုံသာ ဖြစ်ပါတယ်။ လူတွေက ဘယ်သွားသွား ကျွန်တော့်ကို ခေါ်သွားတယ်။ သူတို့ရဲ့ အစောင့်တော် တစ်ယောက် အနေနဲ့ပေါ့။ သူတစ်ပါးကို စောင့်ရှောက်ရတဲ့ တာဝန်တစ်ခု ထမ်းဆောင်ရတဲ့ အတွက်လည်း အတော့်ကို ဂုဏ်ယူမိပါတယ်။ ဒီလိုနဲ့ ကျွန်တော်လည်း လူသားတွေရဲ့ အသိအမှတ်ပြုခြင်း၊ ကြင်နာခြင်းတွေကို ခံရတယ်။ လူအမျိုးမျိုးနဲ့လည်း ရင်းနှီးလာတယ်။ လူတွေရဲ့ စိတ်နေ သဘောထား တွေကိုလည်း အကဲဖြတ် နိုင်တဲ့ စွမ်းရည်တွေ ရလာတယ်။ စိတ်ကောက်တဲ့ လူတွေ အတွေ့ရများတယ်။ စာနာမှု ကင်းမဲ့တဲ့ လူတွေလည်း တပုံကြီးပါဘဲ။ အထူးသဖြင့် အရင်က စစ်ဖိနပ် (အဲ .. ဘွတ်ဖိနပ်) စီးခဲ့ပြီး ယခု သဲကြိုးဖိနပ်စီးနေတဲ့ လူတွေက ကျားသရဲလို ရိုင်းလိုက်တာ။
အဲ့လူတွေကလေ .. ကမ္ဘာကြီးကိုတောင် လိမ်ဖို့ ကြိုးစားနေတာ။ သမိုင်းကို သူတို့ ကိုယ်တိုင် ဖန်တီးဖို့ ကြိုးစားနေတာ။ ကမ္ဘာကြီးကို အမှောင်ချဖို့ ကြိုးစားနေတာ။ လွန်ရော .. လွန်ရော .. ။
တကယ်ပြောရရင် ဒါတွေဟာ မဖြစ်သင့်တဲ့ ကိစ္စတွေပါပဲ။ ကျွန်တော်က လူတွေကို စောင့်ရှောက်ဖို့ တာဝန်တစ်ခု ယူထားပေမယ့် ဒီလို လူစားမျိုးတွေကို ကျွန်တော် ပါးရိုက်ချင်တယ်။ ကျွန်တော့် အရိုက် ခံရရင် အဲ့လူတွေဟာ သုံးမစားနိုင် လုပ်မစားနိုင် ဖြစ်တဲ့အထိ သိက္ခာကျသွားနိုင်တယ် ဆိုတဲ့ အသိတရားကို မမေ့သင့်ပေ။
ကျွန်တော့် အရိုက်မခံရအောင် အမှန်တရားကိုသာ စောင့်ထိန်းပေတော့ ..။ သိက္ခာ အကျိုးမျှော်၍ နှိုးဆော် အပ်ကြောင်းပါ ခင်ဗျား ..။ လူသား အားလုံး သိက္ခာရှိရှိ နေထိုင်ရင်း ပျော်ရွှင်ဖွယ် ဘ၀ကို ပိုင်ဆိုင်နိုင်ကြပါစေကြောင်း ဆန္ဒပြုအပ်ပါသည်။
