နောက်ဆုံးသတင်း/ဆောင်းပါးများ

ရွှေဇား နယ်ခြားစောင့် ရဲများက ငွေကျပ် ၈ သိန်းညှစ်၊ လောင်းဒုံးမှ ကျောင်းသား တစ်ဦး အဖမ်းခံထားရ




MYARF
RB News
3.3.2015

မောင်တော ။ ။ ရခိုင်ပြည်နယ်၊ မောင်တော မြို့နယ် ရွှေဇားတံတား ကင်းစခန်းမှ နယ်ခြားစောင့် ရဲများက အပြစ်မဲ့ ဒေသခံ တစ်ဦးကို ဖမ်းဆီး၍ ငွေကျပ် ၈ သိန်း ညှစ်ယူခဲ့ပြီး၊ လောင်းဒုံး ကျေးရွာ အုပ်စု အုပ်ချုပ်ရေးမှူးကလည်း ဒေသခံ နှစ်ဦးထံမှ ငွေညှစ်သည့် အပြင် မတရားသဖြင့် ပြုလုပ်မှုကြောင့် ကိုးတန်း ကျောင်းသား တစ်ဦး အတန်းတင် စာမေးပွဲ မဖြေရသည့် အပြင် ယခုအချိန်ထိ မောင်တော ရဲစခန်းတွင် ချုပ်နှောင် ခံထားရကြောင်း သတင်း ရရှိပါသည်။

မောင်တောမြို့နယ်၊ ရွှေဇား တံတား ကင်းစခန်းမှ ဒုရဲအုပ် အပါအ၀င် နယ်ခြားစောင့်ရဲ အချို့သည် ဖေဖော်ဝါရီလ (၂၇) ရက်နေ့ ည ၈း၄၅ နာရီ အချိန်တွင် ရွှေဇား ကျေးရွာ အုပ်စု၊ အနောက်ရွာ၌ ကင်းလှည့်နေစဉ် ၎င်းကျေးရွာအုပ်စု မြောက်ရွာနေ ဦးဟာဆောင်း (ဘ) ဦးရာဟာမောတ် သည် အနောက်ရွာမှ ဆိုင်ကယ် စီးသွားနေစဉ် နယ်ခြားစောင့် ရဲများက ရပ်တန့်စစ်ဆေး ခဲ့သည်။ တရားမ၀င် ပစ္စည်း တစ်စုံတစ်ရာ မတွေ့ရှိခဲ့သော်လည်း ၎င်းကို အကြောင်းမဲ့ စခန်းသို့ ဖမ်းဆီး ခေါ်ဆောင်သွားပြီး၊ ဆိုင်ကယ်တွင် WY စာတမ်းပါ မူးယစ်ဆေးပြား ၃ ပြား တွေ့ရှိခဲ့သည်ဟု လုပ်ကြံ စွပ်စွဲပြီး ရိုက်နှက် ညှဉ်းပန်း နှိပ်စက်ကာ ငွေကျပ် သိန်း ၃၀ တောင်းခံခဲ့သည်။ ဦးဟာဆောင်းက အပြစ်မဲ့ တစ်ဦး ဖြစ်၍ နယ်ခြားစောင့် ရဲများ ညှစ်သည့်ငွေကို ပေးရန် ငြင်းဆန်သဖြင့် တစ်ညလုံး လူမဆန်စွာ ရိုက်နှက်ခံခဲ့ရသည်။ ဦးဟာဆောင်းက ၎င်းအား ရိုက်နှက် ညှဉ်းပန်း နှိပ်စက်သည့် ဒဏ်ကို မခံနိုင်တော့၍ နောက်ဆုံးတွင် ငွေကျပ် ၈ သိန်း ပေးမှသာ ပြန်လည် လွတ်မြောက်လာခဲ့ကြောင်း ဒေသခံ တစ်ဦးက RB News သို့ပြောသည်။

မောင်တော မြို့နယ် မြောက်ပိုင်း လောင်းဒုံး ကျေးရွာအုပ်စု ဖောကီတောင်ရွာမှ ရပ်မိရပ်ဖ ခေါင်းဆောင် ဦးရှုနာယား (ခ) ဦးရွှေမောင် (မာရမကြီး လူမျိုး) က ၎င်းရွာနေ ကိုးတန်းကျောင်းသား အာဘူကာလာမ် (ဘ) ဦးလာလူး (ခ) ဦးရှောမ်ရှုလောက် (အသက် ၁၇ နှစ်) အပါအ၀င် ဒေသခံ (၃) ဦးကို တစ်ဖက်နိုင်ငံမှ ဆိုလာပြားများ တရားမ၀င် တင်သွင်း ရောင်းချခဲ့သည်ဟု လုပ်ကြံစွပ်စွဲ၍ ခြိမ်းခြောက်ပြီး ငွေကျပ် တစ်သိန်း တောင်းရာ၊ ဒေသခံ နှစ်ဦးက ငွေကျပ် ၅၀၀၀၀/- စီ ပေးခဲ့သော်လည်း ကိုးတန်း ကျောင်းသား ဖြစ်သူ အာဘူကာလာမ်က ငွေပေးရန် ငြင်းဆန်ခဲ့သည်။ ငွေမပေးသည်ကို ဦးရှုနာယားက အငြိုးထား၍ ဖေဖော်ဝါရီ (၁၉) ရက်နေ့တွင် ဆွဲ၊တင်၊စစ် အဖွဲ့ လာသည့် အခါ အာဘူကာလာမ်၏ မိသားစု ရောက်ရှိလာရာတွင် ဦးရှုနာယားက နယ်ခြားစောင့်ရဲများအား အာဘူကာလာမ်အား ဖမ်းဆီးစေခဲ့သည်။ ထို့နောက် နယ်ခြားစောင့် ရဲများက အာဘူကာလာမ်ကို ငါးခူရရှိ နယ်ခြားစောင့် ရဲတပ်ဖွဲ့စခန်းသို့ ခေါ်ဆောင် သွားပြီး တစ်ပတ်ကြာ ထိန်းသိမ်း ထားပြီးနောက် မောင်တော ရဲစခန်းသို့ ပို့ဆောင် ခဲ့သည်။ ၎င်းအား ယခုထက်ထိတိုင် မောင်တော ရဲစခန်းတွင် ချုပ်နှောင် ထားပြီး ဖေဖော်ဝါရီလ (၁၉) ရက်နေ့တွင် စတင် စစ်ဆေးခဲ့သည့် အတန်းတင် စာမေးပွဲတွင် ၀င်ရောက် ဖြေဆိုနိုင်ခြင်း မရှိခဲ့၍ ဦးရှုနာယား၏ မတရားသဖြင့် အာဏာအလွဲသုံးစား ပြုလုပ်မှုကြောင့် ပညာသင်နှစ် တစ်နှစ် နစ်နာခဲ့ရကြောင်း ဒေသခံ တစ်ဦးက RB News သို့ပြောသည်။

Comment ရေးရန်

Rohingya Exodus