နောက်ဆုံးသတင်း/ဆောင်းပါးများ

သင်္ဘောကွဲမှ ဒေသခံများ ငွေညှစ်ခံရ၊ ကျောက်ပန္ဒူမှ အပြစ်မဲ့ တစ်ဦး ရိုက်နှက်ခံရ



MYARF
RB News
18.3.2015

မောင်တော ။ ။ ရခိုင်ပြည်နယ်၊ မောင်တောမြို့နယ် တောင်ပိုင်း သင်္ဘောကွဲ ကျေးရွာအုပ်စု အုပ်ချုပ်ရေးမှူးနှင့် နယ်ခြားစောင့် ရဲတပ်ဖွဲ့တို့ ပူးပေါင်း၍ ဒေသခံများထံမှ ငွေညှစ်ခဲ့ပြီး၊ ကျောက်ပန္ဒူ ကျေးရွာ အခြေစိုက် နယ်ခြားစောင့် ရဲများက အပြစ်မဲ့ ဒေသခံ တစ်ဦးကို လူမဆန်စွာ ရိုက်နှက် ခဲ့ကြောင်း သတင်း ရရှိပါသည်။

မောင်တောမြို့နယ် တောင်ပိုင်း၊ သင်္ဘောကွဲ ကျေးရွာအုပ်စု၊ ကျေးရွာ အုပ်ချုပ်ရေးမှူး ဦးဆော်ယာဒ်ဟူစိန်း၊ ဦးနူရ်အာမတ်၊ ဦးဟာဆောင်း တို့သည် နယ်ခြားစောင့်ရဲများနှင့် ပူးပေါင်း၍ ၎င်းကျေးရွာမှ လူငယ် အချို့ကို ဘင်္ဂလားဒေ့ရ်ှသို့ တရားမ၀င် သွားရောက်ခဲ့သည်ဟု စွပ်စွဲ၍ ဖေဖော်ဝါရီလ (၂၈) ရက်နေ့က နယ်ခြားစောင့် ရဲတပ်ဖွဲ့ စခန်းသို့ ခေါ်ယူ၍ ငွေညှစ်ခဲ့ကြောင်း ဒေသခံများက RB News သို့ပြောပါသည်။

ငွေညှစ်ခံရသူများမှာ --

(၁) ဦးဆုလ်တာန် (ဘ) ဦးဆာလေ - သဘောင်္ကွဲ ကျေးရွာအုပ်စု၊ ရွာသစ်မှ - ညှစ်ခံရငွေကျပ် ၂၅၀၀၀/-
(၂) ဦးကော်ဘိရ်အာမတ် (ဘ) ဦးနူရ်အာမတ် - သဘောင်္ာကွဲ ကျေးရွာအုပ်စု၊ ရွာသစ်မှ - ညှစ်ခံရငွေကျပ် ၂၅၀၀၀/-
(၃) ဦးဆော်ယာဒ်အာလာမ် (ဘ) ဦးရော်ဟိမူလ္လာ - သဘောင်္ကွဲ ကျေးရွာအုပ်စု၊ ရွာသစ်မှ - ညှစ်ခံရငွေကျပ် ၅၀၀၀၀/-
(၄) ဦးဟိုရ်မာမတ် (ဘ) ဦးနီယာမတ်အုလ္လာ - သင်္ဘောကွဲ ကျေးရွာအုပ်စု၊ ရွာသစ်မှ - ညှစ်ခံရငွေကျပ် ၃၀၀၀၀/-
(၅) ဦးမော်ဂျိတ်အုလ္လာ (ဘ) ဦးအာဇီရာမန် - သင်္ဘောကွဲ ကျေးရွာအုပ်စု၊ ရွာသစ်မှ - ညှစ်ခံရငွေကျပ် ၃၀၀၀၀/-
(၆) ဦးဂျာဘူရာမန် (ဘ) ဦးမာမတ်ဆီဒိခ် - သင်္ဘောကွဲ ကျေးရွာအုပ်စု၊ ရွာသစ်မှ - ညှစ်ခံရငွေကျပ် ၂၀၀၀၀/- -- တို့ဖြစ်သည်။

