နောက်ဆုံးသတင်း/ဆောင်းပါးများ

လူကုန်ကူးမှု တားဆီးရေး အဖွဲ့မှ အပြစ်မဲ့ ဒေသခံ တစ်ဦးကို ဖမ်းဆီး၍ ငွေနဲ့ ဖုန်းများ လုယက်



MYARF
RB News
25.3.2015

မောင်တော ။ ။ ရခိုင်ပြည်နယ်၊ မောင်တောမြို့နယ် မြောက်ပိုင်းတွင် လူကုန်ကူးမှု တားဆီးရေးမှ ရဲတပ်ဖွဲ့ဝင်များက ဒေသခံ တစ်ဦးကို ဖမ်းဆီး၍ ငွေများနှင့် ဖုန်း လုယက်ခဲ့ပြီး၊ တောင်ပိုင်းတွင် တပ်မတော်သားများက ထင်းခုတ်သမား လူငယ် တစ်ဦးကို သတိလစ်သည့် အထိ ရိုက်နှက်ခဲ့ကြောင်း သတင်း ရရှိပါသည်။ 

မောင်တော မြို့နယ် မြောက်ပိုင်း ကျောက်ပြင်ဆိပ် ကျေးရွာမှ ဆောဒ္ဒါန်ဟူစိန်း (ဘ) ကာမာလ် (ဘ) ဦးဂျမားလ် (အသက် ၂၇ နှစ်) ကို မတ်လ (၂၃) ရက်နေ့ နေ့လည် ၁၂ နာရီ အချိန်တွင် လူကုန်ကူးမှု တားဆီးရေး အဖွဲ့မှ ရဲတပ်ဖွဲ့ဝင် လေးဦးက စစ်ဆေးရန် ရှိသည်ဟု ဆိုကာ မြို့မ ကညင်တန်း ဈေးမှ ဖမ်းဆီးပြီး လူကုန်ကူးမှု တားဆီးရေး စခန်းသို့ ခေါ်ဆောင် မသွားဘဲ မြို့မ ဘောလုံးကွင်း၏ အရှေ့မြောက်ဘက်ရှိ ရဲကင်းစခန်းသို့ ခေါ်ဆောင် သွားခဲ့သည်။ ထို့နောက် အဆိုပါ ရဲကင်းစခန်းတွင် ရဲတပ်ဖွဲ့ဝင် များက ကာမာလ် ထံတွင် ပါရှိသည့် ငွေကျပ် သုံးသိန်းနှင့် ငွေကျပ် တစ်သိန်း လေးသောင်း တန်ဖိုးရှိ CDMA SIM ပါသည့် Huawei ဖုန်း တို့ကို လုယက်ပြီး၊ မည်သည့် ပစ္စည်းတစ်ခု တစ်စုံတစ်ရာကိုမှ မယူကြောင်း အတင်းအဓမ္မ လက်မှတ်ရေးထိုး ခိုင်းပြီးနောက် နေ့လည် တစ်နာရီ အချိန်တွင် ပြန်လည် လွှတ်ပေးခဲ့ကြောင်း ဒေသခံ တစ်ဦးက RB News သို့ပြောသည်။ ထိုကဲ့သို့ ရဲများ၏ လုယက်မှုများကြောင့် နယ်ပိုင်းမှ ဒေသခံ ပြည်သူများ မောင်တောမြို့ပေါ်သို့ လာရောက်ရန်ပင် ကြောက်ရွံနေကြသည်ဟု အဆိုပါ ဒေသခံက ပြောပါသည်။ 

မောင်တောမြို့နယ် တောင်ပိုင်း မြင်းလွှတ် ကျေးရွာအုပ်စု ရှိတ္တာရွာမှ မာမတ်အာမီးန် (ဘ) ဦးဟာလူ (အသက် ၂၀ နှစ်) သည် မတ်လ (၂၁) ရက်နေ့တွင် တောင်ပေါ်သို့ သွားရောက်၍ ထင်းခုတ်နေစဉ် တပ်မတော်သားများက လူမဆန်စွာ ရိုက်နှက်ခဲ့ခြင်းကြောင့် သတိလစ် မေ့မျောခဲ့ပြီး စစ်သားများက ၎င်းကို တောင်ထဲ တစ်နေရာတွင် ပစ်ချ၍ ထွက်သွားခဲ့သည်။ ၎င်း၏ ကျေးရွာမှ ထင်းခုတ်သမား အချို့က တွေ့ရှိသွားခဲ့ပြီး ရွာသို့ ပြန်လည် သယ်ယူ လာခဲ့ကြောင်း ဒေသခံ တစ်ဦးက ပြောပါသည်။

Comment ရေးရန်

Rohingya Exodus