နောက်ဆုံးသတင်း/ဆောင်းပါးများ

အိမ်မြေ၊ စီးပွား၊ လုယက်ခံ ကမန် တိုင်းရင်းသားများ၏ မူရင်းနေရာများ ပြန်ပေးမည် မဟုတ်ဟု အစိုးရပြော

RB News
1.2.2015

ကျောက်ဖြူ  ။ ။ ရခိုင်ပြည်နယ်၊ ကျောက်ဖြူမြို့နယ်တွင် မှီတင်းနေထိုင်ကြသည့် တိုင်းရင်းသား ကမန်လူမျိုးများ ပိုင်ဆိုင်သည့် အိုးအိမ် စီးပွားရေး လုပ်ငန်းများအား ၂၀၁၂ ခုနှစ် အောက်တိုဘာလ ၂၁ ရက်မှ ၂၅ ရက် အတွင်း မည်သည့် အကြောင်းပြချက်မှ မရှိဘဲ၊ ပုဒ်မ ၁၄၄ ထုတ်ထားသည့် ကြားမှ အောက်တိုဘာလ ၁၈ ရက်နေ့တွင် ကျင်းပခဲ့သည့် OIC ဆန္ဒပြပွဲ နောက်ဆက်တွဲ အဖြစ် ရခိုင်လူမျိုးများက တိုက်ခိုက် မီးရှို့ပြီး ကျောက်တစ်လုံး ဒုက္ခသည် စခန်းသို့ အတင်းအဓမ္မ ပို့ဆောင်ကာ ၎င်းတို့၏ သဘောဆန္ဒ မပါဘဲ နေထိုင်စေခဲ့သည်။ မြန်မာနိုင်ငံ၏ တရားဝင် တိုင်းရင်းသား ၁၃၅ မျိုးထဲတွင် သတ်မှတ်ခံရသည့် တိုင်းရင်းသား လူမျိုးစု ဖြစ်သော်ငြားလည်း ဥပဒေ၏ အကာအကွယ် ပေးခြင်းကို မခံရဘဲ အတင်းမောင်းထုတ် ခံခဲ့ရသည့် အပြင် မိမိအိမ်မဟုတ်ဘဲ လူသူမနီးသည့် ဆားချက်သည့် ကွင်းအတွင်း၊ မီး၊ရေ၊ အမိုးအကာ မရှိဘဲ နေထိုင်ရသည့် အတွက် ကျန်းမာရေး ချိုတဲ့မှုများ၊ ပညာရေး အခက်အခဲများ၊ လူမှု အခွင့်အရေးများ အားလုံး ဆုံးရှုံးခဲ့ရသည်မှာ ၂ နှစ်ကျော်လာခဲ့ပြီ ဖြစ်သည်။

နောက်ပိုင်းတွင်မှ နေထိုင်စရာ အမိုးအကာပါ တဲတန်းလျားများ ဆောက်လုပ်ပေးသည့်အတွက် ကမန်မိသားစုများမှာ ကနဦးတွင် အကျပ်အတည်းပေါင်းစုံဖြင့် နေထိုင်ခဲ့ရသည်။ မည်သည့် အကြောင်းတရားမှ မရှိဘဲ ကိုးကွယ်ရာ ဘာသာတရား မတူရုံမျှဖြင့် ဒုက္ခသည်စခန်းသို့ အတင်းပို့ဆောင်ခံ ခဲ့ရသည့် ၂ နှစ် အတွင်း ကျန်းမာရေး စောင့်ရှောက်ခံရမှု၊ ပညာသင်ကြားခွင့်၊ အလုပ်လုပ်ကိုင်ခွင့် မရခဲ့ဘဲ၊ အများ ထောက်ပံ့သော ဆန်ကြမ်း၊ ပဲကြမ်းလောက်ဖြင့်သာ ငတ်တစ်လှည့်၊ ပြတ်တစ်လှည့် အသက်ရှင်သန်နေရသည်။ ဒုက္ခသည် စခန်း အတွင်း နေထိုင်စဉ် ကမန်တိုင်းရင်းသား ၅၁ ဦးတိတိ ကျန်းမာရေး စောင့်ရှောက် ခံယူရမှု မရှိ၊ ဆေးဝါး မလုံလောက်မှုများ အပြင် အာဟာရ ချို့တဲ့မှုတို့ကြောင့် မသေဆုံးသင့်ဘဲ သေဆုံးခဲ့ရပြီး ဖြစ်သည်။

