နောက်ဆုံးသတင်း/ဆောင်းပါးများ

လူမျိုး - ရိုဟင်ဂျာပါ အိမ်ထောင်စု စာရင်း သိမ်းယူ၍ ဘင်္ဂလီဖြင့် အသစ် ထုတ်ပေး




MYARF
RB News
22.3.2015

ဘူးသီးတောင် ။ ။ ရခိုင်ပြည်နယ်၊ ဘူးသီးတောင် မြို့နယ် သင်္ဂနားကျေးရွာ အုပ်စု၊ ဒုံပိုက်ရွာတွင် ဆွဲ၊တင်၊စစ် စစ်ဆေးရာ၌ လူမျိုး - ရိုဟင်ဂျာ အမည်ပါ အိမ်ထောင်စု စာရင်း တစ်ခုကို သိမ်းယူပြီး လူမျိုး - ဘင်္ဂလီဟု ဆိုကာ အသစ် ထုတ်ပေး ခဲ့ကြောင်း သတင်းရရှိပါသည်။

မတ်လ (၂၀) ရက်နေ့တွင် ဘူးသီးတောင် မြို့နယ် ဘင်္ဂနား ကျေးရွာအုပ်စု၊ ဒုံပိုက်ရွာ၌ ဆွဲ၊တင်၊စစ် စစ်ဆေးနေစဉ် မ.က.ဖ က လူမျိုး - ရိုဟင်ဂျာဟု ပါရှိသည့် ဦးအဒူမော်ဂျိတ် (ဘ) ဦးဘော်ဒီအာလောမ်၏ အိမ်ထောင်စု စာရင်းကို သိမ်းယူပြီး လူမျိုး - ဘင်္ဂလီဖြင့် အိမ်ထောင်စု စာရင်း အသစ်ထုတ်ပေးခဲ့ကြောင်း ဒေသခံ တစ်ဦးက RB News သို့ပြောသည်။ ထို့အပြင် ငွေကျပ် ၅၀၀၀ လည်း ညှစ်ယူခဲ့သည်ဟု ဆိုသည်။

ဦးအဒူမော်ဂျိတ်ထံမှ သိမ်းယူလိုက်သည့် အိမ်ထောင်စု စာရင်းမှာ မိတ္တူသာ ဖြစ်ပြီး၊ မူရင်းကို ယခင်က ဘူးသီးတောင် ထောင်တွင် အကျဉ်းကျခံရသည့် ၎င်း၏ ညီကို ထောင်ဝင်စား သွားတွေ့စဉ် ထောင်မှူးက အကြောင်းမဲ့ သိမ်းယူခဲ့ပြီး ပြန်လည် ပေးအပ်ခြင်း မရှိခဲ့ကြောင်း သိရသည်။

သင်္ဂနား ကျေးရွာအုပ်စု၊ ဒုံပိုက်ရွာ၌ ဆွဲ၊တင်၊စစ် စစ်ဆေးရာတွင်လည်း မွေးတိုး ၁၀၀၀ ကျပ်၊ ပယ်ဖျက် ၁၀၀၀ ကျပ်နှင့် မ.က.ဖ စားသုံးစရိတ်ဟု ဆိုကာ ၁၀၀၀ ကျပ်စီ ကောက်ခံခဲ့ကြောင်း ဒေသခံများက ပြောပါသည်။

Comment ရေးရန်

Rohingya Exodus