ထို့အပြင် ဦးကော်ဘိရ်အာမတ် (ဘ) ဦးဇော်ဘောရ် ကို ဦးကော်ဘိရ်အာမတ် (ဘ) ဦးနူရ်အာမတ်နှင့် လူမှား၍ နယ်ခြားစောင့် ရဲများက ရိုက်နှက်ခဲ့သည်ဟု ဆိုသည်။

မတ်လ (၁၄) ရက်နေ့ကလည်း ကျေးရွာ အုပ်ချုပ်ရေးမှူး ဦးဆော်ယာဒ်ဟူစိန်း၊ ဦးနူရ်အာမတ်နှင့် ဦးဟာဆောင်း တို့က ၎င်းကျေးရွာအုပ်စု ရွာကြီးနေ ဦးမာမတ်ဆီဒိခ် (ဘ) ဦးအာဘူဆီဒိခ်နှင့် ဦးအေရှာဒူလ္လာ (ဘ) ဦးအဒူဆော်လာမ် တို့ကို တရားမ၀င် မလေးရှား နိုင်ငံသို့ လူပို့နေသည်ဟု လုပ်ကြံ စွပ်စွဲ၍ ငွေကျပ် တစ်သိန်းစီ ညှစ်ယူခဲ့ကြောင်း ဒေသခံများက ပြောပါသည်။

မတ်လ (၁၄) ရက်နေ့ကပင် နံနက် (၂) နာရီ အချိန်တွင် မောင်တောမြို့နယ် တောင်ပိုင်း ကျောက်ပန္ဒူ ကျေးရွာ အခြေစိုက် နယ်ခြားစောင့် ရဲတပ်ဖွဲ့ စခန်းမှ နယ်ခြားစောင့် ရဲများသည် ကျောက်ပန္ဒူ  ကျေးရွာအုပ်စု၊ စေတီပြင်ရွာတွင် ကင်းလှည့်နေစဉ် ဦးဖော်ယာစ်အာမတ် (ဘ) ဦးအာဘူလ်ဟိုရ် (အသက် ၆၀ နှစ်) က ၎င်း၏ ခြံဝင်းအတွင်း ဓါတ်မီးထိုး၍ ကြည့်သည်ကို နယ်ခြားစောင့် ရဲများက “ဘာကြောင့် ဓါတ်မီးနဲ့ ထိုးရတာလဲ” ဟုဆိုကာ လူမဆန်စွာ ရိုက်နှက်ခဲ့ရာ ဦးခေါင်းနှင့် နှုတ်ခမ်းတွင် ပြင်းထန်စွာ ဒဏ်ရာ ရရှိခဲ့ကြောင်း ဒေသခံ တစ်ဦးက RB News သို့ပြောသည်။ ထို့နောက် နယ်ခြားစောင့် ရဲများက ဦးဖော်ယာစ်အာမတ်၏ သွေးစွန်းနေသည့် အ၀တ်အစားများကို အတင်းအဓမ္မ ချွတ်ယူ၍ ချောင်း၌ ပစ်ချခဲ့သည်။

လူမဆန်စွာ ရိုက်နှက်ခံရသူ ဦးဖော်ယာစ်အာမတ်က နံနက် အစောပိုင်းတွင် ကျောက်ပန္ဒူရှိ နယ်ခြားစောင့် ရဲတပ်ဖွဲ့ စခန်းသို့ သွားရောက်၍ စခန်းတာဝန်ခံကို တိုင်တန်းခဲ့ရာ စခန်းတာဝန်ခံက စစ်ဆေး အရေးယူပေးမည်ဟု ဆိုကာ ၎င်းကို ပြန်ခိုင်းခဲ့သော်လည်း အရေးယူ ဆောင်ရွက်ပေးခြင်း မရှိခဲ့ဟု ဆိုသည်။

Comment ရေးရန်

Rohingya Exodus