ကျေးဇူးကမ္ဘာပါ အမေရာ
 |
| (ဓါတ်ပုံ - ရိုက်တာ/မင်းဇေယျာ) |
ကျေးဇူးကမ္ဘာပါ အမေရာ
ရေးသားသူ - မေတ္တာမောင်
RB ကဗျာ
29.3.2015
အမေ
အမေ
မာန၊ထောင်လွှား၊ကြွားဝါ၊ဘဝင်မြင့်
ဒီစကားလုံးတွေရဲ့ အဓိပ္ပာယ်ကို
ကောင်းစွာ ရှင်းပြခဲ့တဲ့အတွက်
ဒီစကားလုံးတွေရဲ့ ကျွန်မဖြစ်မိဖို့
အခါခါသတိပေး ဆုံးမတဲ့အတွက်
ကျေးဇူးကမ္ဘာပါ။
အမေ ငွေဖြူ (သန့်စင်သောငွေ) ရဲ့အေးချမ်းမှု
အမေ ငွေဖြူ (သန့်စင်သောငွေ) ရဲ့အေးချမ်းမှု
ငွေမဲ(မသန့်စင်သောငွေ) ရဲ့ပူလောင်မှု တွေကို
သာဓကနှင့်တကွ ရှင်းပြပေးတဲ့အတွက်
ငွေဖြူနည်းနည်းထဲမှာ
စိတ်နှလုံးရဲ့ချမ်းမြေ့စရာတွေပါနေကြောင်း
ငွေမဲအများကြီးဖြစ်လည်း
အန္တရာယ်နှင့်ပူလောင်မှု တွေပါနေကြောင်း
အသေးစိတ်ရှင်းပြခဲ့တဲ့အတွက်
ကျေးဇူးကမ္ဘာပါ။
အမေ
အမေ
ကားကောင်းကောင်းစီးရလို့ မာန်စွယ်ပေါက်နေသူများ
ရာထူးမြင့်မြင့်ရလို့
အာဏာကို လိုသလိုအသုံးချနေသူများကို
အားမကျမိဖို့ လမ်းညွှန်ပေးတဲ့အတွက်
ကျေးဇူးကမ္ဘာပါ။
အမေ
အမေ
ငွေကို ရှိခိုးတတ်တဲ့လူနဲ့ ကင်းကင်းနေဖို့
ဂုဏ်ပကာသန ကို မက်မောတဲ့လူနဲ့ ဝေးဝေးနေဖို့
ကိုယ်ချင်းစာနာစိတ် ကင်းမဲ့တဲ့ပုဂ္ဂိုလ်ကြီးများနဲ့
အရောတဝင်မနေဖို့
အမြဲတစေ သွန်သင်ဆုံးမတဲ့အတွက်
ကျေးဇူးကမ္ဘာပါ။
အမေ
တစ်ဖက်သားဘဝကို ဖျက်ဆီးစေသော
မူးယစ်ဆေးပြားတွေရောင်းပြီး
ကျိကျိတက်ချမ်းသာကြွယ်ဝလာသူ
ကျင်းပတဲ့ ပွဲသဘင်မှာ
မင်းဧကရာဇ်တစ်ယောက်ရဲ့ပွဲအလား
ကြွရောက်ချီးမြှင့်နေသူများနဲ့ အတူမပါမိဖို့
အပြင်းအထန် ဟန့်ထားခဲ့တဲ့အတွက်လည်း
ကျေးဇူးကမ္ဘာပါ။
မှတ်ချက်။ ။ ငွေမဲဖြင့် ချမ်းသာကြွယ်ဝသူကို မင်းဧကရာဇ်တစ်ယောက်လို တလေးတစား ရှိခိုးတတ်သူများ သိစေဖို့ ရည်ရွယ်ရေးဖွဲ့ပါသည်။ စာဖတ်သူများ သုံးသပ်ဆင်ခြင်နိုင်တဲ့ အမြင်မှန် ရကြပါစေ။