စခန်းသို့ လာရောက်သော ရခိုင်ပြည်နယ် ၀န်ကြီးချုပ်များ၊ ၀န်ကြီးများ၊ ဌာနဆိုင်ရာ အကြီးအကဲ များအား ၎င်းတို့မှာ တိုင်းရင်းသား ဖြစ်နေပါလျှက် ၎င်းတို့ အဘယ်ကြောင့် တိုက်ခိုက် ခံခဲ့ရပါသနည်း၊ မည်သည့် အတွက်ကြောင့် ဒုက္ခသည် စခန်းသို့ အပို့ခံခဲ့ပါသနည်း စသော မေးခွန်းများအား လူကြီးအဆင့်ဆင့်မှ ဖြေဆိုခြင်း မရှိဘဲ ခေတ္တ စောင့်ဆိုင်း ပေးရန်ဆိုသည့် အဖြေသာရခဲ့သည်။ ချွေးသွေး အပင်ပန်းခံကာ ရှာဖွေ ခဲ့ရသော စီးပွား ဥစ္စာများလည်း လုယက် မီးရှို့ခြင်း ခံခဲ့ရပြီး တရားဝင် နေထိုင် ပိုင်ဆိုင်ခဲ့သော ဘိုးဘွားပိုင်မြေများ ပေါ်ရှိ အိမ်များမှာလည်း လုယက် ဖျက်ဆီးသူ များကြောင့် အတွင်း ပစ္စည်းများ အပါအ၀င် အားလုံး ဆုံးရှုံးခဲ့ရသည်။ မည်သို့ပင်ဖြစ်စေ ကျောက်ဖြူမြို့ပေါ်ရှိ ကမန် တိုင်းရင်းသား တို့သည် မည်သည့် အကြမ်းဖက်မှုမျိုးကိုမှ မကျူးလွန်ခဲ့ဘဲ တဖက်သတ် အနိုင်ကျင့် မောင်းထုတ်ခံရသော တရားဝင် တိုင်းရင်းသားများ ဖြစ်သော်လည်း တစ်နေ့နေ့တွင် မိမိပိုင် နေအိမ်များတွင် ပြန်လည် နေထိုင်ခွင့် ရနိုးနိုးဖြင့် စောင့်မျှော် လာခဲ့သည်မှာ ၂ နှစ်ကြာလာခဲ့ပြီ ဖြစ်သည်။

၂ နှစ်အတွင်း ရခိုင်ပြည်နယ် ၀န်ကြီးချုပ် အပါအ၀င် နိုင်ငံတော် သမ္မတကြီး ဦးသိန်းစိန်ထိ လိပ်မူကာ စခန်းတွင်း အခြေအနေ များနှင့်ပတ်သက်ပြီး အကြိမ်ကြိမ် လက်မှတ် ရေးထိုး စာရေးသား တင်ပြခဲ့သော်လည်း မည်သည့် တုန့်ပြန်မှု အဖြေကိုမှ မရခဲ့ကြောင်း၊ စခန်းတွင်းရှိ ပညာသင်ယူခွင့် မရသော တိုင်းရင်းသား ကမန် ကျောင်းသား ကျောင်းသူ ကလေးငယ် အရေအတွက်မှာ ၃၃၀ ဦးရှိပြီး စာသင်ခန်းမရှိ၊ ပညာသင်ကြားပေးမည့် ဆရာ၊ ဆရာမများပင် မရှိကြောင်း၊ စခန်းတွင်းမှ ကျောင်းသူ ကျောင်းသား အဆင့်များမှ အချင်းချင်း မူလတန်းအဆင့်ကိုသာ သင်ပေး သင်ယူ လုပ်နိုင်ကြောင်း၊ တက္ကသိုလ် ၀င်တန်း အောင်မြင်မှု ရာခိုင်နှုန်း သုည အဆင့်သို့ ထိုးကျသွားပြီ ဖြစ်ကြောင်း၊ တက္ကသိုလ် အဆင့် ကျောင်းသား များမှာလည်း ဆက်လက် ပညာသင်ယူခွင့် ပိတ်ပင် ခံထားရဆဲ ဖြစ်ကြောင်း၊ ကျန်းမာရေး စောင့်ရှောက်ပေးမှု တစ်စုံတစ်ရာ မရှိခဲ့ကြောင်း၊ ရန်ကုန်ရှိ ဆွေမျိုး မိတ်သင်္ဂဟများ ထောက်ပံ့ပေးသော ဆေးဝါးများဖြင့်သာ ကျန်းမာရေး အခြေအနေကို ဆိုးဝါးစွာ ဖြတ်ကျော်နေ ခဲ့ရကြောင်း၊ စခန်းတွင်း ဆောက်ပေး ထားသော တန်းလျားများမှာလည်း ပြုပြင်ထိန်းသိမ်းမှု မရှိနိုင်သည့်အတွက် အမိုးအကာများ ပြိုကျ ပျက်စီးနေသည်မှာလည်း ကြာမြင့်နေခဲ့ပြီ ဖြစ်ကြောင်း သိရသည်။

