ဂေါ်ဒူသာရ ကင်းစခန်းမှ နယ်ခြားစောင့် ရဲများက ဒေသခံများကို ညှဉ်းပန်း နှိပ်စက် ငွေညှစ်လျက်ရှိ
MYARF
RB News
5.3.2015
မောင်တော ။ ။ ရခိုင်ပြည်နယ်၊ မောင်တော မြို့နယ် တောင်ပိုင်း ဂေါ်ဒူသာရ တံတား ကင်းစခန်းမှ နယ်ခြားစောင့် ရဲများသည် လမ်းသွားလမ်းလာ ဒေသခံ ရိုဟင်ဂျာများကို အကြောင်းမဲ့ ရိုက်နှက် ညှဉ်းပန်း နှိပ်စက်ခြင်း၊ ငွေညှစ်ခြင်းများ ပြုလုပ်လျက် ရှိကြောင်း သတင်း ရရှိပါသည်။
မောင်တော မြို့နယ် တောင်ပိုင်း ဂေါ်ဒူသာရ တံတကား ကင်းစခန်းမှ နယ်ခြားစောင့် ရဲများသည် လမ်းသွားလမ်းလာ ဒေသခံ ရိုဟင်ဂျာများကို မတရား ရိုက်နှက် ညှဉ်းပန်း နှိပ်စက်လျက် ရှိကြောင်း ဒေသခံများက RB News သို့ပြောသည်။ လမ်းသွားလမ်းလာ ဒေသခံ ရိုဟင်ဂျာများထံမှ ရွာထွက် လက်မှတ် စစ်ဆေးခြင်း၊ ရွာထွက် လက်မှတ်ပြလျှင် ယာယီ ကဒ်ပြား ပြခိုင်းခြင်း၊ နှစ်ခုလုံး ရှိသည် ဖြစ်စေ၊ မရှိသည်ဖြစ်စေ နယ်ခြားစောင့် ရဲများက စိတ်တိုင်းကျ ငွေတောင်းခံခြင်း၊ ငွေမပေးနိုင်သူများကို စိတ်တိုင်းကျ ရိုက်နှက်ခြင်း၊ ချုပ်နှောင် ထားခြင်း၊ အမျိုးသမီး များကို မဖွယ်မရာ ပြောဆိုခြင်း၊ ကိုယ်ထိ လက်ရောက် စော်ကား၍ စစ်ဆေးခြင်း၊ လမ်းဘေးတွင် ထိုင်ခိုင်း ထားခြင်း၊ ညစ်ညမ်းစွာ ဆဲဆိုခြင်းများ ပြုလုပ်လျက် ရှိကြောင်း ဒေသခံများက ပြောသည်။
ယနေ့ မတ်လ (၅) ရက်နေ့ နံနက်ပိုင်းတွင် မောင်တောမှ ဂေါ်ဒူသာရသို့ သွားနေသည့် ကားတစ်စီးဖြင့် ဂေါ်ဒူသာရတွင် ကျင်းပနေသည့် မင်္ဂလာဆောင်ပွဲသို့ သွားနေသော မြို့မ ကညင်တန်း ကျေးရွာ အုပ်စု၊ မောင်နီရွာမှ အပ်ချုပ်ဆရာ ဦးလာလားယား ကိုလည်း အကြောင်းမဲ့ ရိုက်နှက်ကာ ၎င်း၏ မြန်မာ့ ဆက်သွယ်ရေး လုပ်ငန်းမှ ဂျီအက်စ်အမ် ဖုန်း၊ ယာယီကဒ်ပြားနှင့် ရွာထွက် လက်မှတ်တို့ကို သိမ်းယူခဲ့သည့် အပြင် အခြား ခရီးသည်များနှင့် ကားသမား များကိုလည်း ရိုက်နှက်ခဲ့သည်။
ဂေါ်ဒူသာရမှ ဒေသခံ ရွာသားများကိုလည်း ဖေဖော်ဝါရီလ (၉) ရက်နေ့ ညပိုင်းတွင် ရဲမှူး ငြိမ်းချမ်းအေးနှင့် အတူ တရားခံ သွားဖမ်းချိန်တွင် ဆူပူ အော်ဟစ်ခဲ့ရာတွင် ပါဝင်ခဲ့သည်ဟု လုပ်ကြံ စွပ်စွဲ၍ ရိုက်နှက်ခြင်း၊ တနေကုန် လမ်းဘေး နေပူထဲတွင် ထိုင်ခိုင်းထားခြင်း၊ ငွေညှစ်ခြင်းများ ပြုလုပ်လျက် ရှိသည်ဟု ဆိုသည်။
