စစ်ဗိုလ်တစ်ဦးက အပြစ်မဲ့ ဒေသခံတစ်ဦးကို ဖမ်းဆီး ရိုက်နှက်ပြီး ငွေ ၁၃ သိန်းညှစ်
Rohingya Eye
RB News
28.3.2015
မောင်တော ။ ။ ရခိုင်ပြည်နယ်၊ မောင်တောမြို့နယ် အလယ်သံကျော် ကျေးရွာအုပ်စု၊ ဗျူဟာမှူး ကျေးရွာ အခြေစိုက် တပ်မတော် စစ်စခန်းမှ ဗိုလ်တစ်ဦးက အပြစ်မဲ့ ဒေသခံ တစ်ဦးကို မဟုတ်မမှန် စွပ်စွဲ ဖမ်းဆီး၍ လူမဆန်စွာ ရိုက်နှက်ပြီး ငွေညှစ်ခဲ့ကြောင်း သတင်း ရရှိပါသည်။
မတ်လ (၂၂) ရက်နေ့ နံနက် (၁၁)နာရီ အချိန်တွင် မောင်တောမြို့နယ် တောင်ပိုင်း အလယ်သံကျော် ကျေးရွာ၊ ကမ်းဖူးဖာရာမှ ဦးဆွေယာဒ်ကာဆိမ်း (ဘ) ဦးအော်လီ (အသက် ၅၅ နှစ်) ၏ နေအိမ်သို့ ဗျူဟာမှူး ကျေးရွာ အခြေစိုက် စစ်တပ် စခန်းမှ စစ်ဗိုလ်တစ်ဦး ရောက်ရှိလာပြီး တရားမ၀င် လုပ်ငန်းများ လုပ်ကိုင်နေသည်ဟု မဟုတ်မမှန် လုပ်ကြံ စွပ်စွဲ၍ ဖမ်းဆီးပြီး စခန်းသို့ ခေါ်ဆောင် ခဲ့သည်။ ထို့နောက် စခန်းတွင် လူမဆန်စွာ ရိုက်နှက် ညှဉ်းပန်း နှိပ်စက်မှုများ ပြုလုပ်ရာ မိသားစုများက မတတ်သာတော့သည့် အဆုံးတွင် စစ်ဗိုလ်ကတောင်းသည့် ငွေကျပ် ၁၃ သိန်းကို ပေးပြီးနောက် ပြန်လည် လွတ်မြောက် လာခဲ့ကြောင်း ဒေသခံ တစ်ဦးက RB News သို့ပြောသည်။
အဆိုပါ စစ်ဗိုလ်၏ လူမဆန်စွာ ရိုက်နှက်မှုကြောင့် ဦးဆွေယာဒ်ကာဆိမ်း၏ လက်မောင်းနှင့် ရင်ဘတ်ပေါ်တွင် ပြင်းထန်စွာ ဒဏ်ရာရရှိခဲ့သဖြင့် ပြင်ပ ဆေးခန်းတွင် ယခုအချိန်ထိ ဆေးဝါး ကုသမှု ခံယူလျက် ရှိကြောင်း သိရသည်။ ဦးဆွေယာဒ်ကာဆိမ်းသည် အေးချမ်းစွာ နေထိုင်သူ တစ်ဦး ဖြစ်သော်လည်း အဆိုပါ စစ်ဗိုလ်၏ တပည့်များ ဖြစ်သည့် ဦးဟာဘဲစ်အာမတ် (ဘ) ဦးဖော်ဇော်လ်အာမတ် (အသက် ၃၀ နှစ်) နှင့် ဦးမုစ်တာရ်အာမတ် (ဘ) ဦးဒေါလူ (အသက် ၃၅ နှစ်) တို့၏ လုပ်ကြံမှုကြောင့် ဖမ်းဆီး ညှဉ်းပန်း နှိပ်စက်ခံရပြီး ငွေညှစ်ခံရခြင်း ဖြစ်သည်ဟု အဆိုပါ ဒေသခံက ပြောပါသည်။
ဒေသခံ တစ်ဦးက “စစ်တပ်က မကြာခဏ ရွာထဲကိုလာပြီး မတော်မတရား ဖမ်းဆီးပြီး နှိပ်စက်တယ်၊ ငွေညှစ်တယ်၊ သူတို့ရဲ့ တာဝန်က ပြည်သူတွေရဲ့ လုံခြုံရေး အတွက်ပါ။ အခုတော့ လူဆိုးဂိုဏ်းလို လုပ်နေတယ် ဆိုတော့ ဘယ်သူ့ကို အားကိုးရမလဲ၊ နယ်ခြားစောင့် ရဲတွေလည်း နှိပ်စက်တယ်၊ စစ်တပ်လည်း နှိပ်စက်တယ်။ ရွာကလူတွေကတော့ နောက်ဆုံးမှာ နိုင်ငံခြားကို ထွက်ပြေးသွားရမယ့် အခြေအနေပဲ” ဟုပြောသည်။