ယခုတစ်ဖန် ရခိုင်ပြည်နယ် ၀န်ကြီးချုပ် ဦးမောင်မောင်အုန်း ဦးစီးသော အုပ်ချုပ်ရေး အဖွဲ့သည် ကျောက်ဖြူမြို့သို့ ရောက်ရှိ လာခဲ့ကြောင်း၊ ယနေ့ ဖေဖော်ဝါရီ ၁ ရက်နေ့ မနက်ပိုင်းတွင် ရခိုင်ပြည်နယ် ၀န်ကြီးချုပ် လက်အောက်မှ အုပ်ချုပ်ရေး အဖွဲ့ဝင်များမှ ဒုက္ခသည် စခန်းမှ ကိုယ်စားလှယ် ၄၀ အား ကျောက်ဖြူမြို့နယ် ခရိုင် အုပ်ချုပ်ရေးမှူးရုံးတွင် ခေါ်ယူ တွေ့ဆုံကာ "ကျောက်တစ်လုံး ဒုက္ခသည်စခန်းမှာ အမြဲနေထိုင်လိုပါက လုံးချင်း နေအိမ် အခိုင်အမာ ဆောက်လုပ်ပေးမယ်၊ မြို့ထဲက မူလနေထိုင်ခဲ့တဲ့ နေရာတွေမှာ နေခွင့် မပေးနိုင်တော့ဘူး၊ စခန်းထဲမှာ လုံးချင်းအိမ်နဲ့ အရင် နေလိုက်၊ နေချင်တဲ့ လူအခု စာရင်းလုပ်ပေး၊ ဒါဟာ ပထမအဆင့်၊ ဒုက္ခသည် စခန်းမှာ အမြဲတမ်း နေထိုင်ရမယ့် လုံးချင်းအိမ်ကို လက်ခံရင် နောက်ပိုင်းမှာ အဆင်ပြေရင် ပြေသလို လုပ်ကိုင် စားသောက်ဖို့ ဒုတိယ အဆင့်အနေနဲ့ ကျောက်ဖြူမြို့တွင်းကို မနက် ၆ နာရီကနေ ညနေ ၆ နာရီထိ ၀င်ရောက် စီးပွား လုပ်ကိုင်ခွင့် ပေးမယ်၊ ကျောက်ဖြူမြို့ပေါ်မှာ ပိုင်ဆိုင်ခဲ့တဲ့ အိုးအိမ် စီးပွားအကြောင်း ဒီမှာ လာမတင်ပြပါနဲ့၊ မဖြေရှင်းပေးနိုင်ဘူး၊ သန်းခေါင်စာရင်း၊ မှတ်ပုံတင်ကိစ္စ၊ စခန်းတွင်း လူဦးရေ၊ မွေးဖွားထားတဲ့ ကလေးကိစ္စ တွေကို ဒီမှာ မတင်ပြပါနဲ့။ ဘာမှ မဖြေရှင်းပေးနိုင်ဘူး၊ စခန်းမှာ အမြဲနေရင် လုံးချင်းအိမ် အခိုင်အမာ ဆောက်ပေးမယ်၊ အခု လောလောဆယ် ပြိုနေတဲ့ တန်းလျားတွေကို ပြန်ပြင်ခိုင်းပေးမယ်၊ ဒါကို လက်ခံတယ်၊ လက်မခံဘူး၊ ဒါပဲပြော၊ ကျန်တာ မပြောပါနဲ့။ ဆွေးနွေးဖို့ ခေါ်တာ မဟုတ်ဘူး၊ အသိပေးဖို့ ခေါ်တာ" စသည်ဖြင့် ရင့်ရင့်သီးသီး ပြောဆို ဆက်ဆံခဲ့ကြောင်း ကျောက်ဖြူမြို့မှ ဒေသခံ တစ်ဦးက RB News သို့ပြောပါသည်။

