နောက်ဆုံးသတင်း/ဆောင်းပါးများ

ချောင်းဝ စခန်းမှ နယ်ခြားစောင့်ရဲ များက တံငါသည် ၁၄ ဦးကို လူမဆန်စွာ ရိုက်နှက်



MYARF
RB News
7.4.2015

မောင်တော ။ ။ ရခိုင်ပြည်နယ်၊ မောင်တောမြို့နယ် ရွှေဇား ကျေးရွာအုပ်စုရှိ ချောင်းဝ စခန်းမှ နယ်ခြားစောင့် ရဲများသည် တံငါသည် (၁၄) ဦးကို လူမဆန်စွာ ရိုက်နှက် ခဲ့ကြောင်း သတင်း ရရှိပါသည်။

မောင်တော မြို့နယ် ရွှေဇား ကျေးရွာအုပ်စုရှိ တံငါးသည်များသည် ငါးဖမ်းထွက်လိုလျှင် ရွှေဇား ကျေးရွာအုပ်စု၊ ကန်ဘဲရွာရှိ နယ်ခြားစောင့် ရဲတပ်ဖွဲ့ စခန်း (ယခင် န.စ.က စခန်း ၁၄) မှ ခွင့်ပြုချက် ရယူရပြီး ချောင်းဝ စခန်းသို့ ငွေကျပ် ၃၀၀၀ စီ ပေးကာ သတင်းပို့ရသည်။

ဧပြီလ (၅) ရက်နေ့ ညပိုင်းတွင် ရွှေဇား ကျေးရွာအုပ်စု၊ စေတီပြင်ရွာမှ ဦးနူရ်ကော်ဘိရ် ဦးဆောင်သည့် တံငါးသည် ၁၄ ဦးသည် ဆွဲပိုက်နှင့် ငါးဖမ်းရန် ကန်ဘဲ စခန်းမှ ခွင့်ပြုချက် ရယူပြီး ချောင်းဝ စခန်းသို့ သွားရောက် သတင်းပို့သော်လည်း နယ်ခြားစောင့် ရဲများက “ဒီနေ့ မင်းတို့ဆီက ငွေ ၃၀၀၀ စီ မယူချင်ဘူး၊ ဒီနေ့ မင်းတို့ကို ရိုက်ချင်တယ်” ဟုပြောဆိုပြီး တံငါးသည် ၁၄ ဦး တို့ကို တန်းစီစေခဲ့သည်။ တံငါးသည် ခေါင်းဆောင် ဦးနူရ်ကော်ဘိရ်က “ကျွန်တော်တို့ ခွင့်ပြုချက် ရယူပြီး ငါးဖမ်းဖို့ ထွက်တာကို ဘာကြောင့် ရိုက်ရမှာလဲ” ဟု မေးမြန်းရာ နယ်ခြားစောင့် ရဲများက “သိပ်စကားမများနဲ့” ဟု ပြောဆို၍ ဆဲဆိုပြီးနောက် နယ်ခြားစောင့်ရဲ (၃) ဦးက ဖိနပ်ဖြင့် တံငါးသည်များ၏ ပါးပြင်များကို လူမဆန်စွာ ရိုက်နှက်ခဲ့သည်။ ထို့နောက် နယ်ခြားစောင့် ရဲတပ်ဖွဲ့ စခန်းမှ တာဝန်ခံ ဒုရဲအုပ်က ခြေထောက်ဖြင့် ကန်ကျောက်၊ လက်သီးဖြင့် ထိုးနှက်ခဲ့ပြီး “မင်းတို့ ကုလားတွေကို ရိုက်ရင် ငါတို့အတွက် ဘာပြဿနာမှ မရှိဘူး” ဟု ဆဲဆိုကာ “အခု ငါးသွားဖမ်း” ဟု ဆိုကာ လွှတ်ပေးခဲ့ကြောင်း ဒေသခံ တစ်ဦးက RB News သို့ပြောသည်။

နယ်ခြားစောင့် ရဲများ၏ ရိုက်နှက်မှုကြောင့် တံငါးသည် ၄ ဦးမှာ ပြင်းထန်စွာ ဒဏ်ရာ ရရှိခဲ့ပြီး၊ ၃ ဦးမှာ နှုတ်ခမ်းများ ကွဲပြတ်၍ တစ်ဦးမှာ လည်ပင်း လှုပ်၍ မရတော့သည့် အထိ ဒဏ်ရာ ရရှိခဲ့သည်။ ရရှိသည့် ဒဏ်ရာများကြောင့် တံငါးသည်များက ငါးမဖမ်းဘဲ အိမ်ပြန်ချင်ခဲ့သော်လည်း နယ်ခြားစောင့် ရဲများက အိမ်ပြန်ခွင့် မပေးဘဲ အတင်းအဓမ္မ ငါးဖမ်းရန် ထွက်စေခဲ့ကြောင်း အဆိုပါ ဒေသခံက ပြောပါသည်။

Comment ရေးရန်

Rohingya Exodus