ကမန် ကိုယ်စားလှယ်များက မိမိတို့မှာ ခိုးဝင် ဘင်္ဂလီများ မဟုတ်သည့်အပြင် တရားဝင် တိုင်းရင်းသားများ ဖြစ်နေသော်လည်း ရခိုင်ပြည်နယ်ဝန်ကြီးချုပ် ဦးစီးသော အဖွဲ့မှ မည်သည့် အတွက်ကြောင့် ဤကဲ့သို့ တစ်ဖက်သတ် အနိုင်ကျင့် ဆက်ဆံသည်ကို တွေးမရခဲ့ကြောင်း၊ ကမန် ကိုယ်စားလှယ်များမှ "ပြိုကျနေတဲ့ တန်းလျားကိုလည်း ပြင် မပေးပါနဲ့၊ ပြိုကျရင်လည်း မြေကြီးပေါ်မှာ တစ်သက်လုံး ဒီအတိုင်း နေပါ့မယ်။ မြို့ထဲကို အ၀င်မခံနိုင်စရာ ဘာအကြောင်း ရှိနေပါသလဲ။ ရာဇ၀တ်သားလည်း မဟုတ်၊ ခိုးဝင်လည်း မဟုတ်တဲ့ လူတွေကို ဘာကြောင့် မြို့ပြင် ဒုက္ခသည် စခန်းမှာ တစ်သက်လုံး ထားချင်နေရ ပါသလဲ၊ တစ်သက်လုံး ထားရင် တစ်သက်လုံး နေမယ်၊ သေရင်လည်း စခန်းမှာပဲ သေမယ်။ ဘာမှ ပြင်ပေးစရာ မလိုဘူး၊ လုံးချင်းလည်း မယူချင်ပါ၊ မြို့ထဲက ကိုယ့်နေရာကိုပဲ ပြန်လိုချင် ပြန်နေချင်တယ်” ဟု ပြောဆို၍ ဖြေကြားခဲ့ကြောင်း သိရပါသည်။

ရခိုင်ဝန်ကြီးချုပ် ကိုယ်စားလှယ် အဖွဲ့မှ “ထပ်စဉ်းစားပါဦး၊ ခင်ဗျားတို့ ကောင်းဖို့ စီစဉ်ပေးနေတာ၊ မနက်ဖြန်မှ အဖြေပေးပါလို့ ပြန်ပြောခဲ့ကြောင်း၊ အခု သဘော မတူရင်လည်း သဘော မတူကြောင်း လက်မှတ်ထိုးပေးပါ” ဟု အတင်းအကျပ် ခိုင်းစေသည့် အတွက် စာရွက်လွတ်များ ပေါ်တွင် လက်မှတ် ရေးထိုးပေးခဲ့ ရကြောင်း သိရပါသည်။

ဆွေးနွေးပွဲသို့ ရခိုင်ပြည်နယ် ၀န်ကြီးချုပ် ဦးမောင်မောင်အုန်း ကိုယ်တိုင် တက်ရောက်ခြင်းမရှိဘဲ ကျောက်ဖြူမြို့နယ် ခလရ ၃၄ ဧည့်ရိပ်သာမှ စီမံကွပ်ကဲကာ သူ၏ လက်အောက်ငယ်သား အာဏာပိုင် များအား ဆွေးနွေးစေခဲ့ကြောင်း သိရသည်။

ရခိုင်ပြည်နယ် တောင်ပိုင်းရှိ ကမန်များနှင့် မြောက်ပိုင်းမှ ရိုဟင်ဂျာများသည် ရခိုင် ဒေသခံများ ဖြစ်သော်လည်း အစ္စလာမ် ဘာသာအား ကိုးကွယ်သည့် ကွဲပြားချက်အား အကြောင်းခံပြီး ရခိုင်ပြည်နယ် မြို့နယ် အသီးသီးရှိ မိမိပိုင် နေအိမ် စီးပွား ဥစ္စာများအား အတင်းအဓမ္မ စွန့်ခွာစေကာ IDP ဒုက္ခသည် စခန်းများသို့ အစိုးရ အစီအစဉ်ဖြင့် နေထိုင်စေသည်မှာ လွန်ခဲ့သည့် ၂၀၁၂ ခုနှစ် ဇွန်လမှ စ၍ ဖြစ်သည်။

ဒုက္ခသည် စခန်းသို့ အတင်းအကျပ် ပို့ဆောင် ခံရသော ကမန် တိုင်းရင်းသား ၁၄၁ ဦးမှ သမ္မတ ဦးသိန်းစိန် ထံသို့ လိပ်မူ ပေးပို့ထားသော စာကို ပူးတွဲ တင်ပြထားပါသည်။


RB News ၏ ဒေသခံ သတင်းထောက်မှ ပေးပို့သည်။ 





Comment ရေးရန်

Rohingya Exodus